الطير جنني بمرضه :((

[أم حبوب]

السلام عليكم

ادري ازعجتكم بكثرة الاسئلة

لكن والله لي اكثر من شهر تقريبا اعالجه من الامراض ويرجع له نفس المرض اسهال الله يكرمكم وزكمة مع انو حاطته بمكان دااافي ونظييف وقفصه واكله وشربه نظيف ...

الحين رجعت وعطيته علاج الاسهال ووقف
باقي الزكمة استخدمت التايلات وماجاب نتيجة معاه وواحد من انفه ينزل منه سائل مائي وعيونه غمضت

وش اسوي معاه ...

ابي علاج ثاني للزكمة مجرب غير التايلان
وابي مرهم للالتهاب للعين ... الدكتور اعطاني مرهم ولاا فاد معاه
حالته حالة هالطير ... تعب وتعبني معاه .
وبعدين بالنسبة للفيتامينات هاذي احس انها اساس البلا والله اعلم .. هل عادي ما اعطيه فيتامينا ت بعد المضاد ؟
ولاا ضرووري

[النسر عمر محمد]

وعليكم السلام ورحمة الله وبركاته بالنسبة للعين ضعي قطعة صغيرة على العين المصابة والمرات يعني على حسب حالتة يعني ممكن تعطيه المرهم مرة صباحاً ومرة عصراً ومرة مساءاً وممكن توقفي الفيتامينات أثناء العلاج والسلام عليكم ورحمة الله وبركاته

[أم حبوب]

الف شكر لك اخوي وراح اطبق نصايحك واشوف ان شاءالله يتعافى

[مجنون فلته]

السلام عليكم
استخدمي دواء polyvit-5 in 1

هذا يستخدم للأسهال وحالات التنفس

وياريت تعقمين الأقفاص

واهم شي ان وقت تبديل الماء تفركين المشربيه عن اللزوجه

لأن هذي تجمع فيها لزوجه لازم فركها لأنها تسبب امراض الى الطائر

ولكن قبل ان تستعملي هذا العلاج هل واضبتي على العلاج السابق للفترة المحدده

وبخصوص الفيتامينات وقفيه يسبب الأسهال استخدمي العلاج فقط

بالتوفيق

[أم حبوب]

اخوي واضبت على العلاج ولاا فاده
وراح اشتري له المضاد هذا ان شاءالله يفيده
وبالنسبة للنظافة كل شي عنده نظيف وعلب الموية والاكل انظفهم واطهرهم زين قبل اعبيهم
والفيتامينات ماراح اعطيه اياه بعد استخدام المضاد وبكتفي بالفيتامينات الطبيعية لاني اشك انها هي السبب في رجوع مرضه ..

والله يعطيك العافية ويجزاك خير على الافادة

[شيخة البنات]

مرحبا عزيزتي حاسه فيك والله :-(
شوفي برسل لك صورة علاج الحمدلله نفع مع طيري للزكام طبعاً
راح ارسل لك صورته ..بس تأكدي من مختص افضل قبل تستخدمينه..

[مجنون فلته]

اهلا اختي ياريت تنزلي صورة الى عين الطير هل تدمع عيون الطير

او ترمي اوساخ فقط؟؟

[-Fahad]

ياساتر. الله يشفيه.

[عابر سبيل 2]

أختي أنصحج بهذا الدواء polyvit 5in1 وسعره عندنا فالبحرين 6 دينار اي 60 ريال سعودي الدواء مضاد حيوي لكل الامراض وقد انقذ طيري بعد ان يأست من شفاءه ، الله يشفي طيركم .

[أم حبوب]

ربي يعطيكم ا العافية ما قصرتو والله ..
انا رحت البيطري وقلت له يعطيني علاج البلوفيت قالي فيه علاج ثاني اسمه تايلوزين جربيه معاه ون شاءالله يفيده وهالعلاج ذكرته لي بعد اختي شيخة ما قصرت ربي يجزاها الخير

وااعطيته اياه وابشركم الحمدلله بدا يتحسن بس باقي عينه وحدة شوي مقفلة ومافيها اي ورم او احمرار او دمع
والحين شريت له مرهم اسمه fucithalmic وصرت احط له مرتين باليوم ..

ادعوا له يارب ما يرجع له المرض من بعد هالعلاج مسكين ريحته كله مضاد وفيتامينات