استفسار عندي فرخ يلوناب هل هذا تبديل ريش طبيعي وهل هذا الفتمين احد جربه

[صاحب الببغاء]

السلام عليكم
عندي استفسار
عندي فرخ يلوناب عنده تبديل ريش
طبعن الطير نحف واكله ماشاء الله طبيعي
مهتم في تغذيته من حبوب مشكل وفول سوداني وخضار
وتشميس كل يومين واروشه
ورحت للبيطري اعطاني فتمين بس مافي عليه صورة طير
حاب استفسر من اهل الخبره هل هذا تبديل ريش طبيعي
وهل هذا الفتمين احد مرعليه طبعن اغلب الريش
الي يسقط من الطير ميت وطالع له ريش جديد في منه باقي بزغ وفي منه بدا يفتش
بصورالطير والفتمين

[AVOCADO]

الف لا باس لطيرك
العلاج الي اعطاك اياه البيطري فعلا فيتامينات لكن خاصه للبهائم الكبيره واذا زدت الجرعه قليلا راح تضر الطير
في ملتي فيتامين خاص للطيور وهذه صورته وموجود بكثره في العيادات البيطريه

وياليت لو تستخدم مع الفيتامينات علاج يكون فيه نسبه املاح معدنيه وايضا مضاد حيوي
لان صارتلي نفس حالة طيرك بالضبط قبل ايام ونزلت موضوع بهذا الخصوص وصراحه لا تحضرني اسم العلاجات الان
لكن بأذن الله بحاول اجيب اسمائها لك

[the_gostman]

وعليكم السلام..

ما شاء الله طائر جميل..وهي ان شاء الله فتره ويرجع الريش مثل أول وأجمل.

مثل ما انت تعمل اهتم بالتغذيه واهم شئ تدفئة الطائر..وبالنسبه للترويش خليه كل اسبوع مره..حتى لا يبرد الطائر..

الفيتامين استعمله مره في الشهر على 3 ايام متتاليه..
3-5 نقط في مشرب الماء ويبدل الماء كل 24 ساعه.
لاني دائما افضل الفيتامينات الطبيعيه الموجوده في الفواكه والخضاء المسلوقه عن الفيتامينات الصناعيه

بالتوفيق
أخوك رمزي

[صاحب الببغاء]

استخدم الفتيمين الي معاي ولا اخذ له فتمين خاص بطيور

[AVOCADO]

المشاركة الأصلية كتبت بواسطة صاحب الببغاء

استخدم الفتيمين الي معاي ولا اخذ له فتمين خاص بطيور

اذا كنت متأكد من الجرعه الي اخبرك بها الطبيب والتزمت بها لا بأس تستخدم الي اعطاك اياه البيطري
بس احذر من المغامره وتزود الجرعه حتى لو شي بسيط
التزم بما اخبرك به الطبيب بالحرف
واذا انت متخوف
اشتري العلاج الي حطيت لك صورته وهو مخصص للطيور فقط ويجي معه قطاره تنزل منه خمس نقط في مشربيه الماء التي سعتها 250 مل كل 24 ساعه تغير الماء لمده خمس ايام فقط
وما يشوف شر طيرك

[back fire]

هذا مو تبديل ريش .
الطير عنده مشكلة .
يالغالي تبديل الريش مايحصل الا للطيور الكبيرة ونادر مايحصل .
هذا تشوفه بالريش عزيزي !

[صاحب الببغاء]

الطير لسافرخ وعلى فكره قاعد ينزل كل الريش الصغير فقط الي رقبته وتحت جناحه وضهره بس جنحانه لا كله طلع له ريش جديد والقديم قاعد ينزل لحاله وتحس انه ريش ميت وماهو منتوف

[مح ـمد]

المشاركة الأصلية كتبت بواسطة back fire

هذا مو تبديل ريش .
الطير عنده مشكلة .
يالغالي تبديل الريش مايحصل الا للطيور الكبيرة ونادر مايحصل .
هذا تشوفه بالريش عزيزي !

اسمح لي وبدون زعل كلامك خطاء ياعزيزي

انا مربي فروخ وبعضها تبدل ريشها قبل يكمل عمرها سنه

والبعض الآخر بعد السنه لو ترجع لمواضيعي تحصل اغلب طيوري فروخ

اللي اشوفه بالصوره تبديل طبيعي ان شاء الله

[the_gostman]

الفروخ في العاده يكون اول موعد غيار ريش لها بعمر ال6 شهور.

[monybat]

ما شاء الله
الطير يبدل ريش بالفعل وواضح فرغات الريش اللي طاح وكي تتأكد ايضا المس الطير وراح تحصل ريش جديد داخل الانبوب الغلاف يعني
وهذا التبديا طبيعي جدا وراح تلاحظ تبعثر ريش الدغب وريش الاجنحه وايضا تجد الطير ينزع الريش التالف كل هذا طبيعي
ودورك انت كمربي هو الاهتمام بالطير من اكل مهم جدا
فواكه حبوب ذره خبز اكل بالياس صحي اعمل له جدول
مهم ايضا تعليق عظمة الحبار او الخثاق بالقفص تمده بالكالسيوم
الفيتامين انواع كثيره لكن
ما استخدمه هو امينو فيت او تربينالين توتال او فيت بلاس
وكلها انواع جيده ومتوفره
مهم جدا الاهتمام بتدفئة الطير كونه يفقد الريش الان ولا يصاب باي برد
الترويش قبل التشميس مهم جدا فهو يريح الطير من حكه الجسم ويرطب جلده ايضا وطبعا التدفئه بعد الترويش
يباع بخاخ خاص للريش وللطيور عامه يزيل اي اوساخ وحشرات بجسم الطير

الوقت الحالي الطير يحتاجك كرفيق له العب معه اعطه وقت من وقتك راح تلاحظ تغير في تصرفاته في بعض الاحيان لا تستعجل بالحكم عليه وتعصب
فقط طبيعي فمرحله تبديل الريش مرهقه جدا للطير
بالتوفيق