قطتي تموت ارجوكم ساااااعدوني

[ملوووكي]

السلام عليكم

قطتي عمرها 7 شهور

من اليوم واهي ترجع اي شي تاكله او تشربه


انااااااااا خايف تموت ارجوكم ساعدوني ايش اسوي

ما اقدر اوديها الطبيب اليوم لانه اجازه


طلبتكم تساعدوني

[جلمود]

حاولي تشربنها حليب

[ملوووكي]

يعطيك العافية راح اجرب ويارب ينفع

[نورا]

أو أعطيها قشطة بالقوة

والله يعينك

[ملوووكي]

اي نوع من القشطه تقصدين اختي ؟؟

[kitten_Q8ia]

لأ لأ لا تشربها حليب و لا تعطيها قشطة !!!!!!!!!!!! الحليب يسبب لها اسهال و يتعبها اكثر و حتى القشطة... اهيا فيها فايروس اخذها للبيطري و اهوا بيعطيك بودرة تخلطها مع الماي و تعطيها هذا مغذي كل 3 ساعات اعتقد !! انتا لا تجرب تعطيها اي شي قبل لا توديها البيطري لانك ممكن تزيد حالتها !! و اذا ما قدرت توديها حطها بمكان هادئ و حط لها دفاية او هذي مطارة ماي حار و خلها دافية و وكلها اكل جاف و ان شاء الله تتحسن الله يشفيها ما تشوف شر
اختك : كتن كويتية

[ملوووكي]

يعني ما اعطيها اي شي اليوم؟

بس ماي؟؟

[آنـــــو]

كم مره أستفرغت ؟؟ أذا أكثر من مرتين أحبسها بغرفه وعطها ملعقة مويه أو زبادي قليل الدسم

أذا رجعت أستفرغته وقف الأكل عنها من ساعتين الى ثلاث ساعات حتى يهدا بطنها ..

وبعدها ترجع تعطيها ملعقة مويه أو زبادي وراقبها أذا بتستفرغه أو لا .. أذا ماأستفرغت تبدا تعطيها أكلها بكميات صغيرررره ثم زيد الكيمه بعد فتره

هذا لو تحسست من أكل أو شي

لكن لو ظلت تستفرغ كل ماتاكل شي أو تشرب أو تستفرغ مويه صفرا أو حمرا ووفيه أعراض ثانيه مثل خمول وقلة شهيه وعطاس
وأسهال وصعوبه بالتنفس وغيرره من أعراض

تاخذها للبيطري بسررعه ..

[ملوووكي]

اهي تستفرغ مادة صفراء فعلا

يعني الامر خطير ؟؟؟!!!

[sisi_moon]

دام تستفرغ اصفر يعني فيها شي بس ان شاءالله مو خطير .. اتوقع انها ماخذه برد ..

انت الحين أكلها زبادي قليل الدسم بالغصب.. بالأبرره .. عشان ماتهللك من قل الاكل ..

وبكرا وديها البيطري اول مايفتح .. عشان يشوف لك إيش فيها ..