صار لي 3 شهور اكرر عليه كلمة وللحين مانطق

[حايلي111]

السلام عليكم ...مساءكم / صباحكم .. سكر
صار لي غايب عن المنتدى فتره لضروف ورجعت مشتاق لكم ولمواضيعكم الشيقه وعندي سؤال .
مثل ماهو واضح بالعنوان الكاسكو صار له 3 شهور وانا اكرر عليه كلمة الو ولا نطقها غيرت الكلمه وللحين ماتكلم بدأ يغرغر احياناً كأنه يحاول يتكلم . هل هذا طبيعي واذا فيه وسيلة تلقين اخرى لاتبخلون علينا .. علماً ان عمر الكاسكو سنه وشهرين تقريباً حلقة عينه بيضاء .

[تركي111]

هولابك اخوي ،،، صباحك وررد
بالنسبه لطيرك علا حسب يمكن توه صغير
والطيور وبالذات الكاسكو ماينطق ابابعد اشهر معينه يبدولي
بس لاتشيل هم ،، ان شاء الله ينطق
رفيقي شراء له طير يحلف انه سبع شهور ولاحررف
وبعدها خرطلك كككل الكلمات اللي كان يلقنها له صاحبنا
فششي طبيعي وانا اخوك وهيئ له الجو انت وينطق .
وشكراً،،،،،

[المقبل]

كيف تعرف ان طيرك جاهز للكلام ؟
هناك فترة يقضيها الطير في المكان الجديد تلاحظ عليه انه ياكل
وينام ويستطلع بنفس الوقت الوجوه و كسب عنصر الامان
وهذا ضروري جدا لكي يطمئن و حالته النفسيه تهدأ
ومكان تواجده يجب ان يكون في محل تواجد العائله في الصاله
او المجلس الرئيسي للعائله اي مكان جلوس العائله الدائم
واول علامات كلام الطير يبدأ بالوغوغه و الطقطقه والصفير بصوت مرتفع
ومن هنا تبدا مهمة التدريب والتلقين على كلمه وحده فقط
وعندما ينطقها تبدأ معه بكلمتين ومن بعدها السلام عليكم
وهكذا الى ان تحفظه جمل كبيره مثلا قل هو الله أحد الله الصمد
بمعنى اخر ان العافية درجات
اتمنى ان افدت

[O.habeeb]

غير الكلمة او حط مسجل او تحطة في الصالة عشان يسمع التلفزيون وكلام الاهل وان شاء الله قريب يتكلم بس لازم عمره يكون فوق ال6 شهور

[حايلي111]

المشاركة الأصلية كتبت بواسطة تركي111

هولابك اخوي ،،، صباحك وررد
بالنسبه لطيرك علا حسب يمكن توه صغير
والطيور وبالذات الكاسكو ماينطق ابابعد اشهر معينه يبدولي
بس لاتشيل هم ،، ان شاء الله ينطق
رفيقي شراء له طير يحلف انه سبع شهور ولاحررف
وبعدها خرطلك كككل الكلمات اللي كان يلقنها له صاحبنا
فششي طبيعي وانا اخوك وهيئ له الجو انت وينطق .
وشكراً،،،،،

يسلمو حبيب ألبي فديتك ريحتني

[حايلي111]

المشاركة الأصلية كتبت بواسطة المقبل

كيف تعرف ان طيرك جاهز للكلام ؟
هناك فترة يقضيها الطير في المكان الجديد تلاحظ عليه انه ياكل
وينام ويستطلع بنفس الوقت الوجوه و كسب عنصر الامان
وهذا ضروري جدا لكي يطمئن و حالته النفسيه تهدأ
ومكان تواجده يجب ان يكون في محل تواجد العائله في الصاله
او المجلس الرئيسي للعائله اي مكان جلوس العائله الدائم
واول علامات كلام الطير يبدأ بالوغوغه و الطقطقه والصفير بصوت مرتفع
ومن هنا تبدا مهمة التدريب والتلقين على كلمه وحده فقط
وعندما ينطقها تبدأ معه بكلمتين ومن بعدها السلام عليكم
وهكذا الى ان تحفظه جمل كبيره مثلا قل هو الله أحد الله الصمد
بمعنى اخر ان العافية درجات
اتمنى ان افدت

طيري متجاوز مرحلة التأقلم مع المحيط الجديد...كل الي ذكرتها يسويها طيري يعني يطقطق ويقلد تصفيري واحيان من كثر ازعاجه اخاف الجيران يطقو الباب ويشتكون منه . يسلمو ع الشرح الوافي .

[حايلي111]

المشاركة الأصلية كتبت بواسطة O.habeeb

غير الكلمة او حط مسجل او تحطة في الصالة عشان يسمع التلفزيون وكلام الاهل وان شاء الله قريب يتكلم بس لازم عمره يكون فوق ال6 شهور

عمره صار فوق السنه اخذته وعمره 9 شهور والحين صار له عندي اربع شهور . اول شهر ماكنت القنه بس مخليه يتأقلم . بعده بديت بتلقينه وتوليفه الطير صار اليف وسمح لي امسح عليه ومدمن مسح ع الراس وياكل من يدي . واحيان اوقف عنده ونشكل انا وياه تصفيرات بس حبيت استفسر عن مدة النطق الي عنده لاني شفت اعضاء ماشاء الله قالو ان طيورهم تكلمت خلال شهرين .وظنيت ان فيه خلل بطريقة تلقيني له فحبيت استشيركم . ومشكورين على تفاعلكم الاخوي

[مًٍحًٍمًٍدًٍ ...]

اذا كان بينك وبينه تصفيره هو دوم يقلدك فيها فأعطه نغمة التصفيره وبعدها كلمة يواد وصدقني اسبوع ويسويها معك .. بعدين اتوقع طيرك اذا يصافر معك عادي معناتو يقلد وقال الو من زمان بس انت حاول اذ سمعته بدا يصفر تستمع له بدون تروح له ولا تقرب له وراح تشوف انه يحاول يقول كلمه .. ترى لو تركز بصفير ونغمات طيرك عدل بتعرف وش اول كلمه بينطقها وبتكون سهله بالنسبه له بس انت حاول تركز وقت مايصايح واقرب كلمه تكون لنغماته لقنه .. والله مدري فهمت ولا تقول ذا مجنون بس لو تعرف طيرك بتعرف اقرب الكلام واول الكلام الي بينطقه .

[مًٍحًٍمًٍدًٍ ...]

ع فكره اربع شهور لا تيأس طيري خمس اشهور او ست الله العالم بعدها سار ثرثار احيان اهلي يطلعونه برى البيت من كثر الثرثره .. يعني لا تستعجل عليه احس الي معك بتذبحه اذا تكلم مو ترميه برى البيت .

[xagent]

حاول بعد المغرب تقرب منه ويكون على ستاند مرتفع مقابل وجهك وحاول تبدا بكلمة بابا وحاول تمدها وتخلي وقت خمس ثواني قبل تكرر الكلمة احيانا اذا فيه صوت تلفزيون واطي يكون افضل خلال ثلاث ايام تلاقيه نطقها انشالله واتمنى اكون افدتك