انسداد احد فتحات الانف للببغاء الافريقي

[زمـــــان]

السلام عليكم
يا اخوان لاحظت اليوم انسداد احد فتحات الانف بمخاط لون اصفر تقريبا،، و شكلة يابس يعني مو سائل او فيه لزوجة، احتمال ناشف.
ممكن احد يقولي عن السبب؟ و شنو علاجة؟ انظفة بنفسي ولا اودية البيطري؟
للعلم الطير عمرة 3 شهور تقريبا، و مراعي الجو الدافئ، و حركتة طبيعية مثل عادتة و ما لاحظت عليه خمول

الرجاء الافادة

[راينو]

اخوي انت تغر الطير ؟
اذا كنت تغره فيمكن هذا بقايا طعام
حاول تشيلها لاتها راح تسد انفه ولا راح يقدر يتنفس
هذا اذا كان حركته طبيعية و يلعب و يتحرك ما عنده مشاكل
اما اذا كان عنده خمول
فهذا شي ثاني
يمكن مريض او شي
لكن ان شاء الله يفيدونك الاخوان

[زمـــــان]

اشكرك اخي راينو على ردك السريع، انا مو دائما اغر الطير،، يعني خلا نقول مرة الى مرتين بالاسبوع فقط لتنوع الطعام،
و اشلون انظف الفتحة من غير لا ااذي الطير؟ في طريقة معينة؟ خاصة انه الافرازات داخل و غير بارزة للخارج؟
و لاحظت عليه انه ينفخ يطلع الهوا من الانف لما ياكل كانه يعاطس، والصراحة ما اعرف اميز اذا كانت عطسة ولا فقط اخراج الهواء من الانف

[ProOoF]

إذا ماكانت بقايا الأكل مثل ماتفضل راينو


يعني طيرك كان فيه إلتهاب وحاليا خف , إذا أستطعت انك توصل لها عن طريق منديل مبلول والمسح كان بها واذا ماقدرت فقط بللها بتخف وبعمليه التنفس بتنزل

لكن هل تنفس الطير فيه صوت ولا بدون

عادة ماتكون الطيور الصغيره بالعمر سهله لنقل لتقبل الأمراض أنتبه لحركته والذيل وإفرازاته

ولي عوده بأذن الله

00000000

بالشفاء يارب ,

[غسان الاشقر]

المشاركة الأصلية كتبت بواسطة راينو

اخوي انت تغر الطير ؟
اذا كنت تغره فيمكن هذا بقايا طعام
حاول تشيلها لاتها راح تسد انفه ولا راح يقدر يتنفس
هذا اذا كان حركته طبيعية و يلعب و يتحرك ما عنده مشاكل
اما اذا كان عنده خمول
فهذا شي ثاني
يمكن مريض او شي
لكن ان شاء الله يفيدونك الاخوان

Excellent

[naasooh]

إذا نفس وصفك
و
ماا أنت عاارف الطريقه
أفضل لك وللطير
وده لواحد خبره بالطيور
او
البيطري

موفق
وحطبالك عليه لأن هالعمر اطير مناعته ماااهي عاليه ((تحرص))

[زمـــــان]

حركتة لي امس كانت اوكي و من ادش عليه يحاول يطلع..
بس اليوم الصبح دشيت عليه شفته واقف تحت بالقفص.. و عادة كان ياكل حبات ذرة بشراهه بس الحين ياكل خمس حبات تقريبا و يقطهم.. بس لما اعطيه نخي (حمص حب) ياكل..

تنصحوني اوديه البيطري يفحصة احسن؟

[غسان الاشقر]

المشاركة الأصلية كتبت بواسطة زمـــــان

حركتة لي امس كانت اوكي و من ادش عليه يحاول يطلع..
بس اليوم الصبح دشيت عليه شفته واقف تحت بالقفص.. و عادة كان ياكل حبات ذرة بشراهه بس الحين ياكل خمس حبات تقريبا و يقطهم.. بس لما اعطيه نخي (حمص حب) ياكل..

تنصحوني اوديه البيطري يفحصة احسن؟

الان وبدون تاخير

[زمـــــان]

يا اخوان لحقوني حالته قاعدة تسوء،، وديته للبيطري عطوني فيتامينات وعلاج آخر والبيطري وصفلي اني اخلطة مع الماي وكل ساعتين اعطيه،، و من الصبح لي الحين اكل ١٠ حبات حمص فقط!!
انطر يومين على العلاج و اشوف النتيجة؟ ولا تنصحوني بعلاج آخر؟
و اللي لاحظتة حتى الصوت طالع من البطن مو من الفم، و هم لاحظت يعاطس ٣ - ٤ مرات ورا بعض،، و يطلع صوت مثل الشخير؟
اللي يعرف بيطري زين بالكويت يا اخوان لا تبخلون علينا

و الف شكر لكم جميعا على مروركم

[زمـــــان]

او اذا عندة خبرة طيور مستعد امرعليهيعاينالطير و ينصحني