كورس علاج تساقط الريش بالصور

[فدك]

السلام عليكم

اخواني واخواتي انا اخت لكم جديده في الموقع

حبيت افيدكم بمشكلتي مع طيري واستفيد من تجاربكم واللي مرت عليه نفس مشكلتي ياريت يساعدني

انا عندي طير كثير عزيز على قلبي وهو حبوب وأليف

جاني هو صغير وريشه قليل

وزادت مشكلته من كبر

صار يهرش جلده كأن فيه جرب ومع الهرش قضى على الباقي من ريشه

المشكله انه محزني وهو يهرش يصيح ويعض نفسه

وديته عند بيطري

قالي انه في طفيليات بجسمه وهي اللي مسببه هذه الحكه والتساقط

قلتله هذي الطفيليات ماتضر البشر قال لا

لكن اكيد بتضره هو المسكين وتخليه يهرش مثل المجنون

قال خليه عندنا نص ساعه نغسله ونرش عليه ماده

وبعدها تجيبيه كل اسبوع نكرر نفس العمليه

قلت له انا صعب اجي كل فتره لانه مشوار ممكن تعطيني نفس الماده وانا اغسله وارش عليه

رفض

حسيت انه بس يبغى يخسرني ويأكلني مشاوير على الفاضي

واصلا ماحسيت ان الطير تعالج من اول مره ومشكلته بقيت مثل ماهي

********************

اتصلت على صيدليه بيطريه وشرحت للدكتور حالة الطير

ووصفلي هذه الادوية الموضحة في الصور



هذي بودره تنحط في 10 جرام ماء ويتغطس فيها الطير

طبعا هنا قامت حرب عالميه بيني وبين صغيروني عشان اغطسه وهو مو راضي وخرجت من الحرب بعضات
بس كللللللللللللله يهون في سبيل علاجه


وهذي قطره تنحط في موية الطير تساعد على نمو الريش


وهذي قطرة لصحته اذا عنده زكام او اذا كانت فضلاته مو طبيعية الله يكرمكم


وهذا بخاخ زيادة الخير خيرين

وهذي صورة طيري المسكين بشبش بن فدفد


ادعو ان الله يشافيه مع هالكورس ويطلع له ريش ويصير حليو

سنوافيكم بأخر تطورات العلاج في الاسابيع المقبله بإذن الله

تحياتي

[سلفر9]

الله ياااااااااااااااااااجرك على فعلتك


وتاكدي انه عمل عظيم الذي تقومين فيه


ويمكن يكووون سبب دخوووووولك الجنه


الله يوفقك ويشفي طيرك العزيز لا تحرمينا اخبااااااااره

[العـــــالـــــــمي_11]

انا عدي طير افريقي ينتف ريشه ورحت للصيدلي ووصفلي البخاخ الاخضر بس مالقيته بالسوق والطير كل يوم يزيد عن اليوم الثاني في التنتيف

[ابو دانيال]

لاحول ولا قوة الا بالله، يكسر الخاطر والله
معافى ان شاء الله

[مايهم من أكون]

السلام عليكم ورحمة الله وبركاته

الله يشافيه ان شاء الله

والله يجزاكي الف خير على الي تسوينه

دمتي بود,,,

[الجناحي 10]

الله يشفيه انشالله

[افريكانو]

هلا بك عضوه جديده في المنتدي انشاء الله تفيدين و تستفيدين في المنتدي

و الله يشفي ببغاءك (بشبش بن فدفد) غريب اسمه بس عجزت احدد نوعه وش نوعه

[بوسارة]

اهلا بكي عضوة جديده بينه وقواج الله على اهتمامج بطيرج ومشكوره عالافاده للادويه وانشاءالله بيتعاج طيرج
وتقبلي مروري وشكرا

[فدك]

امييييييييييييين اخوي سلفر صحيح محد يدري يمكن تكون هذي الطيور رحمة لنا يوم القيامة
اشكرك على مرورك

************

اشكركم اخواني على ردودكم ودعواتكم حق الصغيرون بشبش

ان شاء الله يارب يتشافى مع هذي المجموعه لانه له مده طويله وهو بهذا الشكل واتمنى اشوفه بكامل صحته وشكله الطبيعي

لانه حرام اليف وموناقصه شي غير الريش

الللللللللللله كريم

[فدك]

المشاركة الأصلية كتبت بواسطة العـــــالـــــــمي_11

انا عدي طير افريقي ينتف ريشه ورحت للصيدلي ووصفلي البخاخ الاخضر بس مالقيته بالسوق والطير كل يوم يزيد عن اليوم الثاني في التنتيف

اهلا اخوي العالمي
اذا كنت من جده هذا رقم الصيديليه البيطريه
026200676
موجود عندهم بودرة الطفيليات والبخاخ

لانه فعلا البخاخ مو متوفر وانا درت عليه جده كلها وماحصلته
وبعد ما يأست حصلته الحمدلله عند هذي الصيدليه

اذا ماكنت من جده تقدر تتصل على سنترال منطقتك وتطلب منه ارقام صيدليات

تحياتي والله يشافي طيرك يااااااارب