غيني وافريقي ..

[طلع لي قرون]

السلام عليكم ورحمة الله وبركاته ..

من زمان عنكم ..


وش اخباركم عساكم بخير ..

وان شاء الله طيوركم بخير..



انا ما حبيت انزل الموضوع الا بعد ما طفشوا الاهل من مرزوق .. الافريقي ..

طبعا الغيني بعد ما جاني .. اختلف مرزوق .. وصار يتدلع على علاوي .. وحبوا بعض وانا عطوني x

المهم انا سافرت .. والطيور عند اهلي

ومرزوق قل كلامه تدريجيآ .. لين وقف ومعد صار ينطق بحرف ..

وش تنصحوني فيه ..

اخليهم يبعدوهم عن بعض .. ؟

ولا يخلوهم مع بعض وينطقوهم الاثنين سوا ..؟

وابشركم مرزوق مثل ماهو على حاله .. لا طلع له ريش وولا شعر

وبعد ما سافرت نتف ذيله ..

انتظر ارائكم ..



سؤال اخير ..

لو باخذ لي فرخ بعمر صغير جدا 45 يوم ..

عادي اجيب مرزوق معاي الدمام واربي هذاك مع انه شرس معاي بسبب ماضينا العتيق ..

يعني ممكن يضر الفرخ .. او يخليه متوحش مثله ..

اتمنى تفيدوني بهالموضوع لاني ادور فرخ .. ومرزوق حبيبي اشتقت له وودي اجيبه معي هنا مع انه ما يحبني

وش تنصحوني فيه

[ٌابوعمر]

الحمدالله تمام المنتدى واهل المنتدى يرحبون فيك وييييييييينك غاط مالك لا حس ولا خبر اشتقنا لردودك الحلوه هع ياخي انت مشكلتك انك شاري طيور خايسه مادري عندك طيور خايس الزبد خذلك فرخ ولا تجيب مرزوق بيعه واكسب فيه اجر ^_^ لا تشتري فرخ بعمر 45 يوم صغيييييييييير اشتر بعمر 3 شهور كويس او شهرين ونص

[طلع لي قرون]

يا هلا ابو عمر ..

من اليوم احتريك ترد على موضوعي .. :d

ياخوك من بعد ما سافرت وابعدت عن مرزوق تضايقت .. كل ما ادخل المنتدى اتذكره .. واتذكر عضاته وهباله ..

<< مسوي فاقده .. ههههههههههه

وانا بعد والله اشتقت لكم

مقدر ابيعه يابو عمر .. احبه .. مع انه متعبني بس احبه ..

ظنيتك بتكون فاهمني وتنصحني اخذ فرخ بعمر 45 يوم ..

لانك اكيد عارف حالتي مع مرزوق .. والعقده الي سببها لي ..

وانا ابي طير يكبر على يدي يعني مو يجي يوم ويسوي على راسي رجال ويعض ولا يسوي ما يعرفني ..

ابي طير يكبر ويشوفني امه وابوه .. << نفسيه ..

بس ليش ما تنصحني اخذ بهالعمر ..؟

[ٌابوعمر]

بعمر 45 يوم العنايه فيه صعبه ولازم تغره كل 6 ساعات ولازم تدفيه زيييييين لا ماعنده ريش او عنده ريش ولاكن قليل ولا تخاف بعمر 3 شهور بيصير اليييييييف مره ماتفرق 45 يوم او 60 يوم ماتفرق كلها بيكون حمامه وبعدين بعمر 45 لازم يكون عند امه وابوه يغرونه هم كل مايطول اكثر تكون مناعته اقوى فكر معي وش الفرق بين الهولندي والافريقي ؟ الافريقي من طلع من البيضه امه توكله لييييييين بدا ياكل الهولندي من فقس من البيضه الانسان ياكله شوف مناعته هاذا وشوف مناعته هاذا فرق عشان كذا انصحك تاخذ بعمر 3 او 4 شهور وبنهايه كلها بتكون اليفه مرره

[طلع لي قرون]

طيب بعمر شهرين ..؟

والاكل والتدفئه ما راح اقصر عليه ابد ..

واذا تخبر لي بعمر شهرين .. لا تقصر فديت هاللحيه ..

والله الود ودي لو عمره اسبوع ..

بس قلت 45 يوم .. افضل .. لانه ببداية النمو والحركه ..

لكن على يدك واحد بعمر شهرين .. وابيه جامبو .. << بدت الطلبات


وان شاء الله تشوفه يتابع ويشجع معي البرشا .. واسميه الفيس ..

[ٌابوعمر]

نادر ماتحصل بعمر شهرين وحتى لو حصلت ترا ماتدري هو جامبو ولا كلاسك ههههههههه لو عندي ماقصرت معك قبل فتره شايف كم فرخ بسوق بعمر شهرين هههههههههه بس طارت انباعو كلهم

[طلع لي قرون]

الله يبارك لراعيهم ..

وانت ما تقصر .. كفو ..


واذا اشتريت .. ما استغني عن توجيهكم لي وتعليماتكم المهمه عشان يكون ممتاز باذن الله

[ٌابوعمر]

كم ميزانيتك ؟ عشان اقولك تقدر تشتري او لا ؟

[طلع لي قرون]

1500

وتوصل لل 2000 لو الطير يستاهل

[ٌابوعمر]

تجيب لك طير حلو الي انباعو قبل كم اسبوع الواحد ب1700 ريال وعليهم شويت طفرات بعد