ريش مقصوص غلط وينقشه يطلع دم

[slom.zero]

سلام عليكم
لي شهر مشتهر كوكاتو قالا الخبل
المهم قبل فترة
لقيته ساند جناحه تحت رجله وينقش في اول ثلاث ريشات
ويطلع دم منه نقط
وهوا مكمل تنقيش وحك بمنقاره
وديته لبيطري طلع من جناحه ريشتين مقصوصه غلط وباقي الدبوس حقها
المهم هجد له شهر والحين رجعت نفس الحركه
مادري هل السبب في ريشه ثالثه يبغى يشيلها
والا ريش بيطلع
المهم انا محافظ على نضافته ترويش وتنضيف يومي
وروشته بمستحضرات طبية ضد الحكه والقمل من افضل مايكون
الحمدلله صحته ممتازة
لكن شكله اتشوهة كانه دراكولا والا مصاص دماء
ياليت تفيدوني

[الأحلام الذهبية]

وعليكم السلام ورحمة الله وبركاته

حاول ان تشغله باخراجه من القفص فإن عاد لنفس الموضوع

الحل : يوجد بخاخ في الصيدلية المخصصة للطيور

الطريقة : تقوم برشه على جناحه وبعدها لا يستطيع ان يقطع ريشه لأن رائحة البخاخ غير محببة للطائر فلا يستطيع ان يقطع ريشه ..

يمكنك ان تسأل البيطري عنه ..

بالتوفيق

[slom.zero]

اخوي مايفيد
طلعته لعبت بالساعات واشغلته بالعاب و كل شي
حدي اروح الدوام يرجع ينبش الريشه ويطلع دم
انا ابغى اعرف لو الريش جديد ينموا هل ينبش ويطلع دم
والا في ريشه مقصوصة غلط
مني قادر لانه يخاف احد يمسكه كذا

[الأحلام الذهبية]

اهلا اخي الكريم

المفترض ان لا يقوم بقطع الريش سواء جديد او قديم

ولا يضر ان كان في ريشة مقصوصة غلط ..

المهم الحل كما ذكرت لك

قم بشراء البخاخ ورش على مكان الذي يقوم بقطع الريش وخروج الدم

وهذا حصل معي فترة لما كان معي الافريقي (الكاسكو) والحمدلله انتهت المشكلة


بالتوفيق

[slom.zero]

مشكور ياغالي
ان شاءالله اجيب البخاخ
والله يوفقك

[slom.zero]

امس وديت الببغاء لواحد خبير
قلي اني انا مهمله و عشان كذا يطفش وينقش ريشه
ويطلع الدم
ياجماعه انا طفشت منه
لو طلعته يجلس يلعب ويدمر في البيت
يعني تلقاه شايل سلك شاحن اصلي ومقطعه
واذاا خليته في القفص يطفش و ينقش نفسه
البخاخ دورته مالقيته
وحطيت له زيت زيتون اصلي سار مو طايقه
بس خف الحمدلله
في احد عنده حلول الين الاقي البخاخ

[AVOCADO]

قص اظافر رجله وابردها برد مضبوط
وايضا ابرد منقاره
وفي محلات يسوون هالشغلات باسواق بيع الطيور
بكذا ما يكون في جزء حاد عنده ابدا
وبالنسبه انك طفشت منه
اكيد دام انك منت فاضيله راح تطفش منه
واكيد هو بيحاول يسوي اشياء غريبه من الطفش
واذا استمريت على هالحال وعاندته واهملته زياده يمكن يبدا ينتف ريشه
وفي طيور سمعنا انه تقطع لحمها بعد من النفسيه
تربيه الببغاء هوايه يحتاج لها واحد يكون فاضي وطويل بال وصبور
واذا مو فاضي له الا كم دقيقه باليوم
فعندك حلين
يا انك تشتريله انثى او ذكر تسليه لما يكون لحاله
او انك تحطه بمكان يكون فيه بشر يسلونه
واذا ما قدرت لا الاوله ولا الثانيه احسن لك بيعه
لانك راح تظلمه معاك
راح يصير نفسيه أكثر
ويمكن تفقده لا سمح الله

[4ever blue]

جرب تحطه ع ستاند وخلي قفص عنه بعيد نهائيا
لان قفص هو سبب..الببغاوات ما تحب اقفاص تحس بضيق وكأن في سجن..
دام نحن بشر ما نطيق نجعد بغرفه 24ساعه ما نطلع منها....فكيف ب طير؟ ؟

[slom.zero]

اخوي ss6
الطير باهتم فيه بس طفشت من النتائج
والا اهتمام بعطيه الين زوجتي حقدت من تصرفاتي

[slom.zero]

4ever ان شاءالله اخوي

مشكورين اخواني لاخلى ولا عدم يارب