جوله لمحلات الحيوانات والطيور بالرياض (تقرير)

[جبل عمر]

السلام عليكم

اليوم نويت اشوف اخبار المحلات الطيور وش عندهم وش ماعندهم اول شي ذهبت الى سوق الحمام لقيت بعض المحلات فاتحين بس مايبيعون الا سمك ومستلزمات الحيوانات والطيور ثم طلعت من السوق وذهبت الى طريق الملك عبد العزيز بدايه ب الحياه والطبيعه لقيت عندهم ببغاوات!لكن ليست للبيع وملصق من البلديه مكتوب فيه(يمنع بيع الطيور حتى اشعار اخر) والغريب انهم مااخذو الطيور من المحلات هاذي ..و الطيور الي عندهم لقيت( زوج مليكون كوكاتو وافريقيات وجوزين من المكاو) ثم ذهبت الى قريه الحيوان لكن للاسف لا يوجد سوى كلاب وقطط واسماك لكن اتوقع مخبين الطيور.. ثم ذهب الى واحه الحيوان ولقيت عندهم (زوج من اليلوناب - دبل يلو هيد ممتاز-افريقيات - اعداد من المكاو -اعداد من طيور الدره-زوج ببغاء راس الصقر) ايضا ليست للبيع وملصق من البلديه يمنع بيعها الى اجل قريب ..انتهت الجوله

باذن الله يكون السماح ببيع الطيور قريب وجاني خبر انه في القصيم انهم بدأو ببيع جميع انواع الطيور

[محمد الرياض]

شكرًا لك على هذا التقرير ..

[guitara]

جزاك الله خير على هالتقرير

بس صراحه ماني فاهم الحكمه من وجود الطيور ومنع بيعها !!!

ان شاء الله قريب يفكون هالحضر ورتاح ...

[محمد محب محمد القداح]

شكرا علي تقريرك يااخي

[روني]

شكرا لك اخي الكريم على هذه الجوله


وانا بالفعل الاسبوع الماضي كنت في الحياة والطبيعة وسألت عن اسعار الببغانات وقل ليست

للبيع بأمر البلديه

[AL-MOHANDES]

مشكور على التقرير ,,

[LiLi]

جبل عمر

مشكور على التقرير

و إن شاء الله عن قريب الأمور تتحسن

[محب الكناري]

الي يبغا يشتري ايجي الشرقية وخصوصا يو الخميس بالسوق الحمام
بالقطيف

[كاسكـــو]

مشكور اخوي جبل عمر على التقرير

لكن بسألك عن سوق الحمام انا لي شهر تقريباً مارحت هناك

سؤالي هل فيه أكل للطيور بانواعها او مافيه بس هذا السؤال ؟؟

لاني اخر مره رحت له عشان اشتري اكل حق طيوري حصلته مسكر

وشريت من مكان آخر

وشكراً لك

[محمد الرياض]

أخي كاسكو أجيب عليك بعد إذن أخي جبل عمر ..

هناك مستودعات حبوب و مطاحن في الجهة المقابلة للسوق ( غرب السوق تمامًا في جهة الصناعية ) ..

تجد ما يسرك بإذن الله و موفق أخي الكريم ..