مغامرات مكاو طيران (( جامد )) في الجو وطار قلبي معاه

[الشفق الأحمر]

بسم الله الرحمن الرحيم
والحمدلله والصلاة والسلام على رسول الله

~ ~ ~ ~ ~

مادري كيف أبدى معاكم في الموضوع الصراحة ..
أقول .. ااااخ منك مكاو !!
ولا .. اليوم تنقص جنحاتك !!
ولا .. ولا .. ولا ..

القصة بدت وأنا كنت أتسبح في بركة البيت مع أخواني وأنا جبت معاي مكاو تحت لأنه كان قاعد يصارخ في الصالة محد معاه ، وأنا على نياتي قلت بجيبه معاي بخليه على سور البركة (( الطوفة )) بعيد عن الماي .. وأشوفه أستانس وأعجبه الجور .. قاعد يطالع الأشجار والعصافير والحمام .. المهم أخوي كان يتروش بهوز الماي ، وقال بسبح البغبغاء شوي بالماي ، وأول مانطش الماي عليه ألا مكاو يقفز قفزة ويطير لين بيت الجيران وشفته فوق الشجرة راكب وكانت الشجرة عالية قمت من البركة ولبست ثيابي وعلى طول ركبت السيارة ورحت لين عند الشجرة الي واقف عليها مكاو وكان في أعلى قمة في الشجرة ماقدرت أوصله أنا وكان هناك هندي أعرفه قالي خلك أنا بركب أجيبه ولما ركب وكان معاه الشبك وصل عنده أول مابغى يمسكه ألا ينط مكاو ويطير طيران جاااامد والله لو شفتو اللقطة وهو يطير بس .. ااااخ طااار بعيد وطير قلبي معاه .. والله اشوفه طار فووق ولا أزيدكم بعد كانت بغبغائات الدرة الخضراء يطيرون معاه !! والله أنا ركبت السيارة على طول مع (( تفحيط )) خفيف عشان ألحق عليه .. طار مسافة كيلو أو كيلوين وتميت ادور عليه لمدة 10 دقائق .. وفجأة ألا أسمع صراخه يصارخ بالحيل .. وأروح قريب المكان الي يصارخ فيه ألا أشوف عيال راكبين فوق السطح يأشرون على طبيلة (موقف السيارات) ، سألتهم شفتو بغبغاء أزرق وذهبي .. يقلون بلا بلا كان هو فوق طبيلة السياير مابين لي وأنا تحت .. رحت على طول صفيت الموتر ونزلت عندهم البيت خخخخخ والله ولا أفتكرت في حد ركبت فوق الطبيلة وألا أشوفه فوق .. اااخ منه بس .. ولا يعملي فيه المسكين أول ماشافني جا عندي على طول ههههه .. فديت قلبه أنا .. وخذته ونزلت من الطبيلة وركبته السيارة وارجع البيت على طول .. وبس هذا الي صار معاي (( توه الحدث طازج )) الحين هو على الستاند أول ماحطيته قعد يشرب ماي وياكل .. وبس .
أفكر الحين أقص أجنحته .. مب أفكر ألا خلاص مصمم ومعزم اليوم يعني اليوم تنقص أجنحته

[Parrota]

الحمدالله انك حصلته
الحمدالله على سلامتكم
قصة جميله ومشوقة

[the-gray]

الحمد لله
ان الطير رجع لك

وما تشوف شر

قص جناحه و خرجه وانت مرتاح

وإن شاء الله ما يعودها

[’Parrot ’fofo]

ههههههه...

خلاص ما فيها كلام قص جنحانه...

ولاتتعودها مره ثانية...

الحمد لله رجع لك...

مع الف تحية...

[ابوالكناري]

الحمد لله انه رجع بس لازم تقص جنحانه

[سكر]

هههههه يا ليييييل على المرمطة

والله يا قمر قص أجنحته وانت رايق,, وهو رايق بعد

طار علي امازوني مع اني قاص اجنحته,, لكن قصيته بشكل خفيف وما دريت ان الهواء البسيط ممكن يحمله بسهولة,, اذا كان في الخارج

أهم شي قص أجنحته بدون ما تمسك جسمه أو تثبته بشي حتى ما يتوتر

ارفع الجناح بكل هدوء وهو واقف على استاند,, وابدأ القص ربي يسهل أمورك

تحياتي

[الهنوف..]

يالله من جد قصة محزنة خخخخخخخخخخ
الحمدالله رجع لك بالسلامة
اتصدق توني ارد على الموضوع الثاني
حقك شوف ردي وبتفهم قصدي

[فديت الكاسكو لو يدري]

الحمدالله ع سلامتك وسلامته ..~

وقص جنااااااااااااااااحه وارتاااااااح .

[ياسر الحربي]

الله الله عليك بالمقص وقصه

لجل ماتندم مو كل مره تسلم الجره

[طير جارح]

ههههههههههه
الحمد لله انك حصلته
وبعدين انت مخطي لأنك مطلعه برا البيت وانت ما قصيت جنحانه
لكن ستر ربك
والحين لازم تقصه ولا لاعاد تطلع فيه برا البيت