اشترك في نشرتنا البريدية ليصلك كل جديد

ملك الكاسيكو · 23-08-2009, 12:20 AM

السلام عليكم

انا معي كاسيكو العمر حوالي 11 شهر ..لاحظت في الفترة الاخيرة ان الريش يتساقط منه بسهولة وبشكل اكبر من السابق ..فهل هذي عملية تبديل الريش او مرض معين؟؟!!

ابو محمــد · 23-08-2009, 02:15 AM

ممكن صوره اخي ملك الكاسيكو؟

lll_o · 23-08-2009, 02:29 AM

ههههههههههه ابو محمد ايش الصورة هاذي ههههههه

اخوي اذا في صور يكون احسن لي الاعضاء بأفادتك و الافاده بتكون ادق

ملك الكاسيكو · 25-08-2009, 03:08 PM

هذي صورة

مع العلم ان مظهر الطير طبيعي

FrEe LeGeNd · 25-08-2009, 03:17 PM

اي الظاهر

هذا فترت تبديل الريش

بس انت خلك ملاحظه زين وخلك مهتم فيه

وروشه الصباح يمكن الطير يحس بوصخ بجسمه

والله اعلم

كاسكوكيه · 25-08-2009, 07:31 PM

السلام عليكم اخوي ملك الكاسيكو..

لاحظ لو طيرك ينتف.. او الريش يطيح من نفسه؟؟؟

و حاول تنوع له في الأكل.. و الفيتامينات.. لانه بيكون محتاج في هالفتره لفيتامينات تعويضيه..

و الترويش شي مهم له في هالفتره مع التشميس... بس ما تكون شمس قويه عليه..

و مثل ما قلت لك لاحظ الطير عشان ما تتطور الحاله للنتف.. و بالتوفيق

ابو محمــد · 25-08-2009, 07:56 PM

اعتقد وقت تبديل الريش المهم لاحظ الطير وتأكد ما في مكان اقل من الاخر من الريش ومثل ما

قالت الاخت كاسكوكيه حاول تروشه وتحط عنده العاب من الخشب والحبال من الصوف .

ملك الكاسيكو · 26-08-2009, 11:19 PM

بالنسبة للريش الاحظ انه يسقط لحاله.. حتى في اوقات اذا امسح على راسه اشوف ريش يتساقط من راسه وانا امسح عليه..

اذا كان تبديل ريش فكم تتوقعون تستمر عملية التبديل؟؟

كاسكوكيه · 28-08-2009, 04:42 AM

أنا بالنسبه لطيري.. كانت تبديل و تحولت لنتف.. و استمرت الحاله ما يقارب الـ 8 شهور.. وانتهت من شهر و لله الحمد...

بس هذي صارت حاله مرضيه.. اتمنى من الي حالة طيورهم توقفت عند التبديل يفيدونك ان شاء الله ^^