منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
07-10-2008, 06:13 PM
|
#1 |
|
هاوي جديد
|
::أنتظر إجابة لمشكلتي من قطتي::
::
الســلام عليــكم .. أنا عضووه يديده،، سجلت حتى تفيدوني وافيــدكم ..! والحيــن أنــا احتااج لخبرتكم لاني صدق ضاايـــعه ومضايقه واحس انه هااي القطه (أرفتني) ..! . . مشكلتي هييه ..! أنا كانت عندي قطوه من النوع السيامي ذكر ماشالله عليــه شريته متعلم ومدرب ع كل شي وكان 100 على 100 ..! بس صارله حادث والله يرحمه  ..!!. . المهم والاهم !!!!!!!! هاي القطه الجدييده اللي شريته مووول ما تفهم وبهدلتني وخلتني اكره تربية القطط وافكر اتخلص منها بس انا حبيتهاا بس وايد عندها مشاكل مع العلم انه عمرها شهرين ونص.. وديتها البيطري وطعمتها وقال ما فيها شي.. ومشاكلها : = تتبرز خارج صندوق الرمل ... (( خيسة غرفتي ما خلت فراش على زوليه ما روحتهم )) هااي من اكثر المشاكل اللي جد اتريااا اتخبرووني شو اسوووي !! = عيونه اطلع شي قرفني وانظفه ويرجع يظهر .. = ما يشرب حليــب ولا مااي !! (( ناويه تذبح عمرها )) = صوتها متشحط يعني "متقطع" ،، = فيه كتل في شعرها مع اني حممتها عدل إلا أنه هاذي الكتل الصغييره وايد ما رضت اترووح .. = تعطس واااايد .. = فيه وصخ في اذنها وما اعرف كيف انظفه لانه كل ما احاول اتقرب منها تحرك رسها بطريقه سريعه اتخوفني ..!! . . الحييييييين اترياا مساعدكم يا أهل الخبره .. والله اني احتاااج لهاااي المعلومات .. . . !! إماراتيه !! :: |
|
|
07-10-2008, 06:26 PM
|
#2 |
|
هاوي متميز
|
رد: ::أنتظر إجابة لمشكلتي من قطتي::
اما بالنسبه للعين حميميها كويس بشمبو بيبي جنسن للكتل مشطي شعرها اما لاذن في مرهم ينباع في محلات الحيوانات وشكلها كانت مربيه عند ناس مايهتمو او في محل تعبان وشكرا واتمنى اكون افتدك. |
|
|
|
07-10-2008, 06:26 PM
|
#3 | |
|
محترف جدا
|
رد: ::أنتظر إجابة لمشكلتي من قطتي::
اقتباس:
شوفي إختي أكيد عندك صندوق الرمل إلي هو الحمام أكرمك الله...فإنتي بعد ما تاكل عالطول شيلها و على الحمام..لو بغت تروح لا تخلينها تروح مسكيها مكانها بس يبيله صبر أسبوع بالكثير ووتتتعود... و إذا عشان ما تاكل...إبلا تاكل بس يمكن إنتي ما تشوفيها... هذا عادي نفس قطي إلي يطلع بعيونها ...يعني طبيعي.. عادي إذا صوتها جي في بعض القطط جي.. إذا مو راضية هاي الكتل تروح قصيها بالمقص ..بس مب تقرعين شهرها..هههه و إذا عشان تعطس بيروح كم يوم..قطي تايقر كان جي و كم يوم و راح.. و إذا عشان الوصخ إلي فأذنها خذي قطنه مبللة بمي ..و إعصريها عدل من الماي و إمسحي إذنها ..و من بعدها افركي فازلين من وارها.زبس إتأكدي من عصرها زين زين..لأنه إذا دخل اي حتى لو وشي فإذنها فبيسسب إلتهاب فإنتبهي..لا عادي..تحرك راسها.. و أي استفسار أرسليلي عالخاص و أجاوبك ...عاخاص يعني رسالة خاصة..
__________________
 مشكورة قلبوoOKittyOo على التوقيع ^^
|
|
|
|
|
07-10-2008, 08:28 PM
|
#4 |
|
عضوية شرفية
|
رد: ::أنتظر إجابة لمشكلتي من قطتي::
بالنسبه لأسألتك = تتبرز خارج صندوق الرمل ... (( خيسة غرفتي ما خلت فراش على زوليه ما روحتهم )) هااي من اكثر المشاكل اللي جد اتريااا اتخبرووني شو اسوووي !! شوفيها آول هل تعاني من أسهال !! أذا لا ،، كل مره تتبرز شيلي عملتها وحطيها بالصندوق وخليها حتى تحتاج للحمام مر ثانيه .. لاتصرخين وتعصبين عليها آبداً حتى ماتتأثر نفسياً وتستمر بفعلتها لاتنسين شي مهم نظفي مكان العمله الأرضيه آو السجاد مضبوووط بالمنظفات لأنها لو شمت ريحتها فيه بترجع تسويها بنفس المكان لأنه تعتبره حمامها برضو حافظي على نظافة صندوق الرمل وخليه قريب منها ،، لأنها صغيره وماتقدر تمسك نفسها بقدر القطط الكبيره = عيونه اطلع شي قرفني وانظفه ويرجع يظهر .. شي طبيعي القطط البيكي فيس وبعض الهاف بيكي تعاني من هالمشكله بسبب آنه عظام الرأس ضيقه بتضغط على المدامع وبتفرز الدموع آنا عن نفسي قططي كلهم فطس وعلى طول آمسح عيونهم وخاصه بعد كل وجبه لأنهم لما ينزلون راسهم للصحن يفرزون الدموع بشكل كبيرر فـ لازم المناديل تكون جاهزه آما التنظيف بالماي آو الشاي الدافي كل يومين.. برضو ماننسى الأفراز بشكل مفرط يدل على مرض = ما يشرب حليــب ولا مااي !! (( ناويه تذبح عمرها )) يمكن الأكل اللي تاكله (الويت فود) فيه كمية من السوائل تكفيها آو آنها تشرب من مكان ثاني ومن وراك بس آنتي حافظي على نظافة الماي بصحنها وخليه قريب منها .. = صوتها متشحط يعني "متقطع" ،، عادي كل صوت قطه يختلف عن الثاني = فيه كتل في شعرها مع اني حممتها عدل إلا أنه هاذي الكتل الصغييره وايد ما رضت اترووح .. مشطي شعرها بصفه يوميه وبرضو بعد التحميم وحاولي تفكين التشابك بالمشط وأذا ماقدرتي قصيهم لأن لو ماقصيتي هالكتل الصغيره بتكبر وبتصير قريبه من الجلد وبتسبب مع الوقت الفطريات.. = تعطس واااايد .. يمكن متحسسه من غبار آو ماخذه برد = فيه وصخ في اذنها وما اعرف كيف انظفه لانه كل ما احاول اتقرب منها تحرك رسها بطريقه سريعه اتخوفني ..!! نظفيها بقطره خاصه تحصلينها عند البيطري آو بالبيبي آويل آو زيت زيتون آو الفازلين (الجل) شي بسيط ولاتنظفيها بالماي آبد ولاتخلي الماي دخلها ،، في آشياء كثيره بديله عن الماي ولاتخافين خلي آحد يمسكها ويثبتها لك وحياك 
__________________
[ سبـحـان الله وبـحمـده ,, سبـحـان الله العـظــيـم ]
|
|
|
|
07-10-2008, 08:38 PM
|
#5 |
|
عضوية فخرية
عضو ماسي
|
رد: ::أنتظر إجابة لمشكلتي من قطتي::
وكما قالو الاعضاء اول شي خلينا نشوفها لنحدد نوعه  ولو في أي استفسار أخر أكتبيه أنشاء الله أسعدك أنا وألاخوان وانا عندي خبرات عن القطط
__________________
🇦🇪 احاول اكون موجود في المنتدى في اي وقت واعتذر عندما اكون غير موجود بسب الظروف الخاصة واسال الله ان يحفظكم اينما كنتم |
|
|
|
| Bookmarks |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 09:22 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |