استفسار بخصوص العاب الكاسكو

[.. محمد ..]

السلام عليكم ورحمة الله وبركاته


انا اشتريت لعبة خشبية فيها جرس صغير و حطيته في القفص .. الكاسكو الي عندي افريقي عمره حوالي سنه ونص وما شاء الله تبارك الرحمن الطير رائع و اليف وما يجعر بس استغربت منه اني اول ما حاولت ادخل اللعبة عنده فالقفص جاته حاله غريبة و خوف مب طبيعي لدرجة انه نزل تحت القفص .. الحين اخواني انا متأكد انه خايف من اللعبة بس انا ابيه يلعب فيها و ينبسط ما ادري هل اخليها له واسيبها في القفص الين يتعود عليها ؟ ولا ما اركبها واكتفي انا بالعب معاه ؟

[بلاك بيري]

والله ان الطير خاف منها ننصح بأبعادها عنه لأنها بتعيقه عن نشاطه ولعبه وحركاته

[ابو على2]

اخوي الببغاء من صغره ماانحط عنده العاب فهو خايف فامثل ماقال الاخ بلاك بيري
بالتوفيق

[the_gostman]

اخي الفاضل.. الطائر خائف من اللعبه لانه لم يعتاد عليها .. انصحك بإزالتها الان ووضعها له بالتدريج.. كيف يعني ؟؟

إليك الآتي:
1)ضع اللعبه لمدة 3 ايام بجانب القفص.
2) بعد ذلك ممكن تقريبا عالقفص شوي حتى يتعود على رأيتها.
3) بعد ذلك ضعها فوق القفص كم يوم.
4) وعندما يعتاد على رأيتها ويزول الخوف بإمكانك وضعها في القفص.

بالتوفيق عزيزي
أخوك رمزي