عايزة اى خبير او خبيرة او دكتور يفهمنى ايه اللى بيحصل

[bossy20200]

السلام عليكم
ياجماعة بجد انا عايزة حد يساعدنى ضرورى
انا صاحبة الموضوع ده
http://2zoo.com/vb/showthread.php?t=301181
ياريت اللى يرد عليا يقرأ الموضوع ده الاول علشان يفهم
بعد ما حصل اللى فات للقطة
ظهرت مشكله اللبن اللى فى صدرها و روحت بالقطة النهارده تانى للدكتور لانى لاحظت ان في رعشة فى جسمها
وكمان انها لحد النهارده مش بطلت تنونو
وانا مش عارفة اذا كان فى حاجة وجعها ( بخصوص اللبن ) او انها بتنونو على ابنها
الدكتور قالت لى ان فيها لبن وده ممكن يكون بيوجعها وقالت لى انها هتكتبلى دواء يجففه لانه ممكن لاقدر الله يعمل صديد وقالتلى ان درجة حرارتها مرتفعة بسيط بسبب اللبن
واديت لها حقنه وكتبتلى انى اكمل بالحقن 3 ايام كل يوم حنقنة علشان تخفف اللبن
ولما قولت لها انى معرفش ادى الحقنه
كتبتلى برشام بارلوديل نصف حباية كل 12 ساعة لمدة 3 ايام
روحت دورت على البرشام لقيته ناقص فى كل الصبدليات ودكتورة صيدليه قالتى انى اخد لاكتوديل بداله وقالتلى انه نفس التركيبة
اتصلت بعدها بالدكتور وقولتلها علية قالتى تمام ادية للقطة لمدة 3 ايام نصف حباية كل 12 ساعة
الكلام ده كان يوم 5 فبراير يوم الاثنين
كملت بالبرشام وروحتلها تانى يوم السبت 9 فبراير ومكنش فى حاجة اتغيرت غير اللبن خف او قل شوية وقالت لى ان القطة سليمة وان ممكن يكون كده مجرد هرمونات وهتتظبط
دلوقتى بقي القطة لحد النهارده مش يتبطل نونوة بصوت حزين
وعلى طول عايزة حد قاعد جمبها يطبطب عليها غير كده تفضل تلف ورانا فى كل مكان تنونو وبتنام كتير ووشها حزين واكلها قليل اووى وعايزة تخرج برا الشقة وعلى طول عايزة حد ييطبط علىها واول ما المس عند بطنها تنام على ظهرها وتفرد نفسها وعايزانا امسح على بطنها
كمان بيجى عليها بالليل يجيها لها رعشة فى جسمها وهى نايمة جمبى
وطول النهار حاسة انها متوترة جدا
انا قولت ييمكن يكون فى عندها خلل فى هرومانات او حاجة
روحت بيها لدكتورة تانية امبارح الاربعاء 14 فبراير لانى مش بقيت مقتنعة بالاولى خاالص
الدكتور لما شرحت لها حسيت انها مش فاهمانى وقالت لى ان ممكن يكون فى حاجة فى الهرومونات وقالتى اصبر عليها ومسكت بطنها وقالتلى ان فيش اطفال تانى وقالت لى ان عندها نقص كاليسوم شوية
وقالت لى مش هديها حاجة غير حقن فيتامين ب اسمها ديبوفيت كل 3 ايام حقنه وبعد ما تخلصهم باسبوع تشوفها تانى
دلوقتى القطة زى ما هى صوتها حزين وبتبص لى وتنونو و عايزة حد جمبها على طول وده مش طبعها لانى اصلا مش بتحب حد وامبارح باليل جالها رعشة وهى نايمة واكلها قليل مع انها بتكون جعانة
انا حاسة ومتأكده ان القطة فيها حاجةبس انا مش عارفها ومفيش دكتورة فهمانى وبيقولى انها مش فيها حاجة بس القطة على طول بتنونو او بتعمل صوت كأنها بتزوم وتغمض عينها و هى بتنونو بطريقة كأنها زعلانة ودايما تلحس ايدى وده على غير عادتها برضو
هى اوقات لما بلعب معها بتلعب بس مش كتير
وعايزة اعرف ازاى اكتشف لو فى حاجة فى الهرمونات وهل فى عالاجات تظبطها
ملحوظة
انا لما روحت بيها للدكتورة اول مرة علشان اعرف اذا كان فى اطفال تانى ولا لا الدكتور مش عملت سونار
بس دخلت ايديها فى المكان اللى بيخرج منه الاطفال
والقطة بقت تصرخ وقتها
ممكن ده يكون عمل ضرر فى الرحم او حاجة

ياريت حد يطمنى لانى حالتى وحشة اووى انا كل يوم بعيط لانى مش عارفة اساعدها ومفيش حد فاهمنى
انا خايفة تكون بتتألم او هتموت

[شاهستا]

بصى انتى دخلتى نفسك فى متهات الدكاتره


حل اللبن بسيط جدا وقفى كل العلاجات الى الدكاتره كاتبنلك عليهم

وهتديها مضاد حيوى ايموكس من الصيدليه البشريه 2 سم كل 8 ساعات

ده هينشف اللبن ومش هيخيلى ليه اى اثر

اما عن نونوه القطه فى اى افرازات بتخرج من القطه ؟ من المنطقه التناسليه ؟

امسكى القطه من ايديها الى فى الاول وقفيها على رجليها الى تحت والمسى بطنها فى اى تكور فى بطنها ؟

والحزن الى فيها هى زعلانه عشان كانت مستنيه كيتن

خلى بالك منها وياريتك تديها فيتامينات واهتمى بأكلها اكليها الحاجات الى بتحبها

وخليكى معاها

[bossy20200]

ميرسي ليكى شاهستا
انا شوفت القطة دلوقتى
مفيش تكور فى بطنها
بس فى زى افرازات بسيطة لونها ابيض او بيج فى المنطقة التناسلية
معرفش دى من ايه
وبالنسبة للاكل هى بتحب اووى سمك بالعيش بالخضار وبعمله لها ومش بترضى تاكل وبأكلها بالعافيه
ياريت تطمنينى بسرعة

[شاهستا]

بصى حاجه من الاتنين

يا القطه عندها مشكله فى الرحم ودى محتاجه دكتتور شاطر يشخص الموضوع

يا اما هى تعبانه نفسيا ودى حاالات قليله جدا الى بيحصلهم كدة

بس ضرورى تشوفى درجه حراره القطه

[bossy20200]

بصى انا لما روحت للدكتور من كام يوم كانت حرارتها كويسة
لكن انا اوقات بحس ان درجتها مرتفعة شوية بالليل
بس انا صعب اقيس لها درجة حرارتها دلوقتى لانى لوحدى وكل البيت نايم وهى مش هترضى ابداا

وكمان هى تقريبا معظم الوقت نايمة
بس لازم يكون حد جمبها

[شاهستا]

الحراره اكيد بسبب اللبن اديها المضاد زى ماقولتلك

وسواء عندها مشكله فى الرحم واللبن المضاد هيخففها ان شاء الله

وراقبى الافرازات دى وخلى بالك لو زادت او بقت ريحتها كريهه

[bossy20200]

اوك تمام
وبالنسبة للحقن اللى الدكتور قالتلى عليها
هى المفروض ليها حقنه تانيه يوم الاحد ودى حقن فيتامين اوح اديها لها واسأل الدكتور على الافرازات دى ولا اعمل ايه

[شاهستا]

اه عادى مادام فيتامين مفيش مشكله


واساليها قوليلها تتاكد من الرحم

[عاشقة قطوتها]

طمنينا عليها

[فاتـــو]

اهلين اختي
النونوه هذي طبيعيه بالذات لو لاحظتي عليها
تقولها بطريقه مختلفه لان هذي الطريقه هي طريقه ندائها لابناءها الصغار
هي زعلانه عليهم اكيد
خليكي جنبها اليومين اللي جايين وحاولي تهدينها
وزي ماقلت لك في الموضوع السابق ابعدي عنها الكرتونه تماما واي شي مكن يذكرها بالكتين
والرعشه هذي سببها اما نقص بالكالسيوم او من التوتر والخوف
لاتخلين اخوكي يقرب لها ابدا الفتره الجايه وغذيها كويس وان شاء الله بتصير كويسه