فرخ الدره صار يطير

[يعسوبة]

الـωـَّلاρ عـليگρ ..

فرخ الدره قريب يكمل شهرين وصار يطير وفرحان انه يطير
من شده فرحته بطل ياكل حوصلته فاضيه من امس
بس يبغى افتح له القفص ويطير هنا وهناك ازعجني

وانا بصراحه طفشت من الهدد بعد تجربتي له في الكروان والروز
اخاف يصير يلاحقني بكل مكان ويطير فوق راسي وكتفي وانواع البثاره
والله اني انحاش اذا شافوني طيوري يتركون كل البيت ويجون فوق راسي
واخاف الدره يصير زيهم

رايكم اقص جناحه مدامه صغير ولا حرام احرمه من الطيران

[محب الببغاوات 2014]

الافضل عدم قص الجناح ليبقى الطائر يثق بك

فقدان الطائر طيرانه كفقدان الانسان اقدامه

هذا رأي فقط وليست تجربة

[AVOCADO]

لو عندك غرفه مغلقه لها باب
تخليها مخصصه للطيور
وتضع لهم ستاند يوقفون عليه ومشربيات اكل معلقه وهكذا
يعني ترتب لهم غرفه خاصه فيهم
اما يطير بكل مكان وباي وقت فعلا هذا شي يطفش ويقلق اهل البيت
وين قاعدين في بيت ولا بغابه
وبالنسبه لقص الجناح لا انصحك فيه

[hani 66]

بالعكس هذا شي ايجابي وجيل .. الافضل تركها تعتاد عليك

[كويحه]

والله حاسه فيه يعسووبه .. هو شي جميل فعلا بس احيانا مزعج ..

[monybat]

هاها
اجعلي يوم مخصص له للطيران والهدد

بالتوفيق

[يعسوبة]

الطيور اذا تعودت تطير تصير ماتبي القفص جربت هالشيء
اول ماتشوف احد ماشي من جنبها تنزل بإرض القفص وتدور
يعني كأنها تقول طلعني وطول الوقت متوتره وهذا حاصل حاليا مع فرخ الدره
حتى اكل ماياكل من يدي اول مافتح القفص يسحب علي ويطير

[كويحه]

المشاركة الأصلية كتبت بواسطة يعسوبة

الطيور اذا تعودت تطير تصير ماتبي القفص جربت هالشيء
اول ماتشوف احد ماشي من جنبها تنزل بإرض القفص وتدور
يعني كأنها تقول طلعني وطول الوقت متوتره وهذا حاصل حاليا مع فرخ الدره
حتى اكل ماياكل من يدي اول مافتح القفص يسحب علي ويطير

من جد وربي

[amo0on47]

مادري والله انا بالنسبه لحقي خففتها بس الاطراف ماقصيتها يعني يطير بس مو مررره انصحك تقصقصهم بس مو مرره يعني تخفيف عشان لا يبلشك بالطيران ...

[طه علوي]

خليه يستمتع ويطير على كتفك حاول انك تبعدو كل مرة عن راسك خليه في كتفك وان شا الله يفهمك