ارجوكم مادا اختار

[ليلى الطيور]

السلام عليكم جميعا يشرفنى ان اكون عضوة جديدة فى منتداكم الرائع فعلا واتمنى مساعدتكم لى فى اخيار ببغاء لانى بجد محتارة جدا ومن خلال تجربتكم وتربيتكم للبغاوات اكيد تعرفون انا محتارة بين الافريقى واليلوناب انا لااتكلم عن السعر بل عن الافضل لى من ناحية شى واحد فقط الكلام المستمر يعنى وتقليد الاصوات والكلام واقله تصفير فى البيت بيش تنصحونى انتضر ردكم وبارك الله فيكم جميعا

[عاشق الاكلكتوس]

و عليكم السلام اختاه

اذا كنتي لا تريدين صخب في المنزل فانصحك بالكاسكو فهو افضل متكلم على الاطلاق


اما اليلوناب فهو متكلم ممتاز و لكن له صراخ حاد


و هو متقلب المزاج

[the-gray]

معلومة :

اليلوناب لا يصفر بل لهو صريخ يشبه الجعير يصل إلا حد الإزعاج احيانا
الإفريقي يصفر ويشكل في التصفير

الكلام حسب التدريب ويرجع ايضا إلى ذكاء الطير

نصيحة :

بما أنك مبتدئة في تربيت الببغاوات خذي إفريقي

حتى تتمكني وتنجحي في التعامل معها ومعرفة تدريبها ومشكلها وطرق علاجها (لا قدر الله)

حتى لا يضيع الطير وتذهب الأموال هدرا

[bader911]

وعليكم السلااااااام والرحمة

كل طير له ايجابياته وسلبياته

يعني الافريقي طير مقلد وموهوب بس عيبة ما يردد الكلاااام وراء بعض
يعني اكثر شي عندة التصفير باصورات روعة وتقليدة للاصوات
مثل الجرس ورنة الجوال
وفية طيور افريقية تتكلم وموهوبة ولاكنها نادرة جدا
(زي ما قال اخوي عاشق الدرة على حسب التدريب)

واليلوناب متكلم بالدرجة الاولى ويقول كلمات وجمل طويلة وصوت واضح
ولاكن معضمها اذا اهملت في التدريب تصير مزعجة
وصوتها قوي

وفية البلوفرنتد طير بهلواني ومرح ومضحك ومتكلم ويقلد الاصوات ويحب الصغار
اذا شافهم يجلس يتشقلب ويقلد ويتكلم واذا علمتية على التصفير بيقلدك
وهو مزاجي بعد يعني احيانا تمسك معه ما يتكلم
انا عندي واحد سيم بسومات عالية ومالي نظر بالبيع

وفي النهاية الطيور مستويات يعني نلاقي طير افريقي او يلوناب او بلوفرنتد متكلمين بطلاقة وفي نفس الوقت فية طيور من نفس هذي الفصائل نلاقيها موب متكلمة مرة

هذا الكلام من وجهة نظري ومن تجاربي
والله يوفقك بالطير اغلي تتمنية

[سلاش أسود]

توكلي على الله وخذي لك افريقي جدا جميل وموهوب والاساسيات فيه:

أن يكون عمرة من 8 شهور الى سنة.
2. حجمه يكون سوبر سوبر جامبو وراسه كبير ورقبته طويلة هههه يعني حجمه كبير ماقصد عمر الطير أقصد شكله ضخم معرفة العمر ( عن طريق عينه) اذا غامة صغير واذا تفتح رمادي في 8 شهور الى سنة يعني لاهي بيضه ولاهي غامقة.
3. أن يكون غير هولندي الدلوعات وحساسات لأنها يبيلها مراعات أكثر. لا يهمك محجل يعني في رجله حجل ذهبي او غيره.
4. بتلقين سعر مواصفات الي قلته لك من 3500 ريال ألى 4500 ريال لكن الغالي يرخص له.

ونا متأكد ماراح تلقين بهالمواصفات الى عند اشخاص معروفين.

تمنياتي لك بالتوفيق وإقتناء الطير المناسب لك.

[تشآرلي]

أفريقي ......

اهلا بك في منتدانا .. بين اخوانك واخواتك

وان شاء الله تستفيدي ونستفيد منك ,,

وانصح بالاليف ويكون عمره اقل من سنه

ومن ناحية الكلام بيتعلم منكم

تعليم الافريقي الكلام سهل جدا

بس اهم شي يكون الليف و عمره اقل من سنه

انا اشتريت من قبل يلوناب ,, ماتحملته ببيتي ثلاث ايام

كانه في شايب بالبيت جالس يصارخ ههههههههه

هذا رائي

[عزوزالعبدالله]

عليكم السلام

اليلوناب افضل من ناحية حفظ الجمل الطويله وكثرة ترديدها ووضح الكلمات
وانا اشوف انه اسهل بالتعليم لانه يتجاوب معك يسرعه
وانا جربت الامازون والافريقي رغم قل خبرتي ب التعليم الامازون تعلم عندي اسرع من الكاسكو وصار مبدع
اما من ناحية ازعاج التصفير كلهم اليلوناب والا الكاسكو
اذا كان رايق بيبلشك ب التصفير

[تركي111]

والله كلها طيور جميلة واقتنيتهم انا عشان ماقول سمعت عند احد وكذا...
الافريقي جدا رهيب ومتكلم وراعي تصافير وطقطقة بس عيبه خجوول ...
اليلوناب يبيله صبر صح صوت حاد وصاخب بس اذا كرسته ولقنته صح يخف الصرييخ عنده ..
لان الصراخ هذي تعتبر طبيعي بالنسبه لهم يحب يلفت الانتباه اواذا حس بجووع يبدر منه ذالتصرف
وتوكلي على الله وخذي الانسب .

[هاني25]

كبداية انصحك في الكاسكو

بالتوفيق

[همس الحروف]

من وجهة نظري اليلوناب افضل

من ناحية الحفظ ووسرعة الكلام وتكلام ويردد الكلام وحفظه سريع ممكن يردد لك الكلامه من اول مره يسمعها

انا عندي يلوناب مشاء الله عليه من اول ماتقول الكلامه يرددها لك مشاء الله عليه

واهم شي تدريب الطير على الكلام سوا كان كاسكو او امزوني يرجع كلام الطير التدريب المدرب وكلها متكلامه بس على حسب تدريب صاحب الطير توجد انواع متحدثه وتوجد نفس الانواع ماتتكلام

وفيه طيور جريئه وفيه طيور غير جريئه يعنى اذا جالسة عندها ماتتكلام واذا رحة عنها تتكلام

وفيه طيور تتكلام بسرعه وفيه طيور تاخذ لها وقت على شان تتكلام