يا أهل الخبره ببغائي العزيز ( بريسكي ) رفع ضغطي

[بريسكي]

السلام عليكم ورحمة الله وبركاته

يشرفني ان اطرح لكم اول مشاركه لي في هذا المنتدى الاكثر من رائع

لا اريد الاطاله عليكم ندخل بالموضوع

انا اعشق الطيور بانواعها ولكن اول مره اتعامل مع الببغاء الافريقي

شريته من اسبوع ونص تقريبا عمره على كلام البائع من 6 شهور الى 8 شهور وضعته بغرفتي وحاولت اني ادربه واجعله يألف علي اول شي سويته سميته بريسكي ولــــــــكن ؟

لاااااااا جدوى اول ما اقرب عليه يبدأ يجعر شوي ويسكت واذا حركت يدي يفتح فمه ويجعر
حاولت اطعميه بيدي حب عباد الشمس ياخذ مني الحبه ويرميها حطيتله عسل على الحبه ونفس النتيجه يرميها او يلحس العسل ويرميها جلست معه على هذي الحاله لمدة اربع ايام وما تغير شي

خامس يوم لاحظت عليه انه يعض اظافره غيرت مكانه ونقلته من غرفتي الى الصاله علشان لا يشعر بالوحده لاني ما اقعد معه كثير مع العلم انه دايم اخلي القفص مفتوح ولا اقفله

حسيت ان طريقة تغيير المكان طريقه ايجابيه لانه بطل يعض اظافره وامس سمعته صفر صفيره صغيره جدا ولا عادها

ولكن المشكله ان الصاله تقريبا 24 ساعه انوارها لاتطفئ يعني اللمبات دايما شغاله يعني احس انه ما ينام


فماذا افعل يا اهل الخبره ابي ادربه وكل ما اقرب يدي عنده يفتح فمه واخاف يعضني مع اني المس راسه وهو يحاول يعضني ههههه رفع ضغطي ذا الببغااء وش اسوي تكفووووووون
انا اسف جدا للاطاله ولكن مصر اني ادربه غصب

[عـــاشق الكاسكو]

اخي الغالي ورنا صورة الطير على نتاكد وانت تتاكد كمان من عمره
اما عن الجعير او العض شيء طبيعي انت اول شيء خله اسبوع في مكان امن وحطله الاكل والمويه بس
ولا تقرب منه
والاسبوع الثاني ابدا بترويض البغبغاء روضه مثل الي في الرابط
http://www.youtube.com/watch?v=vk7pdXP31HA
بعد ماتروضه دربه على ترك العض والطلوع على اليد

[ابوفزاع]

اخوي اصبر اصبر اصبر اصبر

لاتستعجل الامور اذا تبي طيرك يالف عليك مضبوط

طيري اخذله ثلاث شهور تقريبا الين وقف جعير عن كل اللي في البيت

وماصار اليف جدا اسوي فيه اللي ابي الا بعد 4 شهور

[بريسكي]

ربي يوفقكم ومشكورين على المرور

انا اول ما جبته خليته اسبوع بغرفتي ماحد يدخلها غيري وبعدها نقلته للصاله

وبالنسبه للترويض هو يكره شي غير يدي انا ما خليت مقطع باليوتيوب الا شفته عن الترويض
وقدرت والحمدلله اني احك راسه بس يكون فيه شي من الخوف فيني لانه يلف راسه فجأه ويحاول انه يعضني

[ابوفزاع]

اهم شي لاتخاف وتسحب يدك اذا لف راسه

اسمع كلامي ولاتخااااااااااااااف واذا عضك استحمل معليش

فتره وتعدي

وبخصوص عض الاظافر لاتهتم لانه جالس يرتب ويقصقصها

وترا اسبوع قليله جدا جدا جدا


تو النااااااااااااااااااس