اشترك في نشرتنا البريدية ليصلك كل جديد

أزمرل إمبرطور الجمال · 04-08-2009, 10:24 PM

بسم الله الرحمن الرحيم
السلام عليكم ورحمة الله و بركاتة

كيف الحال أخواني الكرام ...
عساكم على القوة إن شاء الله ...

تاريخ : 30 / 07 / 2009 م يوم الخميس روحت من منشستر إلى عاصمة الضباب لندن و رجعت إلى منشستر تاريخ 02 / 08 / 2009 م يوم الأحد ...

و طبعا من أحلى الأماكن الي زرتها هايد بارك تخبلت لما شفت الوز الكندي و وز الأمدن حتى الوز المصري موجود منهن أربع أزواج شفتهن و عندهن عيال بعد ... و أحلا شي البجع و فروخه كان منظر رووووووووعه ... و غير البط و أنواعه *_*

و بخليكم ويا الصور ...
ولا تنسون الردود الحلوة ^,^ ....

.-._.-._.-._.-.

الصورة الأولى :-

- طبعا واضح في الصورة أربع وزات كنديات و وزه أمدن

الصورة الثانية :-

هذي صورة وزة مصرية ...

الصورة الثالثة :-

- و هذي صورة جوز من وز أمدن و نفس ما تعلمنا من مشرفتنا ! هاوية الطيور ! ان الذكر على اليمين و الأنثى على اليسار بسبب الوقفة و حجم البطن

الصورة الرابعة :-

- ما شاء الله قطيع من أوز الأمدن , طبعا هو نوعي المفضل بالإضافة للأفريقي ^^

الصورة الخامسة :-

- طبعا أنا آسف ما صورت غير صورة وحده و إنعكاس الشمس خرب الصورة .
- طبعا الصورة لوزة مصرية و كتاكيتها ... ^,^

الصورة السادسة :-

- سرب من الوز يسبح ... *_*

الصورة السابعة :-

- أولاً : أنتبهت الآن و أنا أصغر الصور إني كنت مركز على الوز و لا صورة ولا صورة للبط هع ...
- ثانياً : في هذي الصورة ذكر بط ....
- ثالثاً : بتشوفون في الصورة دجاج الماء الي لونه أسود و يسبح ركزوا ...
- رابعاً : شوفوا ضلي هههههه ....

الصورة الثامنة :-

- هذي أحلا صورة صورتها ... شوفوا جمال وز الأمدن ...

الصورة التاسعة :-

- وز الأمدن راقد على الجزيرة , طبعا ممنوع دخول البشر لهذه الجزيرة ...

الصورة العاشرة :-

- طبعا الي في الصورة وزة أمدن الواقفة و الجالسة وزة مصرية راقدين على الجزيرة ...

.-._.-._.-._.-.

طبعاً الصور الي راح تشوفونها الآن إهداء خاص لكل أعضاء المنتدى الطيبين و لمشرفتنا ! هاوية طيور ! ...

.-._.-._.-._.-.

الصورة الحادي عشر :-

- شوفوا مجمل البجع و شوفوا عيالهم ^,^ ...
- شوفوا عيال الخليجين أول مرة يشوفون بجع و الله مت عليهم من الضحك ...

الصورة الثاني عشر و الأخيرة :-

- هذا السنجاب هديه لكم ^,^

.-._.-._.-._.-.

و في الختام أتمنى أن يكون الموضوع نال على رضاكم و إعجابكم ^,^
و السموحة منكم مقدماً ...
و لا تنسونا من صالح دعائكم جزاكم الله عنا ألف خير ...
و ممنوع حد يظهر بدون تعليق ^,^ ...

المارد2009 · 04-08-2009, 11:27 PM

.! راعي صوغان !.

ماشاء الله اصدقك كنت ماحب الوز والبط لكثر وساختهم وشكلهم المعرفج

ماهو مثل الى بصورك شى على مستوا ونضاف وصحتهم زينه والمصور

محترف ماشالله عليك شكلي ابى اربيهم وادخلهم للمجموعه

يعطيك الف عافيه

! هاويه الطيور ! · 04-08-2009, 11:28 PM

عليكم السلأم ورحمة الله وبركاته

ماشاء الله موضوع ولا اروع وصور تفتح النفس

والتصوير ماشاء الله روعه

بخصوص الزوج مو شرط بيكون الطول لانه الذكر ممكن يكون قصير والانثى اطول

بس ممكن نميزهم من خلال الصوت + الريش من اسفل

اول صوره وز كندي وفي غيره كندى احلى من هذا خصوصا يكون هناك ندبه في منقاره

ومعطي له منظر احلى

اما عيال الخليج هههههههه يحليلهم مو صدقين فديتهم

.
.

وتسلم على الاهداء الروعه

بس الي اعرفه يطلق عليه " البجع " + وله مسميات كثيره " ينقاله اوز العراقي < "

بس شكله روعه بس صعب يتعايش مع مناخ الخليج الحار وصعب تكاثره

يحتاج لعنايه خاصه ومساحه شاسعه له وخصوصا يحتاج بحيره كبيره وتكون نفس بيئته

يعطيك الف عافيه
وتسلم على السنجاب يدلبي شكله يهبل

والتصوير فعلا روعه ماشاء الله

.
.

اشكرك على الموضوع الروعه

تحيآتي

hitler's mind · 04-08-2009, 11:29 PM

مشكور اخوي وعساك على القوه

! هاويه الطيور ! · 04-08-2009, 11:31 PM

اقتباس:

ماحب الوز والبط لكثر وساختهم وشكلهم المعرفج

المارد

ظلمت الوز عكس البط الي يدمر كل شي جدامه

الوز محافظ على البيئه وخصوصا النباتات

ويحافظ عليها لما ياكلها مايكالها من جذورها ياكل اطرافها يخليها تنبت مره ثانيه علشان يرجع مره ثانيه يتغدى عليها

وماياكل نفس مكانه يغير علشان يخلي النبات يطلع مره الثانيه

ولايوسخ ابد بالعكس نظيف

اما البط مشكله لازم يوسخ ويعفس المكان ومزعج

أزمرل إمبرطور الجمال · 04-08-2009, 11:39 PM

اقتباس:

المشاركة الأصلية كتبت بواسطة المارد2009

.! راعي صوغان !.

ماشاء الله اصدقك كنت ماحب الوز والبط لكثر وساختهم وشكلهم المعرفج

حرام عليك و الله الوز و البط وايد حلوين بس البط وصخ أما الوز وايد حلو ونضيف لكن يبي لهم بركة

اقتباس:

المشاركة الأصلية كتبت بواسطة المارد2009

ماهو مثل الى بصورك شى على مستوا ونضاف وصحتهم زينه والمصور

ههههه يا حبيبي لان هنا عندهم بركة كبيرة لو تمشر سبوع ما تلف حواليها ...

بعدين الوز وايد يهتم بنظافته لكن لازم توفر الماي ...

اقتباس:

المشاركة الأصلية كتبت بواسطة المارد2009

محترف ماشالله عليك شكلي ابى اربيهم وادخلهم للمجموعه

تسلم الغالي الصور من الفون و الكمرا هع حتى الصور الي في الفون نصها راحت
و نصيحة رب الوز وايد حلوة تربيته ....

اقتباس:

المشاركة الأصلية كتبت بواسطة المارد2009

يعطيك الف عافيه

الله يعافيك الغالي نورت الموضوع عزيزي ^^

المارد2009 · 04-08-2009, 11:44 PM

:! هاويه الطيور !

مشرفتنا الغاليه تراكي اخذتى السىء من ردى وتركتى الحسن

انا ماكنت اربيهم وماعندي معلومات عنهم ومواضيعكم عنهم خلتنى افكر بجد

لتربيتهم وتجهيز المكان المناسب لهم حسب المواصفات المطروحه من قبلك

شاكر متابعتك واهتمامكD

أزمرل إمبرطور الجمال · 04-08-2009, 11:47 PM

اقتباس:

المشاركة الأصلية كتبت بواسطة ! هاويه الطيور !

عليكم السلأم ورحمة الله وبركاته

ماشاء الله موضوع ولا اروع وصور تفتح النفس

والتصوير ماشاء الله روعه

حي الله مشرفتنا الكريمة ^^
....

نبداء من البداية هع ..

تسلمين على الإطراء الرائع و التصوير مالي خبره ...

اقتباس:

المشاركة الأصلية كتبت بواسطة ! هاويه الطيور !

بخصوص الزوج مو شرط بيكون الطول لانه الذكر ممكن يكون قصير والانثى اطول

بس ممكن نميزهم من خلال الصوت + الريش من اسفل

فاهم عليج خاصية البط و الحجم تكون متميزة عند البط لكن نسيت شي شوفي رقبة الذكر أطول من الأنثى صح ؟!

اقتباس:

المشاركة الأصلية كتبت بواسطة ! هاويه الطيور !

اول صوره وز كندي وفي غيره كندى احلى من هذا خصوصا يكون هناك ندبه في منقاره

ومعطي له منظر احلى

أمممم ما أعرفه ممكن صور ..؟!

اقتباس:

المشاركة الأصلية كتبت بواسطة ! هاويه الطيور !

اما عيال الخليج هههههههه يحليلهم مو صدقين فديتهم

هههههه مستانسين و الله خلصوا الخبز من المحلات ههههه

اقتباس:

المشاركة الأصلية كتبت بواسطة ! هاويه الطيور !

.
.

وتسلم على الاهداء الروعه

الله يسلم غاليج من الشر يارب ^^

اقتباس:

المشاركة الأصلية كتبت بواسطة ! هاويه الطيور !

بس الي اعرفه يطلق عليه " البجع " + وله مسميات كثيره " ينقاله اوز العراقي < "

بس شكله روعه بس صعب يتعايش مع مناخ الخليج الحار وصعب تكاثره

يحتاج لعنايه خاصه ومساحه شاسعه له وخصوصا يحتاج بحيره كبيره وتكون نفس بيئته

بالنسبة للإسم العرب عرفته بالبجع و ورد ذكرة في لسان العرب و تحققت منه ... أما إسم الإوز العراقي فأعتقد نسبة إلى تواجده في العراق بس ما أعتقد هذا النوع أصله من العراق ممكن في عصر الخلفاء العباسين جابوه عشان يزين قصورهم ... هذا تحليلي هع

أما بيئتة و الله صعب جدا تبني له نفس بيئته لكن أنا احين أفكر أربيه فلما أرجع بسوي حضيره جديدة للوز و كبيره وفيها حوض ^,^ ... قولي إن شاء الله ..

اقتباس:

المشاركة الأصلية كتبت بواسطة ! هاويه الطيور !

يعطيك الف عافيه
وتسلم على السنجاب يدلبي شكله يهبل

والتصوير فعلا روعه ماشاء الله

.
.

اشكرك على الموضوع الروعه

تحيآتي

أفا عليج هذا واجبنا وترقبي الموضوع الجاي بيكون أحلا و أحلا .. إن شاء الله ..

و السنجاب إنتبهي عليه هههه و الله لقيناه يمشي في الحديقة و وقف و تجمعنا عليه نصوره هههههههه

تحياتي لج أختي الكريمة

أزمرل إمبرطور الجمال · 04-08-2009, 11:49 PM

اقتباس:

المشاركة الأصلية كتبت بواسطة hitler's mind

مشكور اخوي وعساك على القوه

تسلم الغالي على الزيارة ^^

المارد2009 · 04-08-2009, 11:49 PM

.! راعي صوغان !.

والله اتوب ماعودها وخلاص قررت اشريهم يوم الجمعه انشاء الله

بس الاقي منهم مجموعه زينه وارتب لهم المكان واصورهم ونزل صورهم

علشان ارضيكم واشبع هوايتى فى تربيت الطيور بجميع انواعها الداجن

تقبل مرورى