اشترك في نشرتنا البريدية ليصلك كل جديد

! هاويه الطيور ! · 29-12-2008, 02:12 PM

السلام عليكم

تفااجاااءت اليوم !

بطتي ! جناحها مكسووور ! وطايح
ماني عارفه السبب الي ادى الي كسر الجناح !
يمكن احدى ذكور الاوز هاجمها

والحل شسوي وخصوصا ودوها الطبيب وقال لهم ماكو فايده او نوديها طبيب ثاني

حابه اعرف هل يمكن تتعفى وترجع ام تظل بالشكل هذا !

وخصوصا عندها بيض ! راح تترك البيض ؟

Jameel2006 · 29-12-2008, 08:33 PM

ماشاءالله

كمان وز

في الاول كانو حمام ودجاج بط

الله يبارك فيهم

المهم بالنسبة للكسور مالها حل الا عند البيطري

وغالباً في الطيور تركها مع الوقت بس يجب حجزها في مكان بعيد عن بقية الطيور

ووضع اللاكل والماء بالقرب منها

والف سلامة على بطتك

! هاويه الطيور ! · 29-12-2008, 09:08 PM

والله رحت بس الطبيب قال لهم ماكو امل

والمشكله هالبطه هذي انا مربيتها بالبيت قبل لاانقلها للمزرعه والله كل افكر فيها

انتا جربت يعني صارت لك مثل هالحالات

وبعدين / الطيور كلها بالمزرعه والمزارع كل شي فيها

aboharoon · 30-12-2008, 02:47 AM

وعليكم السلام..

بما ان الطبيب قال مافيه فايدة فما يمنع انك تجربي الطريقة التالية لعلاج
الخلع او كسر الجناح في الحمام (لكن ممكن تضبط مع الطيور الباقية).

أولاً، امسكي الطير بدون ما تسببي مشاكل اضافية له (مثلاً في الحمام
نمسكها في الليل حتى ما يرافس لأنه مايشوف).

ثانياً، تأكدي أنه ما فيه جروح في الجناح (فوق وتحت الجناح) واذا فيه نظيفها
بمعقم (او اذا ما عندك معقم فماء وملح).

ثالثاً، جيبي قماش (يفضل شاش) ولفيه حول جسم الطائر بحيث انه يكون
مشدود وفي نفس الوقت ما يكتم انفاسه، لفي القماش اربع او خمس مرات
بدون ما تشديه بقوة، ويكون القماش يمر من فوق الجناح المكسور ومن تحت
الجناح السليم ومن امام الأرجل (يعني الأرجل تكون خلف القماش). وطبعا
جناح الطير (المكسور) يكون مثبت بشكل الإغلاق الطبيعي وهذي صورة توضيحية :

بعدها ثبتي القماش بلصق قوي ما ينفك ويفضل ايضاً انك تلفي حول القماش قطعة
اسنفجة (غير سميكة) او قماش متين. وهذي صورة توضيحية:

رابعاً، حطي الطير في مكان معزول عن بقية الطيور (في العادة الطيور راح تهاجم
الطير الضعيف)، عطيه اكل فيه مقويات اذا امكن (فيتامينات وكالسيوم) او حطيه
مع الموية (او حتى تعطيه حلبه مع الرز مثلاً). وشيك عليه باستمرار واتركيه لمدة
اسبوعين الى اربعة اسابيع..

! هاويه الطيور ! · 30-12-2008, 12:23 PM

aboharoon

.

جزاك الله الف الف خير
وان شاء الله اعطيهم الطريقه ويسوونها
وإن شاء الله تتعافى يارب

مشكووووووووووووور

عبيد العباسي · 30-12-2008, 10:30 PM

انـا عن نفسي صآرت فيني بالبطـ المسكوفي هجـم عليهم الجلب وكسر جنآح البطـه بـس عآدي عآشـت العمر كلـه وأهيـه جنآحهآ مكسور [صـج أنـه طآيـح على الأرض] بـس عآدي عآيشـه حآلها حآل البآجي

وعالعموم اللـه يعينـج وتلقيـن لهآ علآج

تقبلئء مرورئء خيتؤ .,,’,