اشترك في نشرتنا البريدية ليصلك كل جديد

Luis · 13-04-2011, 09:54 PM

السلام عليكم ورحمة الله..

كيفكم اخواني التو زوويين

حبيت ادخل بالموضوع بلا مقدمات..قبل ايام وديت ميلودي للبيطري عشان الفطريات..
قال بيعطيها ابرة.. بس قلت له هي متلقحه واحتمال انها حامل.. قال اجل بعطيها بودرة
اسمها سوبر نيوتي آر تي.. ذوبت اشوي منها في اناء الماء تبعها.. وطول امس وهي
استفراغ × استفراغ الله يكرمكم

.. بعدها اصابها حالة من الخمول.. لاتحب تاكل ولا
تشرب ولا تتحرك كثير.. رحت له اليوم وقلت له ان درجة حرارتها منخفضه وتستفرغ كثير
قال استمر معها بالبودرة وحاول تشربها غصب اذا ماشربت

.. والحين عطيتها واستفرغته
مع ان اليوم تقريباً وقفت اشوي من الاستفراغ يوم شلت الماي وحطيت بداله ثاني بدون
الدواء.. بس يوم عطيتها الحين جلست 5 دقايق واستفرغته

مدري وش الحل معها

دلوعةقطوتي · 13-04-2011, 09:59 PM

وعليكم السلام ورحمه الله وبركاته
لو سبب الاستفراغ من الدواء وقفه وعالج الفطريات بالشامبو والبيتادتين
وحاول تعطيها سوائل لايجيها جفاف شربها لو بالسرينج واعطيها زبادي يهديء معدتها
ربي يشفيها

~~بسبوسه22~~ · 13-04-2011, 10:06 PM

وقف لاتعطيها علاج طيب تبيها تحمل وهي بالهاله صبر شوي

عليها

Luis · 13-04-2011, 10:13 PM

جزاكم الله خير والله يوفقكم

luucy · 13-04-2011, 10:15 PM

غيري الدكتور وقفي العلاج الاول وكليهاا زباادي

والبسكوت كويس للحامل اذا هي حامل

Luis · 14-04-2011, 02:26 AM

المشكله مافي الا هالدكتور قريب

من أمس اشوفها تجلس على السيراميك كثير..
ولسيراميك بارد نوعاً ما ودرجة حرارة الغرفه كويسه..
أول مرة اشوفها تجلس على البلاط بكثرة.. هل يعني
ان درجة حرارة جسمها عالية وتحاول تخفضها ؟
لمست جسمها واذونها واشوف حرارتهم منخفضين
حاولت ادفيها بس ما تبي.. ما تبي الا البلاط تجلس
عليه..!!

Octopus · 14-04-2011, 01:59 PM

اول شي مرحبا بعودتك اخوي ليوس

و بنسبة ل اختي لوسي هو لم يذكر البسكوت
و تاكد انها حامل

دلوعةقطوتي · 14-04-2011, 02:38 PM

الف سلامه عليها
لو عندك ميزان قيس لها الحراره اضمن لك ولو مرتفعه اعمل لها كمادات
وطمني عنها