محتار بين الصيد ولا الهولندي !!

[عبووود أبو عيون سووود]

السلام عليكم و رحمة الله و بركاته
تحية طيبة و بعد ،،،
بإذن الله نويت أشتري الببغاء الأفريقي الرمادي ، و صار لي فترة أبحث و أقرأ في المواضيع لكن بصراحة لازالت عندي حيرة بين الإثنين ( الصيد أو الهولندي )
ناس تقولي خذ الصيد أحسن ، مناعته و ذكائه أقوى ، و يتحمل أكثر ، و صوته أعلى ، و سعره أقل ، بس مشكلته يجعر و يعض و يبغالك وقت عشان تروضه ، و مهما ولفته و روضته يبقى فيه وحشية ولازم يوم يغدر بك !!
و ناس تقولي خذ الهولندي أحسن ، وليف جاهز لا يعرف العض ولا الجعير ، بس مناعته و ذكائه أقل من الصيد ، وما يستحمل كثير ، و صوته واطي ، و سعره أغلى !!
محتار و في نفس الوقت خايف أتوهق و أندم
قلت مافي إلا إني أسأل هنا في المنتدى أهل الإختصاص و الخبرة أكيد يفيدوني أكثر من غيرهم
فأتمنى من الجميع التفاعل و النصح
و شاكر لكم مقدما ً

[تشآرلي]

وعليكم السلام ورحمة الله وبركاته

انا اقتنيت الهولندي + الصيد

تقول الهولندي مناعه ضعيفه : انا مر علي طيور هولنديه مناعتها اقوى من الصيد

والاغلب يشتري الهولندي بعمر اقل من 9 شهور واكيد انه حساس للامراض وتقلبات الجو

وغير كذا : الطير جاي مع مجموعه بحدود 150 طير , يعني لو في طير واحد مريض تنتقل العدوى للباقين

ويصل الطير حامل للمرض ولكن تضهر اعراضه بعد اسبوعين

مانختلف انه الصيد مناعته اقوى لانه مر عليه ضروف طبيعيه وكانت مثل التطعيمات . ولكن الهولندي لو اهتمينا فيه ان شاء الله بيكون مناعته للاحسن ,

من ناحية ا لذكاء : ماله اي دخل بالعكس اشوف الهولندي اذكى من الافريقي

الصوت : الطيور متعوده بالغابات على التصفير بالصوت العالي لكي تتخاطب مع غيرها لمسافات طويله

ولكن نسبة علو الصوت بين الصيد والهولندي 20% و 80% نفس الصوت ووضوحه

بالاخير

مافي فرق بينهم الا شي بسيط جدا من ناحية المناعه + الصوت

المربي فقط يقدر يعادل الفرق الناقص ( بعد قدرة الله عز وجل )

[الجوهرة هنادي]

بعد كلام مشرفنا تشآرلي ما في كلام
لكن عندي تعليق على عبارة يجي يوم ويغدر فيك,اخي الغالي شيل هالفكرة من راسك كيف يغدر بيك وانت ربيته واكلته وشربته وكل شيء,اذا كان مروض ومعتاد عليك اكيد ما راح يعملك شيء ان شاء الله.

[عاطل بمرتبة شرف]

اذا فرخ خذ صيد

الصيد ممتاز جدآ عضامته ومناعته قويه بسبب تغذية والدينه

اما الهولندي فقاسه و سريلاك وخلطات

انا أعتبر

الصيد مثل شيباننا الأولين الي اصبعه الواحد عن اصبعين من اصابع هذا الجيل . وعنده قوه جسمانيه

والهولندي مثل الجيل حق الهمبرجر والببسي . الي مايقدر يشيل جركل مويه ابو 5 ريال من الرخاوه

أن شاء الله فهمت قصدي

[عبووود أبو عيون سووود]

شكرا ً لتفاعلكم و جزاكم الله خير جميعا ً
أخوي ( عاطل بمرتبة الشرف ) ذبحتني بأسلوبك الجميل و المعاصر في الرد
هاهاهاهاهاهاه الله يقطع شيطانك ضحكتني
عالعموم مشكورين على النصايح يا جماعة الخير
و ننتظر آراء بقية الأعضاء

[عبووود أبو عيون سووود]

أين الفطاحلة ؟
أين المخضرمين ؟

[آنآستــآزيآ]

.. بـ النسبــة لــي مــافي فــرق أبــداً أنــت بـ تدريبــكـ تقــدر تتحكــم بـ درجــة ذكائــهـ وبـ إهتمــامكـ بـ أكلــهـ وصحتــهـ تقــدر تتحكــم بـ قــووة مناعتــهـ وجسمــهـ وعظامــهـ وجمالــهـ وووو ..

.. بــس صــراحة أعجبنــي بـ شــدة أسلــووب الأخ عاطــل .. .. هــوو تشبيــهـ مزاحــي لكنــهـ لا ينطبــق علــى كــل الطيــوور ..

.. نصيحتــي بــدون لــف ولا دوران خــذ اللــي تلاقيــهـ بـ شــرط تكــوون صحتــهـ عـــــــــال العــال .. فقــط لا أقــل ولا أكثــر ..

.. آنآستــآزيآ ..

[عشقي البلوفرنتد]

الهولندي اذكى
واحلى واجمل
واسرع فهم
متعلق بصاحبه
لككن مناعه الافريقي اقوى
ودامك مبتدئ لا تااخذ هولندي خذ افريقي ولازم يولف عليك
نر علي افريقي اولف من اي هولندي
مووفق يالغالي
ملاحضه
الخيار الاو والاخير لك يالغالي

[وحيد مكة]

مااشوف فيها فرق كبير
والذكاء موهبة من الله
ومابعد كلام تشارلي كلام
ولاتسال كثير فتحتار شوف انت رغبتك وتوكل على الله
اهم شي تاخذ طير سليم وتحسن تعامله
وبالتوفيق ان شاء الله

[رمز التميز]

والله ياخوي انا محتار مثلك لكن شكلي ابستخير الله واشتري لي افريقي