ماكس العنيد :( .

[MooDii]

السلام عليكم ورحمه الله وبركاته .
اخواني والله عندي مشكله جدا محزنتني وبديت اكره القطط !
عندي قطي ماكس جبته من شهر تقريبا ويشهد علي الله اني مو مقصره بحقه , جميع انواع الاكل معلبات وتونه وسمك ودجاج ولحم مايمر اسبوع الا وانا معطيته كل هذا واللعب تقريبا كل الوقت العب معاه وامسح عليه اذا بينام الين ينام واذا قام يلقاني عنده وجايبه الاكل وكل شي يحتاجه .

المشكله انه الى الان ماتعود علي بالرغم اني ماقد سويت شي يأذيه ولا عليت صوتي عليه وولا شي , تخيلو اذا كان شبعان وقربت منه يروح تحت الكنبه او الفرن واذا قربت منه يعضني واذا شافني رحت يطلع , اسمه ماكس ومن اول ماجا وانا اناديه بهالاسم لكن للحين اذا قلت ماكس مايلتفت علي حتى .

والله اللي بيلقالي حل بدعيله .

[فاتـــو]

هذي طباع تختلف من قط لآخر والاكل ماله علاقه بالموضوع

القط واضح انه يحافظ على خصوصتيه مايحب يشاركك وقت اكثر من الزائد " غير اجتماعي "

واعتقد شي يضايقه انك تحاول تمسكه وتملس عليه زياده عن اللزوم

حاول تتفهم هذا الموضوع وتتأكد ان هذي مو مشكله علشان نلاقيلها حل

انا عندي نفس الشي قطة اذا شلتها تزعل واذا ملست عليها تعض يدي

مع انها مولوده عندي واعاملها افضل من الجميع لكن هذا طبع ومانقدر نغيره ..

في قطط اذا صرت بس تعطيها اكل وتتركها براحتها تحس بالحنين ناحيتك وتقرب منك

جرب تبعد عنه شوي ..

[MooDii]

يعني مافي امل ابدا انه يصير طبيعي معي ولا يسوي حركاته اللي تقهرني؟

[فاتـــو]

جرب اسحب عليها كم يوم وشوف النتيجة .. بس لاتنسى الاكل

[MooDii]

اذا كنت قاعده عالكمبيوتر وماعطيها وجه تجي عالكيبورد ماتخليني بحالي بس اذا مسكتها تعضني وماتجيني الا اذا جاعت تقهرني .

وفيه شي ثاني بعد لاحظت انها تحك رقبتها واذانيها بشكل كثير تقريبا لكن شفت الاماكن اللي تحكها مافيها اشياء غريبه واذنها مافيها نقط سودا وولا شي + احيانا تفتح فمها بدون سبب .

[فاتـــو]

تأكد ان مافيها : براغيث - فطريات

المنطقه محمره ولا بيضة ؟

هل تفتح فمها مع نفس سريع ؟

[MooDii]

ورا اذنها مافيه شعر بس فيه منطقه حمرا والبراغيث مدري كيف اعرف فيه ولالا؟
تفتح فمها بدون نفس بس كذا تطالعني وفمها مفتوح .

[الماسيــــــــــه]

اذا منطقه محمره يعني فطريات

[تهاني22]

يا قلبي عليك حاولي تتوددين له اكثر او غيري الاسم يمكن موعاجبه