اشترك في نشرتنا البريدية ليصلك كل جديد

K-O-H · 10-04-2009, 01:59 PM

السلام عليكم ورحمة الله وبركاته

هذي صور الطوق بعد ماركبته على الدرة المروضة اللي عمرها 6سنوات ونصف وصار لها 3سنين من بدأت التنتيف في الريش

الطوق عبارة عن ورقة أشعة(من المستشفى)تحتاج لورقة وحده

وتقص دائرة باستخدام الفرجار لتحديد القطر حسب مقاص الطير والمقص للقص طبعاً

وبعد ماتقص تفتح فتحة وسط الطوق أكبر بشوي من مقاس رقبة الطير...

وبعدها تقص الدائرة بخط يمر من الحد الى الفتحة حق الرقبة

بعد كذا تجيب لاصق كهربا(تيب أسود) وتحطه على حدود مكان اللي يتلامس مع رقبة الطير وهي فتحة الرقبة عشان لايكون حاد ويجرح

بعدين أحد يساعدك يمسك الطير بكفة اليد وانت تفتح الطوق واتدخل راسه للفتحه وتسكر الخط بلاصق أسود حق كهربا بعد وتحط كمية تحت وفوق أفقي وعمودي عشان مايقدر يفتحه

وبعدين شوف سلوك الطير يقدر ياكل بنفسه والا يحتاج مساعده...اذا يحتاج يا انك تساعده أو تقصّر طول القطر حق الدائرة شوي

وهاذي الصور بعد التركيب:

وللمعلومية الطوق هذا قطره زايد 1-2سم لكن الطير متمكن الحمدلله بشرب الماء والاعتماد على نفسه

أول ماركبته قام يتدمر ويصارخ ومقهور مرة لمدة ساعتين تقريباً وبعدها تعود

ولاحظت اني أمس يوم طلعته من القفص وطار شوية بس على ارتفاع 30سم انجرح الجناحين ولهذا يجب عدم اخراج الطير أو ترغيبه بخفق الجناحين

شكراً للقراءة وآسف عالمطولة

قطة الأحلام · 10-04-2009, 02:19 PM

جزاك الله خير موضوع رائع....

مياو

شايل همه بروحه · 10-04-2009, 04:44 PM

مشكووور

بس هذا طيرك ينتف جيشه؟؟

kane_h · 10-04-2009, 04:47 PM

لله يخليه لك

طرحك رائع

عاشق الاهلي+الدره · 10-04-2009, 04:56 PM

يسلمو يالغالي

ابدعت في شرح

سكر · 10-04-2009, 05:38 PM

ما شاء الله

فكرة رائعه ومبدعه,,,

أشكرك على مشاركتنا هذي الفكرة الرائعة.

وفعلاً استفدت منها, في حال واجهتني هذي المشكلة.

أخوي K-O-H ما قصرت وبيض الله وجهك

وان شاء الله تفك أزمة للكثير من الأعضاء.

تحياتي لك

K-O-H · 10-04-2009, 06:27 PM

اقتباس:

المشاركة الأصلية كتبت بواسطة قطة الأحلام

جزاك الله خير موضوع رائع....

مياو

شكراً عالمرور

اقتباس:

مشكووور

بس هذا طيرك ينتف جيشه؟؟

العفو اي نعم ينتف...ريشه...حسب ماظن وان شاء الله انها حالة نفسية مو مرض الاهتراء الفيروسي

اقتباس:

يسلمو يالغالي

ابدعت في شرح

الله يسلمك حبيبي...لازم مثل ماأستفيد أفيد

اقتباس:

ما شاء الله

فكرة رائعه ومبدعه,,,

أشكرك على مشاركتنا هذي الفكرة الرائعة.

وفعلاً استفدت منها, في حال واجهتني هذي المشكلة.

أخوي K-O-H ما قصرت وبيض الله وجهك

وان شاء الله تفك أزمة للكثير من الأعضاء.

تحياتي لك

أخوي (سكر) شكر خاص لك على مرورك العطر وان شاء الله ماتحتاج له

رامبو خان · 10-04-2009, 07:42 PM

والله الصراحه الفكره مش بطاله
بس ماعجبتني لان نفس الفتحه اللي انت مدخل فيها رقبه الطير خطره واحس انها قد تسبب له مشاكل مستقبليا مثلا كجرحه او حتى خنقه واحس انها ثقيله على رقبته
فانا افضل الطوق اللي يجيك على كامل رقبه الطير افضل واامن
ولك مني كل التوفيق

مجنون عويشق · 10-04-2009, 07:46 PM

السلام عليكم

ماشاء الله شرح وافي ..ومتقن

الله لايهينك اخوي الغالي على هذا الشرح ..وان شاء الله يرجع طيرك مثل قبل وافضل

ولكن عندي ملاحظه ::

ياغالي انت قلت طيرك عمره ست سنوات ..حلو ...

يعني معناها من قبل اربع سنوات وهو بالغ وهو في سن زواج ...

قد يكون نتف الريش حاله نفسيه للحاجه الى رفيق اخر (( اقول قد ))

فجرب جب له انثى ...وخاصه ان اسعار الدره مش غاليه مثل الطيور الكبيره وسعرها في متناول اليد

بالتوفيق لك

تحيه طيبه

كاسكوكيه · 10-04-2009, 08:22 PM

اقتباس:

المشاركة الأصلية كتبت بواسطة مجنون عويشق

ولكن عندي ملاحظه ::

ياغالي انت قلت طيرك عمره ست سنوات ..حلو ...

يعني معناها من قبل اربع سنوات وهو بالغ وهو في سن زواج ...

قد يكون نتف الريش حاله نفسيه للحاجه الى رفيق اخر (( اقول قد ))

فجرب جب له انثى ...وخاصه ان اسعار الدره مش غاليه مثل الطيور الكبيره وسعرها في متناول اليد

تحيه طيبه

أولا .. تسلم اخوي K-O-H البارحه اشتقت لقصة طيرك وفتحت الرابط مال نتف الريش

موضوع جميل,, شامبيه عنده شوية مشاكل الحين

مجنون عويشق ^^ اصلن هاي قصة المواسم لطول السنه.. تحتاااااج ترجع للمواضيع و قصة هالطير و رفيقة دربه