كانت تنزف

[ميزنوا]

السلام عليكم

انا عندي قطه مره في فترة التزاوج طلعت برا البيت وقعدت يوم كامل ولما رجعت للبيت برضوا كانت تطلب التزاوج لمدة اربع ايام بعدها وقفت ماصارت تتطلب التزاوج

ولاحضت انو كانت من ورا فيه دم واحمر انا ماعندي خبره بالقطط فمافهمت ايش هذا

بعد اسبوع من طلوعها للبيت في دكتوره بيطريه من جمعيه تعالج القطط بشكل عام وبرضوا (اللي اخذ قطه كانت في الشارع او صاحبها مايبغاها مثلي تعالجهم وتراعيهم بالفلوس يعني تشتغل مو عشان الفلوس . تشتغل لانها تحب تساعد الحيوانات ) لما رحت لها لانو قطتي كانت فيها فطريات هيا قبل ما اكلها طلبت مني انو اسوي لها عمليه اخصاء لانو تقول القطه ماراح تجيها امراض وقالت برضوا انها بتراعيني بالسعر بس عشان اسوي لقطتي هذي العمليه انا في البدايه رفضت بشده
وبعد اسبوع لما رحت لها عشان قطتي كان فيها فطريات و اذنها تحكها كثير قالت بتسوين العمليه قلت لا قالت ما اعلجها الا لماتسويين العمليه وقالت اذا من ناحية الفلوس انا بسويها لك مجانا بدون فلوس

هيا يجنوها ناس كثير وعجوز يعني متمرسه بهالمجال وقلت طيب انا اخاف انها حامل قالت ما راح اسوي العمليه اذا كانت حامل وبعدينن اتصلت علي وقالت انو القطه مو حامل وسوت العمليه العمليه كانت مره بسيطه ومو صعبه يعني قطتي جلست من العصر الى الساعه 12 وهي تحت مفعول المخدر و بعدها صحت وتلعب كل شي

لكن هيا الى الان من ورا لونه احمر وفيه شويت دم لكن كانو متيبس وماينزل منه دم كثير

ما ادري ايش السبب لانو هيا تاكل وتلعب كثير واحس انها ارتاحت لما سوت العمليه لانها سمنة مو زي اول ما اخذتها من الولد ومره احسها مرتاحه وصحتها فل لكن شاغل بالي اللي فيها

هيا اول كانت تنزف وانا ماكنت ادري ايش قلت يمكن تزاوجت من الشارع وصار لها كذا وانا قبل شهرين مطعمتها

لكن لما طلعت بالشارع ماكانت مطعمه لكن ماصار لها شيء يعني ماجتها امراض

بليز ساعدوني وربي احس بشيب وانا افكر بالموضوع

والبيطريه ماقدر اروح لها لانو انا اداوم في الجامعه وكل اخواني دوامات من الصباح الى المغرب وهيا تفتح بيتها عشان تعالج فقط الصباح وانا ماعندي وقت الا اذا جت الاجازه

ادري طولت بالكلام لاني ابيكم بس تطمنووني وربي مرره خايفه

[عاشق حيواني]

روحي للبيطري سوسلها فحص

[ميزنوا]

اخاف اوديها لبيطري ثاني ويدخلني متاهات عشان الفلوس بس

هذي ماتبي فلوس لا شيء بس تبي تساعدها

ابي اعرف من خبرتكم ايش هذا ؟