اشترك في نشرتنا البريدية ليصلك كل جديد

الخبير نايف · 17-12-2010, 12:21 AM

السلام عليكم

من زمان ابي انزل هالموضوع ..

وهو عن تجربتي مع مكروب العيون ..

مكروب العيون هو مرض مثله مثل اي مرض ثاني للعين لكن الاعراض تختلف ويعتبر كابوس لكل مربي ..

يكون صعب بما انه مختلط مع قطط اخرى ممكن حدوث عدوى .. ويسبب خوف قلق للمربي

ـــــــــــــــــــــــــــــــــــــــــــــــــــــــــــــــــــــــــــــــــ تجربتي

علاجه سهل لكن محاصرة المرض صعبه

يعني ممكن يتعالج يومين ثلاثه وتحده انتكاسه

صورة شوشو بعد حدوث المرض ..

واستخدمت لها قطره وتم الشفاء لمدة اسبوع واحد فقط ..

وبعده انتكاسه ..

كثير اطباء لاسف مايعرف يفرق بين الالتهاب والمكروب ولمن قلت له مكروب قالي لا

يعني انتي بتعرفي اكثر مني؟؟ !

هذا مجرد شي دخل بعيونها وبس محتاجه تنظيف وقطره عاديه او مويه وقطن بس

ولمن سالته اقدر امسح عيونها بمويه وشاي دافي قالي مويه من الحنفيه ..

ـــــــــــــــــــــــــــــــــــــــــــــــــــــــــــــــــــــــــــــــــــ تجربتي

اخذت شوشو وطلعت واخذت لها قطره + مرهم لكن ماجابت نتيجه فعاله

ورجعت انتكست من جديد الحاله وصارت ماتقدر تفتح عيونها !

كل 6 او 8 ساعات تنظيف وتعقيم الين ماقررت اني اعزلها نهائيا عن اي شي وحطيتها بغرفه شبه منعزله لكن معقمه ونظيفه وكانها غرفة عنايه بمستشفى

لان هالمرض اهم شي فيه النظافه ممكن تتعالج وينتقل المرض لها مره ثانيه من اي شي كانت تنام عليه او من الليتر بوكس !!!

تماثلت للشفاء لكن لو نلاحظ باقي اثر للون الاحمر وهو دلاله على المكروب ..

وراح اقولكم كل الاعراض بنهاية الموضوع ..

ــــــــــــــــــــــــــــــــــــــــــــــــــــــــــــــــــ تجربتي

وديت شوشو لعياده اجنبيه اكتشفناها بالصدفه

مسح عيونها بقطن مبلول بماء دافئ وهو لابس قفاز وقالي لاتتعاملي معاها الا بالقفاز بذات مسح العيون

وبعده تغسلي يدك كويس وتكوني عزلتيها لوحده بمكان نظيف ومافيه اثاث كثير عشان ماتنام بكل مكان

يعني بس سريرها والعابها عشان ماتطفش.

بس انا ماقدرت واول يومين حبستها وبعده خليتها تسرح وتمرح بالبيت زي ماتبغى ..

حسيت نفسيتها ارتاحت الدموع الحمراء بدت تخف بالتدريج !!!

بس لو نلاحظوالشعر حول العيون بدء يتساقط اكيد بسبب كثرة الرطوبه من الدموع لكن بعد تمام الشفاء والحمد لله

انتهت معاناة الدموع الحمرا والتورم والغمص الاحمر والافرازات

ــــــــــــــــــــــــــــــــــــــــــــــــــــــــــــــــــــــــــــــــ تجربتي

الدكتور اعطاني مرهم واستخدمته واستمريت ع العلاج زي ماقالي 5 ايام

بس لاحظت انه العيون خفت لكن للحين لو اقطع العلاج راح ترجع لها

فاستمريت ع القطره لين شفت الدموع اختفت نهائيا لدرجة انه الشعر بدء يطلع من جديد

ولمن حسيت ان العيون صافيه وتلمع ولا في افرازات في القناه الدمعيه ..

وقتها بس وقفت العلاج واستمريت على التنظيف وتعقيم الاماكن اللي تجلس فيها شوشو باستمرار والليتر بوكس باليوم اغسله واعقمه مرتيه اوقات ثلاث مرات

ــــــــــــــــــــــــــــــــــــــــــــــــــــــــــــــــــــــــــــــــــــ تجربتي

مكروب العين ..

مكروب العين يبدء بافراز دموع غزيره وغمص مصحوب بدموع يعني مو غمص ناشف !

ومع المسح والتنظيف اليويم تلاحظ انه الدموع بالقطنه ممكن يتحول لونها الى الاحمر

[ تاكدو انه قططكم لون دموعها لمن تمسحوها بالمنديل او القطن لونها ابيض ]

لانه يبان وقت المسح اذا كان مائل للاحمر ولو ع الخفيف مع افرازات ودموع هذي للاسف بداية مكروب

لكن لو القطه عندها مجرد احمرار بالعين وافراط بالدموع يكون شي اخر غير اللي اتكلم عنه ..

ـــــــــــــــــــــــــــــــــــــــــــــــــــــــــــــــــــ تجربتي

العلاج ....

العلاجات كثيره ومفيده كلها افضلها القطرات لانه تكون اسهل من المرهم وماتترك اثر تعقم العيون بوقتها

واستخدمت قطرات كثيره لكن اهم شي الانتظام ومحاصرة المكروب

ممكن اي قطره من الصيدليه البشريه تكون معقمه ومضاده للبكرتيا وقطره وحده بكل عين اول اربع وعشرين ساعه تستخدم كل 6 ساعات لمحاصرة المكروب

وبعده كل يوم كل 8 ساعات قطره بكل عين مع مراعاة التنظيف اليومي للعين وقبل وضع القطره

وعند وضع القطره تفتح العين وتضل مفتوحه ثواني [ عيون القط/هـ

ونضع القطره نخليها ثواني وبعده نتركها ونغسل يدينا جيدآ لانه معدي للانسان .!!

صورة القطره اللي استخدمتها لشوشو

اخر قطره وفي انواع كثيره اهم شي مثل ماذكرت تكون معقمه للعين ومضاده للبكتريا

استودعكم الله