اريد معرفه جنس كرواناتي اضافه بعض الاستفسارات المهمه

[breeze1]

السلام عليكم ورحمه الله وبركاته


لو سمحتو انا عندي كروانين اشتريتهم من قبل 4 اشهر الا انني لست متاكده من عمرهم وقت اللي اخذتهم

واتمنى تساعدوني في معرفه جنسهم لاني الاحظهم هذي الفتره يتعاركون بين فتره والثانيه ؟

وقبل مااضع صورهم عندي كم استفسار:

واحد من الكروانات الاحظ انه ريشه يتكسر ..حتى ان ريش الذيل اغلبه تكسر ولما امسكه الاحظ بين الريش فيه وحده او ثنتين مكسرين ...يمكن كان في مرحله تبديل الريش بس مو المفروض يطيح مايتكسر ،،؟


كيف اقدر اروض الكروان ..هل ضروري اقص جنحانه ولا في طريقه ثانيه لاني بصراحه ماودي اقصه ودي يبقون يطيرو بس ابيهم بعد مايخافو مني او يهربو .. ؟

وهذي صورهم

الصوره صايره بالعرض ..ماادري ليش







ماادري اذا واضحه الصور ولا لا

[The male nurse]

وعليكم السلام ورحمة الله وبركاتة
ماشاء الله طائر جميل
لتحديد جنس الطائر انصحك تراجع الموضوع هذا
كيفية تمييز الجنس فى الكوكتيل بالصور

الصور مش واضحة (لازم تصور جسم الطير كامل) علشان انا والاعضاء الخبراء نقدر نفيدك اكثر

لكن اللي باين معاي بالصور من خلال العرف (قصير) لسة ما بعد يبلغ ومن الصعب تحديد جنسة قبل البلوغ

بالنسبة للريش انصحك تحط حجر الكاليسيوم بالقفص بشكل دائم
وهذة هي صور له للتوضيح
http://store2.up-00.com/Nov12/RIo01645.jpg

http://store2.up-00.com/Nov12/PKI01645.jpg

انصحك تهتم بالتغذية وتنويعها للطائر

وبالنسبة للترويض يفيدوك الاعضاء الخبراء فيها
--
تقبل مروري

[breeze1]

مشكور كثير اخوي على الرد

قريت الموضوع من قبل ..بس ماعرفت اميز بصراحه
هو صحيح مابعد يبلغ بس اتوقع هم كبار كفايه لتحديد جنسهم

طيب اخوي قشر البيض ماينفع بدل حجر الكالسيوم

انشالله بحط صور اوضح قريب

[abo_hazm]

واضح انهم مختلفين في الأعمار

وليس في نفس العمر

لكن بالنسبة للتربية إذا كانت اعمارهم كبيرة من الصعب ان يكونون اليفين الا بعد جهد طوووويل

اما اذا كانت اعمارهم لاتتعدى السنة فيمكنك لكن مع جهد زائد ..

فالواضح من الصورة الأولى ان الكوكتيل كبير وليس فرخ وهو في بحر السنة اي من 8 شهور الى سنة وفوق

اما الصورة الثانية ايضا في بحر السنة ولايتعدى السنة والنصف

ومن ناحية تكسر الريش لاتخافين اختي .. يحصل مع اغلب الكروانات .. وليس له ضرر جسماني

ولكن يجب ان تهتمين من الناحية الغذائية .. وتعطينهم ( بيض مسلوق ) مع شابورة مطحونة .. ويتم خلطها مع بعض

وان شاء الله يتحسنون

ومن ناحية الجنس يجب .. تنزيل صور من داخل الجناح وصور للكروان كامل ايضاَ

[breeze1]

مشكور ابو حازم على الرد

ا

هذي الصور


هذا جناحه

[abo_hazm]

جميعهم اناث ... .والسبب : وجود الخطوط على كامل الجناح

ووجود سواد في نهاية منقارهم يدل على عمرهم الكبير وأيضا دليل على تعدي مرحلة تبديل الريش

اعمارهم كلهم فوق السنة

[breeze1]

مشكور على الرد اخوي ابو حازم

بس مااتوقع هم كبار لهالدرجه ..لاني اخذتهم في شهر صفر وصاحبهم قالي انهم ماتعدو الشهرين وبالفعل كانو صغار توهم مفطومين ومن شهر صفر للان تقريبا اربع شهور ..

صحيح كلهم اناث ؟؟احباط توقعت واحد منهم يكون ذكر
بصراحه اطباعهم مختلفه تماما ماتوقعت يكونوا نفس الشي

مشكور مره ثانيه

[breeze1]

ياريت باقي الاعضاء يفيدونا بآرائهم

[abo_hazm]

اذا عمرهم 4 شهور اخي العزيز .. انتظر 4 اشهر مرة اخرى .. عشان يبلغون وتعرف انهم ذكور ولا اناث

لأن على كلامك اعمارهم 4 اشهر .. والمفروض تنتظر حتى توصل اعمارهم 8 اشهر بعدين تشوف تحت الجناح

هل هم ذكور ولا اناث

لأن مرحلة تبديل الريش تكون مرتين في السنة فأنصحك تنتظر 4 شهور مرة اخرى لكي يبلغون وتعرف اعمارهم

[The male nurse]

الطائر الاول انثى ١٠٠٪.
الطائر الثاني بوجة نظري لازال صغير وصعب تحديد جنسة الان
لكن من المتوقع يكون ذكر لان باين بالصور نصف الجناح منقط (ذكر غير بالغ)
انتظر كمان ثلاث او اربع اشهر واكشف على الجناح مرة ثانية
انت بالوقت الحالي جرب طريقة البندول فهي طريقة ممتازة في تحديد جنس الطيور
ஐ¸¸.•´¯`•.¸• طريقة عمل البندول •¸.•´¯`•.¸¸ஐ
--
تحياتي