ببغاء الدره و بيت جديد !

[عابر سبـيل]

بسم الله الرحمن الرحيم




بحمد الله امتلكت دره هنديه ذكر بالغ
وصاحبه مولفه ويقول عنه مايعض ويصفر والييف
بس تو اخذته
ومو راضي يطلع على يدي ، فكيت القفص ومو راضي يخليني امسكه ويعضعض!
شكله خايف مني

وش السواة ياهل الخبره خطوه بخطوه ، تراني صفففرر في الطيور اول مره امتلك طير

[عابر سبـيل]

يالربع لاتبخلون علينا ولو بمعلومه صغيره
لعلها تكون فاتحة خير مع الطير

[mhusain]

الله يبارك لك الطير
طبعا بيخاف لانه تغير عليه صاحبه والمكان
حاول اسبوع كامل ماتطلعه بس تكلمه وتعطيه اكل بيدك علشان يطمئن عليك
وبعد اسبوع طلعه ومدامه الطير اليف بيطلع في يدك بسهوله ان شاءالله
وربي يوفقك

[the_gostman]

اخي الكريم..الببغاء الان انتقل الى مكان جديد.وهو بحاجه الى وقت حتى يعتاد على المكان وعلى صاحبه الجديد.

اصبر عليه ولا تتعجل..

بالتوفيق

[عابر سبـيل]

الله يطمنكم ويسعدكم

يعني اخلي الطير في الصاله بيننا علشان يألف وجيهنا لمدة اسبوع واطلعه من القفص!؟
انا مشكلتي خايف منه يعضني..وش نصيحتكم

[شرارة]

الطير مهوب الليف وماتروض صح

يبيلك بعد مايتعود عليك وعلى المكان الجديد

تروضه بس ماراح يكون صعب مره لانه سبق وتروض ترويض اي كلام

والدره عنيده ويبيلها وقت

بس للمعلوميه لوهي الليفه ومروضه صح مستحيل تعض او تنحاش عنك

ممكن يصيرفيها شوي خوف لانك غريب عليها والمكان جديد

اما تعض وتصرخ وتهرب منك معناتها ماهي مروضه

عاد انت بكيفك تبي تصبرعليها وتروضها ولا ترجعها لراعيها لانه قالك الليفه واهي غير الليف


بتوفيق اخوي