مساعدة الله لا يهينكم

[مجنون الجيرمن]

السلام عليكم ورحمة الله وبركاته

بسم الله الرحمن الرحيم

طبعا انا كل فتره من حيوان لحيوان بسبب الاهل والمكان والدراسه والخطورة وشكلها وقفننا عند الطيور الجارحه
المهم من قلة الفلوس وكذا شريت عقاب من افراخ السنه هذي 2013 علي كلام الرجال < ادري احنا دخلنا 2014
المهم ان الرجال اللي شريت العقاب منه كان راميه مع 7 مثله في شبك ينطل له الاكل وكذا فصاير وحش ويخاف من الناس
اخذته وجبته للبيت والاستقبال كان مررره لطيف لاني كنت رابطه في فلينه داخليه حقتي وشققها وجلس بالحمام ساعتين لحد ما شريت له السبوق واغراضه كامله

^قصة طويله عريضه طيب وبعدين وش نسوي لك هههههه
الاساله اللي عندي ممكن اجاباتها عندي بس ابي مساعده وتوجيهاتكم وكذا
اول شيء انا خليته شبه اليف من كثر ما المسه واوكله بيدي > بعد ما قطع يديني
ثاني شيء لمن ابيه يوقف علي ايدي كان يرفض وينحاش وكذا بس الحين قلة بس ما يبي يطلع علي يدي ولمن اطلعه بالغصب يجلس دقيقتين ثم ينط علي وجهه كيف اعلمه يوقف علي يدي وما ينزل لين انزله ؟
ثالث شيء نظام الاكل ااكله كل يوم كل يومين وايش افضل شيء له

والصور ابنزلها قريب ان شاء الله بس لان الايباد ما ينزل الصور زين
هذا اهم شيء ودي اعرفه بالوقت الحالي واسف هرجي كثير واسف اتعبتكم معي