السلام عليكم
وعليكم السلام
كيف الحال .. ان شاء الله بخير
الحمدلله انتي كيفك
امممم انا دخلت اتصفح بمنتداكم وبصراحة عجبني وسجلت فيه
وهذا اول موضوع لي
حياااك الله معانا نورتي
وانا عارفة انكم بتفيدوني
بقول لكم معلومات عنها
الأسم : لووسي
العمر : شهرين وقريت تدخل الثلاث
الجنس : انثى
النوع : شفت كم صورة بالمنتدى واعتقد انها شيرازية مهجنة امريكية
نوع أكلها : وجبة وحدة باليوم وهي لحم بالمرق " ويسكاس " وباقي اليوم أكل جاف بسكوت ويسكاس .. والحمدلله أكلها طبيعي
مو زين بس تاكلينا علب اكليها من البيت احسن لها واصح اكليها دجاج خضار رز مكرونه سيريلاك جبن كيري مثلث سايل اللي تبين نوعي لها والعلب مره بالاسبوع كفايه
احسن خضار البطاطا والجزر(يخليهم دبدوبين) اخلطيهم مع الدجاج وعوديها صغيره احسن ماتكبر وتجننك وبعد بازلاء وفاصوليا وذره
حالتها : اممم نشطة
وهذي صورتها ..
ماشاءالله كيووت
يله بعرض لكم مشاكلي مع قطووتي
اول ماجبتها لبيتنا بعد كم يوم شريت لها هالبيت
ووحطيت لها الأكل داخله
وفرشت لها بطانية عشان تنام عليها
مايبون البطانيه حر عليهم تلاقينهم يدورون البلاط ينامون عليه
بس ماكانت تدخل فيه بس نقربه يمها تنحاااش
خايفه منه جديد عليها
بعدين طلعت البطانية وصارت تدخل تآكل وتطلع
والحين انا ابيها تنام داخله مو معقوولة اني شاريته بـ 200
عشان تدخل تآكل فيه ووبس ؟؟
وابيكم تعلموني شلون اعلمها تنام داخله
اذا نامت شيليها وخليها جواته ولاتقدرين تغصبينها على شي خليها على راحتها
.. المشكلة الثانية ..
ابي اغير وقت نوومها
انتوا عارفين ان الحين رمضان واجازة واكيد النوم مقلووب
يعني قطوتي تنام بعد الفطور وتقعد بعد صلاة الفجر
وانا انام 7 الصبح واقعد اربع العصر
ماقعد معاها وقت طويل
ابي اعرف شلون اغير نومها
اجلسي لعبيها لاتنام لحد مايجي وقت نومك ودخليها تنام
.. المشكلة الثالثة ..
انا شارية لها حبل اعلقها برقبتها عشان اجرها اذا بنروح كورنيش او مكان
وولما احط لها الحبل وامشي ماترضى تمشي معاي تووقف اجرها ماترضى تنجر تووقف
ولما اتركها واخلي الخيط معلق برقبتها عادي تمشي بس يضايقها شوي بالمشي
نفس الحاله وصرت مااستعمله لان القطاوه مو زي الكلب القطوه ماتحب تتقيد جربي معها نظام المكافئه اعطيها شي تحبه بيدك وخليها تمشي وانتي ماسكتها
.. المشكلة الرابعة ..
اللتر بووكس حقها
الحمدلله مافي مشاكل بس شي مضايقني
لما تروح تقضي حاجتها تحفرر برجلها وينكب الرمل بالأرض
ولما تخلص وتغطي وصخها بعد توسخ الأرض
ومو معقولة اني كل مرة اقعد انظف وراها واحنا ماعندنا شغالة
ولو صار المكان وسخ امي بتعصب
مدري هالشي طبيعي او لا
عادي كلهم كذا جيبي لك سجاده صغيره اللي تجي خفيفه وافرشيها تحتها لو وسخت عالسجاده مو عالارض لحد ماتكبر
.. المشكلة الخامسة ..
ابيها تنام معاي بالغرقة بس اختي تخاف منها
يعني ابي انيمها معاي ع السرير بس تحت رجللي
شلون اعودها انها تنام معاي بالسرير
اذا جيتي تنامين امسكيها وخليها معاك عالسرير وهي تتعود
.. المشكلة السادسة ..
لما امي تروح للمطبخ عشان تطبخ لنا " لوسي " تلحقها للمطبخ وتقول ميو ميو
لما اطلعها ترررجع أعطيها اكل وتآكل بس ترجع تقول ميو << ترا ماعرف اسم صوتهم
وومابيها تتعلم تلحق امي للمطبخ لأن امي ماتعرف تطبخ ولوسي يمها
قولي لها لا بصوت عالي شوي وبعدين لسه صغيره عادي بتستكشف المكان
خلي الوالده تسكر باب المطبخ
.. المشكلة السابعة ..
لما اسبحها وابي استشور شعرها عشان تنشف تنحاااااش بسرعة وتحاول تطلع من الغرفة مدري ليه !! .. طبيعي ؟؟
بعذرها تخاف من صوت الاستشوار
ووو عندي كم سؤال
1- لما تنام لازم اشغل لها المكيف ولا عادي ؟؟
الافضل بس مايكون بارد مره
2- لما اروح اطعمها بكم ؟؟ انا بصراحة طعمتها بـ 50 ريال واحس غالي
50 مو غالي انا مطعمتها ب 110 والثانيه ب90
3- مقص الأظافر بكم يشتروونه ؟؟
على ماظن ب 20
وسامحووني اني طولت عليكم بس اول مرة اجيب لي قطوة للبيت
ومشكوريييين