شي غريب باذان قطي

[سلمى الدوسري]

مرحبا ياحلوين
الحين انا من اكثر الموسوسين بنظافة القطو حقي اسمه بيانكو طبعا هع
انا تقريبا كل يومين امشطه وانظف اذانه
لاحظت باذانه اليسار فيه زي الوصخ الاحمر
قمت انظفه بالمنديل واعواد الاذان الخاصه بالقطط واستغربت ان في منها كثير
بصراحه انا تفاجئت شلون صار باذانه كذا رغم اني ماشوفه يحكها يعني
المهم صرت يوميا انظف هالاذن هاذي بالذات وبكل مره انظف الافي هالاحمر امم تقدرون تقولون احمر غامق كذا عنابي او بني<<لاعاد توصفين لون هههه

وش رايكم اوديه للدكتور حقه يفحصه ولا ممكن اعالج هالشي بالبيت
انا حاليا ماشيه على نظام التنظيف يوميا

[دلوعةقطوتي]

انا الاذن عادة اوديها للدكتور
بس شوفي موضوع انو وان شاءالله تستفيدين
http://www.2zoo.com/vb/showthread.php?t=95609

[HaiDy]

وش لونه الي شفتيه احمر ولا عنابي ولا بني ارسي لك على بر ههه


اغلب الظن انه فيها عث واقري عنه بالرابط الي ارسلته دلوعة


وهذا رابط لموضوعي انا طلعلي باذان بستي نفس الي تقولين وسألت عنه ونصحتني آنـو بعض النصايح

طبقتها ومازلت ماشيه بالتنظيف اليومي وخطوة دهن الفازلين اخر شي مهمه حيل جربيها

هذا الرابط http://www.2zoo.com/vb/showthread.php?t=167423

[سلمى الدوسري]

هههههههههههه الله يرجك
مره شكرا ماتئصروووش
بس الحين انا ابي افهم شي
هل انظف اذنه بزيت زيتون بعدين امسحها بشوي فازلين؟
ولا اكتفي بنوع واحد بالتنظيف والمسح
لانكم كاتبين بيبي اويل وزيت زيتون وفازلين
مدري وش اختار
ولا كل يوم اجرب واحد هههههههههههههه
بعدين ياخي شلون عث
قطوي دايم بالبيت غريبه
المهم ماعلينا هاا وش قلتكم وش احط

[الخبيرة ناديا]

والله يااختي اعتقد انه من تنظيفك لاذن قطك بطريقه غير صحيحه او عميقه شويه اصبتيه بجروح

خفيفه وهي اللي تطلع معاك ناشفه وقت ماتنظفين اذنه ..اللي لونه احمر هو دم ناشف نزل من اذنها ..

والشمع عاده الطبيعي يكون لونه اصفر غامق جدا وهو عادي ومو مرض..

اما لو كان لون الشمع اسود غامق او بني غامق فهو عث في القطه..ولازم علاج بمرهم خاص حتى يشفى

الاذن تماما مع عمليه التنظيف.

لاكن حاله قطتك اعتقد من كثر التنظيف تجرحت اذنه..

سؤالي لك : كم مره تنظفين اذن قطتك في الاسبوع؟؟؟

الطبيعي مره في الاسبوع تشيكين على الاذن لو هي نظيفه خلاص مايحتاج ..ولو هي فيها سواد لازم تتنظف

لاكن زياده التنظيف تؤذي اذن القط وممكن تسببين لها صمم وانتي ماتدرين ..

[طلال سعود]

انا قطوي فيه شمع بني غامق

ووديته الطبيب عطاني قطره مره وحده كل 3 ايام

وخلص الكورس والمفروض اراجع الطبيب بس ماراجعت

بس الي الان الاحظ الشمع موجود فهل هو مضر؟؟

[الخبيرة ناديا]

لا ياطلال الشمع مو مضر ابدا على القطه الا اذا كان كثيير ولونه اسود غامق او

تلاقي القطه متضايقه منه بحيث تهرش منطقه حوالين الاذن ..هنا لازم تنظيف مع علاج للاذن.

[طلال سعود]

طيب شنو الضرر من الشمع الاسود والعثه؟؟

لان الدكتور قال فيه عثه

[ابوخاالد]

هذي حشرات او مثل ماتقولون عثه مدري وش اسمها

هذي لازم تنظيفها لانها يمكن تنتشر بجسم البس

لها منظف خاص عند البيطريين والافضل يشرحلكم البيطري طريقة التنظيف كيف

فيه كريم او مرهم وله انبوب دقيق يدخل الاذن ويبيلها قلب جامد مايبيلها واحد خواف ينط بمجرد البس قال ميااااااو

يعصر باذن الطير ويفركها وبعد فتره تشوفون اذن البس تلق

[سلمى الدوسري]

امممم ماتوقع اني جرحت بيانكو لاني حيل رقيقه معه<<شوي شوي بس هههه
لا شوفو الحين انا بديت يوميا انظفها بزيت زيتون وادهن الاذن شوي منه
وصرت الاحظ لما اشيك عالاذن مالاقي هالبني المحمر هذا واجد وتقريبا في منه شوي جداا داخل
انا بستمر بالتنظيف هذا ولا جا الاربعا بروح الدكتور احتياط
وعاد بقولكم وش الدكتور بيقولي
بس مرره شكرا لانكم تحمستم معي
بديت احس انه عث<<يمه الكلمه تخوف
لاني شفت بيانكو اليوم يحك اذنه اممم يعني يوم قعدت احسب كم مره يحك لقيتها مرتين الي ٣ مرات
الحين تتوقعون الدكتور يهزئني لو درا ان في بيانكو عث
اخاف يتهمني بالاهمال<< :s