اشترك في نشرتنا البريدية ليصلك كل جديد

الاربش · 07-07-2009, 10:37 AM

السلام عليكم ورحمه الله
بعد غياب رجعت لكم بموضوع وهو رحلتي إلي جمهوريه مالي
ارجوا انه يعجبكم ولا يضيق خلقكم
طبعا رحلتي كانت إنسانيه بحته ولا تخلي من المخاطر وللأسف مو كل شي اقدر أصوره

بس حبيت أحط لكم كم صوره
والصورة الأولي هذي كانت لوجبه الغداء كنت طالع معاهم من الصبح و مو ماكل شي وحطوا الغداء وأنا من الجوع أكلت والطبق عبارة عن لحم بقر وصمون فرنسي وبعد ما شبعت استوعبت شنو آنا أكلت
وهذا طبق من أطباق طبعا حسافه ما صورت الوجبات الباقي
ما أقول إلا الحمد لله على النعمه الي احنا فيها

والله لا يوريكم اشلون نغسل بعد الغداء يجيبون نفس الماعون وفيه ماء متروس ويفتر على كل الحضور ويا حض الأول لان الماء يكون نظيف ويا ويل الأخير لان كل الحوض متروس دهن وشوائب و...... أخاف الوع جبدكم
أنا طبعا ما اغسل اكتفي بمسح الكلينكس

وهذه صور للسوق حبيت آخر يوم اروح السوق قلت يمكن الاقي شي يعجبني وبالمره في واحد موصيني على ناب أسد
طبعا في الصور راح تشوفون أشياء ما راح تعرفونها
بس احاول اقول لكم بعض الموجودات
جلود – جمامج- قنافذ- حوافر خيل وحمير- شوك قنفذ بري- جلود زواحف – ارجل لبعض الحوانات- طيور ميته – وزاحف مجففه

وهذه صوره لناب الأسد قبل لا يتنظف

وبعد التنظيف

وبالأخير سامحوني على التقصير
نراكم في رحلات أخري

الاستاذ · 07-07-2009, 10:45 AM

هلا باخوي الاربش والله زمان كنا نصول ونجول بالمنتدى رجعه قويه وصور اقوى والله يديم النعمه علينا ومشكور وماقصرت

الآسطورهـ · 07-07-2009, 10:49 AM

حياك الله مرهـ ثانيه بين اخوانكـ يالاربـش ..

والصور جميـله وخاصة الجماجــم ..

آنـــــو · 07-07-2009, 11:03 AM

أول شي الحمدلله على سلامتك

والله يديم النعمه علينا ..

الصور آلمتني ولله ،، هـ الكم الهائل من هالحيونات المقتوله

بغرض أيش !!! منظرر !!! ليتها محنطه بشكل جيد وواضح

ماتفرق بين الغزال والقرد

حررام ولله

تسلم أخوي على هالمشاركه وبأنتظار رحلاتك القادمه اللي أتمنى يكون فيها شي حي ..

لك فائق أحترامي