ارجو المساعدة مع جعير الفرخ

[الوسام الذهبي]

السلام عليكم ورحمة الله وبركاته

من اسبوع تقريبا شريت لي كاسيكو فرخ عمره حوالي 8 شهور العين رمادية مائلة للاصفر صاحب الطير بدئ معاه التدريب وفعلا الطير اليف مايعض بتاتا ويركب على الايد بس كان في البداية يعند شوي على مايركب اما الحين بعد اسبوع معاه صار يركب على الايد بكل سهولة اول ما اخلي له ايدي قريب من الستاند يركب لكن فيه مشكلة جايبة لي صدااااااااع

المشكلة انه دايما يجعععععععر اول ما اشيله يجعر بستمرار ولما امسح على راسه فترة واحاول اهديه يسكت شوي وبعدين يجعر مرة ثانية ويحاول يرمي نفسه من على ايدي اقعد اسوي له حركة الدرج حتى مايرمي نفسه لكن بدون فايدة والجعير مستمر

ارجو المساعدة من الخبراء شلون اكسب ثقته واخليه يترك الجعير انا خفت اتكره فترة ما احمله بس اهتم فيه من اكل ونظافة وبعدين يصير مايركب على الايد ويعض على شان جدي يوميا لازم اشيله على الاقل ربع ساعة وبعدين ارجعه

[هاااايز]

مرحبا اخوي ماتجي رمادي مائل للاصفر لان بعد الرمادي ابيض وبعد الابيض اصفر.. وبالنسبه للبغبغاء اصبر عليه وفيه شروحات بالمنتدى تفيدك انا مشكلتي نفس مشكلتك ويجعر خله يجعر لين يصفى راسه وحك راسه باستمرار والله يعيني ويعينك انا يجعر بس اذا كان داخل القفص على الاستاند وعلى يدي ما يجعر مع الوقت ان شاء الله تروح وتحياتي لك وموفق اخوي

[sno0op]

يا أخوي الحل بسيط

خلي طيرك مغطى بغطا لمدة أسبوع ولا تخليه يشوفك وأنت تحط له الأكل

وبعدها شوف يجعر ولا مايجعر أنا جنبي طير شريته قريب شوفني مغطيه له يومين دحين

الله يوفقك

[ياسرر]

اخوي الجعير عااادي يروح مع الوقت انت طلعه على يدك باستمرار وامسح عليه وارفع القفص وخله يشوف الناس وصدقني اسبوعين او 3 بالكثير ويسكت

[الوسام الذهبي]

شكرا على الردود والمساعدة يا شباب

والمعذرة قصدي رمادي مايل للأبيض