اشترك في نشرتنا البريدية ليصلك كل جديد

! هاويه الطيور ! · 09-05-2009, 01:40 AM

[ السلام عليكم ورحمه الله وبركاته ]

* بالبدايه بقولكم القصه الي صارت معاي امس يوم الجمعه *

[ رحت انا وامي واخوي سوق الخضار ومنها يوم الجمعه يكون يوم مخصص للطيور والحيوانات ومعروف هذا السوق قلت اروح واول مره اروح هالمكان يمكن رحت لها وانا صغيره المهم قال اخوي بروح اشوف القطط والكلاب الي هناك قلت بروح معاك بشوف بس القطط الكلاب انت روح لهم
وفجاءه وانا اشوف كنت مو مهتمه بالقطط نهائيا بس طاحت عيني على هالقطه فجاءه وقعدت اطالع فيها مده وافكر وكان ودي اشتريها بس قال اخوي ان شاء الله الاسبوع الجاي نشتريها اذا رجع الوالد من السفر قلت مو مشكله ]

وهذي صوره القطه بس شكلها بالصوره اهني مختلف عن الي شفتها الي شفتها حلوه حيل
اتمنى احد يلقى لي صور مثلها بس احلى لانه وابي اسمها شنو اسمها !!

Burmese Cat - Photo of Candido © Helmi Flick

[ والي حببني فيها مافيها شعر كثير ماحب اعتني بالشعر او يتساقط او او إلخ ]

[ ورايكم اربيها في البيت ولا في المزرعه ولو عارفه راح يزعلون بطي من وجودها لانها تاكل عيالها ]

وابي معلومات عن القطه من أ إلى ي . .

وبالنهايه

كل الشكر لـ مساعدة المشرفه أنـــــو على المساعده لي

تحياتي

آنـــــو · 09-05-2009, 01:09 PM

مررراحب هاوويه

تصدقين أني فرحانه أنك قررتي تشترين

ولله شعور وأحساس لايوصف لما تجيبين قطوه جديده

بس التعب هو البحث عنها وخاصه لما يكون بمزاجك شي ونوع معين ،، أوووف

حالياً أنا بعد جالسه أدور وماحصلت شي ..

المووهم القطوه اللي حطيتي صورتها هذي بُرميسي ،،، آمممم ماأتوقع أبدا أنها موجوده عندنا

لكن فيه فصائل ثانيه تشابه لها مثل .. السيامي التقليدي Traditional Siamese cats { الآبل هيد ,,

وهذا اللي أتوقع شفتيها بالسوق لأن موجوده عندنا بكثره .. لكن مو كلهم يجوون حلووين

وفيه البرتيش ناس قليلين يربونه وينتجون منه .. British Shorthair

وفيه الأكزوتيك Exotic Shorthair .. وهذا أطباعه مثل الشيرازي بالضبط هادي ودلوع حتى بلعبه

أنا من أحب الأنواع عندي البرتيش والأكزوتيك .. لأن جسمهم يجي cobby

عظامهم عريضه وغليظه وقصار بالعربي متختخين .. وطبعهم أهدى من السيامي

اللي هو لعوووب وحركي وثرثار ،، يعني يسولف معك لكن أنه ذكي جداً ويرتبط ويغار على صاحبه ..

اقتباس:

[ ورايكم اربيها في البيت ولا في المزرعه ولو عارفه راح يزعلون بطي من وجودها لانها تاكل عيالها ]

لا لا حرام ،، شـ فايدة القطوه أجل .. حلاتها معاك بالبيت تسليك وتنام بغرفتك

تشاكسينها وتشاكسك .. حتى شوفتهم تريح القلب

لو متضايقه (والله لايجيبها) تلقين نفسك تبتسين غصب .. مرره يونسون

وتجربه ممتعه بحلوها ومرها .. تحسين بمسؤليه وأن هالمخلوق مرتبط فيك ويعتمد عليك ..

نصيحتي خليها عندك بالبيت دام أهلك ماعندهم مانع ..

والعفووو ماسوينا شي

! هاويه الطيور ! · 09-05-2009, 01:47 PM

آنـــــو

.
.

[ تسلمين والله على التشجيع بس يعني مراح احصل مثلها لانه لاحظ اهي الوحيده الي كانت بالسوق وكلهم فيهم شعر كثير والله يستر مابي لما اروح واتعب لانه طريق بعيد وبالاخير ماحصلها والله بموت قهر وقتها ]

[ والاسماء الي عطيتيني اياها راح اشوفها عبر google / لا قررت اربيها لانه مرات اتضايق واكون بروحي يمكن بوجود قطه تسليني واسليها ]

مشكووووووووره مرآ ثآنيه ~

! هاويه الطيور ! · 09-05-2009, 08:39 PM

[ ايوه هذي القطه الي شفتها بالسوق ]

[ بس مابيها يدخل عليها الالون الاسود كثير لاني اخاف من السوده ]

ابي معلومات عنها
وهذي صورتها

[ ويصير تتزاوج مع اي قط عادي ! حتى لو قط الشوارع ]

آنـــــو · 10-05-2009, 08:54 AM

أيه هذي سياميه تقليديه ..

علشان كذا قلت لك أنه متواجد عندنا بكثره ..

ومثل ماذكرت هالنوع لعووب وحركي ونشيط .. ويحب الأماكن العاليه

وذكي جداً .. ويتعلق بصاحبه كثير ويغار عليه .. ويتأقلم على الغرباء

وثرثار .. ومايحتاج عنايه كبيره مثل القطط بشعر طويل

وأيه يصير تزاوجينه بأي نوع بس فيه شي

معروف أذا زاوجتي السيامي مع شيرازي غالباً الكتينز يجي لونهم أسود

ولا تفكرين تزاوجينها مع قطط شوارع ممكن ينقلون لها أمراض

الا أذا كانت من نوع بلدي ومتربيه عند ناس ونظيفه وضامنه صحتها

موووفقه يااارب

~~طروقو~~ · 10-05-2009, 01:50 PM

وش اقول بس

آنو كفت ووفت بس زي ماقالت اذا زوجتي اللسيامي مع لونج هير يجون العيال سوووووووووووووود هع يعني ازين زوجيها سيامي نفسها

! هاويه الطيور ! · 10-05-2009, 02:28 PM

اقتباس:

المشاركة الأصلية كتبت بواسطة آنـــــو

أيه هذي سياميه تقليديه ..

علشان كذا قلت لك أنه متواجد عندنا بكثره ..

ومثل ماذكرت هالنوع لعووب وحركي ونشيط .. ويحب الأماكن العاليه

وذكي جداً .. ويتعلق بصاحبه كثير ويغار عليه .. ويتأقلم على الغرباء

وثرثار .. ومايحتاج عنايه كبيره مثل القطط بشعر طويل

وأيه يصير تزاوجينه بأي نوع بس فيه شي

معروف أذا زاوجتي السيامي مع شيرازي غالباً الكتينز يجي لونهم أسود

ولا تفكرين تزاوجينها مع قطط شوارع ممكن ينقلون لها أمراض

الا أذا كانت من نوع بلدي ومتربيه عند ناس ونظيفه وضامنه صحتها

موووفقه يااارب

[ مشكوووووووووووووووره وماقصـرتي وإن شاء الله عن قريب انزل صورها يارب ]

[ كل الشكر ]

! هاويه الطيور ! · 10-05-2009, 02:29 PM

اقتباس:

المشاركة الأصلية كتبت بواسطة طروقو

وش اقول بس

آنو كفت ووفت بس زي ماقالت اذا زوجتي اللسيامي مع لونج هير يجون العيال سوووووووووووووود هع يعني ازين زوجيها سيامي نفسها

[ شكرا لك & وإن شاء الله القى مثلها لاني ماحب اللون الاسود ]