شريت كاسكو يوم الخميس الماضي .. تعالو انصحوني وعلموني

[بصمات الزمن]

دي صورة الكاسكو حقتي

وحسب ما قرأت يظهر من عيونها انها انثى

والعمر غالبا انه ما بين سنه وسنه وخمسة اشهر من لون العيون
\
دي صوره للون العيون



طابقتها مع صوره بالنت للون عيون الكاسكو بعمر سنه وشهرين ودي هيا





السؤال هنا

هل هو بالفعل انثى وهل العمر اللي فرضته انا صحيح وكيف ابداء بترويضه

والسؤال اللي شاغل بالي جدا هو


ريش هالكاسكو مش حلو وشكله مغبر وريش الذيل شكله ممقصف ومو مرتب

هل هذا من ضيق القفص ام من عدم النظافه بالمحل مثلا

هل اروشه واغسل ريشه بشامبو او معقم فقط ام استخدم تقنية الرش معه



ام ان طائري مريض ؟


علما باني قريت كتير بالمنتدى واريد ان اتعلم اكثر عن هذا الطائر الرائع

ولكن ايضا اطمع في مشورتكم وتعليماتكم يامن لهم الخبره بها المجال


انتظر نصائحكم ^^ بشغف .

[يوفاوي الكويت]

في البدايه مبروك الطير

لون مميز وجميل والعمر مناسب تقريبا سنه او اكثر شوي

الخطوات الاولي للترويض وهي

1- اكرام الضيف واجب يعني اتركيه كم يوم عندج بالغرفه علي شان يتعرف عليج
وانتي الي تحطين له الاكل والشرب ويكون علي طاوله تقريبا متر

2- افتحي له باب القفص وخلي الطير براحته يطلع ويدش بكيفه

3- اهتمي بالاكل والشرب كل يوم

4- بعد اسبوع تقريبا حاولي تتقربين للطير وتعطينه الاكل بيدج قطه تفاح او حبه سبال (( الفول بس يكون بقشره ) ويفضل انج تكونين شايله عنه الاكل من الصباح للظهر علي شان ياكل من ايدج واذا اكل من اليد

يكون انكسر حاجز الخوف بينكم

5 - اهتمي بالمسح علي راس الطير اكثر من انه يطلع علي اليد

6- اذا شفتي الطير واقف فوق القفص حاولي تشيلين قطاء القفص له طريقه ينفتح فيها
وتاخذي الطير لغرفه مسكره للتدريب حطي الطير بالارض وحطيه بزاويه الغرفه وحاولي تمسحين علي راس الطير اذا قدرتي استمري بالمسح اكثر وقت ممكن حتي لو تقعدين ساعه كامله بالمسح
وانتي تمسحين علي راسه قولي له الامر راس راس علي شان يعرف ان كلمه راسه للمسح
وبعد ما تخلصين من المسح عطيه مكافاء من الي اول مره اكلها من ايدج واستمري بالمسح يوميا ولا تنسين الامر راس راس

7 بالنسبه للعض انا احط مربي التوت علي اصبعي واعطيه الاصبح واخليه يعض وياكل المربي واذا عض بقوه
قولي له عيب او لا علي شان يعرف الامر هذا

اهم شي الصبررر والاصرار وعدم الخوف في التعامل

وبالتوفيق يارب

[بصمات الزمن]

الله يبارك لك بعمرك خيو

جاري التطبيق وراح اتواصل معك في كل شي بيصعب علي

كل الود ^^

[يوفاوي الكويت]

اذا كان ريش الطير كامل يقدر يطير

انا انصحك اقرب بيطيري ويقص الريش

لا تفكرين انج تقصين الريش

لان الطير راح يكرهج

طريقه القص

اتركي اول 3 او 4 ريشات الاولي وقصي الريش بس لا يوصل الي مكان الدم

[العاصمي2]

هل داخل فى الطير لون رمادى او بيج

[بصمات الزمن]

المشاركة الأصلية كتبت بواسطة يوفاوي الكويت

اذا كان ريش الطير كامل يقدر يطير

انا انصحك اقرب بيطيري ويقص الريش

لا تفكرين انج تقصين الريش

لان الطير راح يكرهج

طريقه القص

اتركي اول 3 او 4 ريشات الاولي وقصي الريش بس لا يوصل الي مكان الدم

تم استاذ >>>لكن سؤال

يعني لو قصيت هالريش يبطل الطير انه يطير عن القفص ؟

[بصمات الزمن]

المشاركة الأصلية كتبت بواسطة العاصمي2

هل داخل فى الطير لون رمادى او بيج

الطير لونه يتدرج من الابيض والرمادي في الراس ويتداخل مع البيج في الظهر وصولا الى اللون البني في اطراف الجناحان >>> ليش السؤال ؟

[سماوي الجبه]

طيرك كبير بلعمر تقريبا فوق 5سنوات،، ووهذا اللون سوف يتغير بعد كم شهر، والنظافه حط له اناء كبير علشان بنفسه يستحم،، وطيرك سليم جدا، وبخصوص ذكر او انثى ماله شغل هذا في التدريب والتعليم، ،وحفظكم الله،،

[بصمات الزمن]

المشاركة الأصلية كتبت بواسطة سماوي الجبه

طيرك كبير بلعمر تقريبا فوق 5سنوات،، ووهذا اللون سوف يتغير بعد كم شهر، والنظافه حط له اناء كبير علشان بنفسه يستحم،، وطيرك سليم جدا، وبخصوص ذكر او انثى ماله شغل هذا في التدريب والتعليم، ،وحفظكم الله،،

شكرا خيو بس بجد كلامك محبط اذا الطير عمره قريب من الــ5 سنوات اجل بيكون ترويضه صعب جدا

[طير جديد]

اهلا وسهلا

مبروك الطير ربي يوفك فيه ويحفظه من كل شر

طير طفره وحلو لونه والحجم ممتاز


لكن طيركــ اكبر من السنة ونص قد يصل الى السنتين

بالنسبة لعين طيرك فيها صفار وهذا الصفار يبين في الطيور من عمر السنتين وزود

لكن مو مشكلة




ربي يوفقك فيه واذا الطير مايجعر انشااء الله الترويض يكون اسهل بمراحل