ساعدوني ببغاء الدرة

[ساريتا]

السلام عليكم
الله يجزاكم خير عندي ببغاء الدرة توه فرخ صغير
تعبان و يون و تحت عين اليسرى نفخه

وش الحل ساعدوني

[بوسلمان]

يون ويطلع صوت لما يكون جوعان ولا تغره اكثر من اللازم
ولو في صورة ممكن نقدر نفيدك اكثر ان شاء الله

[ساريتا]

لا مو لانه جوعان بس مره خامل كل وقته نايم و يون واضح انه تعبان خذيناه للبيطري قال جايه برد
بس حالته صارت اسوء من قبل كان عادي ياكل بس الحين كل ما اكل يرجع

ابي الحل وش تنصحوني فيه هم اثنين الثاني الحمدلله تمام

وكيف اقدر اعرف عمره

[ساريتا]

شكله قبل يمرض

[بوسلمان]

ممكن يكون جاه برد والفرخ تقريبا عمره شهر
وبالعمر هذا لازم يكون في صندوق ومايجيه هوا بارد نهائيا والمفروض مايطلع من الصندوق الا وقت الغر فقط وترجعه لانه صغير جدا وبالنسبة للترجيع ممكن طريقه الغر تكون خطا والسيريلاك ينزل بالقصبة الهوائية مو بالحوصلة لو تبحث في المنتدى بتلقى طريقه الغر الصحيحة
وبالنسبة للسيريلاك يفضل اعطاءه سيريلاك خاص بالفروخ لانه فيها جميع احتياجات الفرخ من الفيتامينات الضرورية له

ومايشوف شر ان شاء الله

[ساريتا]

المشاركة الأصلية كتبت بواسطة بوسلمان

ممكن يكون جاه برد والفرخ تقريبا عمره شهر
وبالعمر هذا لازم يكون في صندوق ومايجيه هوا بارد نهائيا والمفروض مايطلع من الصندوق الا وقت الغر فقط وترجعه لانه صغير جدا وبالنسبة للترجيع ممكن طريقه الغر تكون خطا والسيريلاك ينزل بالقصبة الهوائية مو بالحوصلة لو تبحث في المنتدى بتلقى طريقه الغر الصحيحة
وبالنسبة للسيريلاك يفضل اعطاءه سيريلاك خاص بالفروخ لانه فيها جميع احتياجات الفرخ من الفيتامينات الضرورية له

ومايشوف شر ان شاء الله

البيطري قال لي اعطيه ذا المضاد

[بوسلمان]

توكل على الله واعطه دام قالك البيطري
مع اني شخصيا ما احبذ الادوية مع الفروخ لانها ممكن ما تستحمل
وان شاء الله بفيدونك الاخوة الخبراء اكثر ان شاء الله بخصوص الدواء
واهم شئ حاليا خليه بمكان دافي والملاحظ من الصور الفروخ هزيلة وتحتاج تغذيه اكثر

[Wedah]

انصحك تروح لطبيب بيطري مختص بالطيور اذا كنت ف جدة انصحك بفيفا
الفروخ يبغالها عناية شديدة
قبل ٣ ايام وديت فرخي للطبيب عشان عينه والخمول والكسل
صحيح الطبيب مافادني بخصوص عينه لكن وصف له فيتامين ينفع الفروخ والطيور عامه وجميع الحيوانات و الحمدلله بعد الفيتامين الطير صار انشط الحمدلله
الفرخ اللي عندي درة

[ساريتا]

الله يجزاكم خير
وديناه للبيطري مره ثانيه وعطانا محلول في ابره و قال نحطه مع الاكل له
البيطري قال احتمال يكون عنده التهاب حاد في الامعاء
بس حالته ماتحسنت ابد و حول عيونه صار اسود ومنفوخ
و ماعاد يوقف على رجلينه ابد صار يجلس على ذيله و رجلينه ممدوده و بارده
حالته مره سيئه
و ماعنده شهيه للاكل ابد
اللي عنده خبره يفيدني

[بوسلمان]

المشكلة الرئيسيه عندنا مافي بيطريين متمكنين وذو خبره
ويقعدون يجربون ادوية في الطيور لما تموت والدليل يوم قالك احتمال عنده التهاب
وربنا يشفي طيرك