محتاره ارجو المساعدة

[rosewater]

بسم الله الرحمن الرحيم

السلام عليكم ورحمة

بداية كل عام وانتو بخير


مشكلتي ان من ثلاث اشهر اشتريت ببغاء امزون اورنج وينج واحس احيانا بالقلق من الحاله الي عند ببغائي ، من اشتريته الى الحين لاحظت بأنه يشرب الماء بكثرة وبعد في اخراجه كميات كبيرة من الماء الله يعزكم " والحمد لله الببغاء نشيط ويتحرك بكثرة وما عنده اسهال "


والي محيرني هل هذا شي طبيعي ؟ او ببغائي لا سمح الله مريض ؟!

[old-alkasiko]

أخوي كيف أكل الطير وغذائه ؟ وكيف عظمة صدر الطير بارزة أو لا؟
إذا كلاهما طبيعي فإن شاء الله لاتوجد مشكلة خصوصا أن صار له 3 شهور من دون أي تردي في حالت الطير الصحية .. للتأكد أكثر حط صور لفتحة إخراج الطير وصورة لعظمة الصدر .. ما يشوف شر ,,

[سلتوح]

اهلين اخوي حاول تنزل صور لبراز الطير اعزك الله
وصوره لطير
على شان نقدر نفيدك

~تقبل مروري~

[rosewater]

شكرأ لكل من old-alkasiko وسلتوح

الحمد لله أكل الطير ممتاز ويقبل على غذائة وما عنده مشكلة ، بالنسبة لعظمة صدر الطير ما عندي خبرة اذا هي بارزة او طبيعية ، الطير نشيط لأبعد حدود وكله يلعب وحركي لكن المشكلة كله يشرب ماي وبرازة يعزكم الله فيها ماي كثير .
واحيانا لما اطلعة برة القفص ما عطية ماي لمدة ساعة ويكون برازة يعزكم الله طبيعي ومافيه ماء كثير .
وهذة هي الصور

[سلتوح]

الحمد لله الطير سليم من ناحيت الصدر والعضمه

واستعمل خلطت الثوم واليمون ونشاء الله راح يتشافاء


~تقبل مروري~

[حايلي111]

سلتوح من ناحية غضمة الصدر اذا صارت بارزه وش تعني للطير ؟ معناته نحيف او أيش افدنا جزاك الله خير

[سلتوح]

المشاركة الأصلية كتبت بواسطة حايلي111

سلتوح من ناحية غضمة الصدر اذا صارت بارزه وش تعني للطير ؟ معناته نحيف او أيش افدنا جزاك الله خير

اذا برزت العضمه اخوي حايلي معناتها الطير فيه مرض خطير اسمه التسييف لان العضمه اذا كانت بارزه يشبه السيف
واذا مالحق صاحب الطير على الطير راح ينحف الطير تدريجين الى الموت
الله يبعد هذا المرض من طيورنا اجمعين

~تقبل مروري~

[بلاك بيري]

دام الطير نشيط وغير خامل واكله ممتاز ولم يتغير شيء فيه تكون من طبيعته ان يشرب الماء بكثره خصوصا لو كان المكان الي هو في حار شوي او بعيد عن المكيف وهذا افضل لكي لا يمرض وياليت صوره عامه للطير وابشري

المشاركة الأصلية كتبت بواسطة rosewater

شكرأ لكل من old-alkasiko وسلتوح

الحمد لله أكل الطير ممتاز ويقبل على غذائة وما عنده مشكلة ، بالنسبة لعظمة صدر الطير ما عندي خبرة اذا هي بارزة او طبيعية ، الطير نشيط لأبعد حدود وكله يلعب وحركي لكن المشكلة كله يشرب ماي وبرازة يعزكم الله فيها ماي كثير .
واحيانا لما اطلعة برة القفص ما عطية ماي لمدة ساعة ويكون برازة يعزكم الله طبيعي ومافيه ماء كثير .
وهذة هي الصور

ماشاءالله تبارك الله جدا جدا جدا ممتاز ولا يوجد فيه الا العافيه وصحته باينه من بريق عينيه

[rosewater]

شكرا لكل من سلتوح وبلاك بيري
ارتحت لما عرفت من خلال ردكم بأنه بخير

وصح كلامك بلاك بيري انا مخليه طيري في مكان بعيد عن تيارات المكيف

لكن من خلال هذة الصور لو سمحتوا ممكن تقولوا لي كم عمرة ؟

[بلاك بيري]

المشاركة الأصلية كتبت بواسطة rosewater

شكرا لكل من سلتوح وبلاك بيري
ارتحت لما عرفت من خلال ردكم بأنه بخير

وصح كلامك بلاك بيري انا مخليه طيري في مكان بعيد عن تيارات المكيف

لكن من خلال هذة الصور لو سمحتوا ممكن تقولوا لي كم عمرة ؟

الطير واضح انه محجل تقدري تعرفي من الحجل اختي ومن وجهه نظري الطير في بحر السنتين