زهقني هالكاسيكو .. شوفوا لي حل

[عـــمـــر]

السلام عليكم ورحمة الله وبركاته .. تحية طيبة للجميع وبعد :-

يالربع أنا عندي ببغاء كاسيكو الرمادي ... محجل .. عمره مابين الستة الى 8 شهور ... يعني عينه بدت تفتح بعد ما كانت سودا كامله ...

الببغاء ممتاز ولا عليه كلام ... أليف ... يجي على اليد .. ياكل من يدي أو يد غيري ... متوالف مع الجميع ... مايجعر أبداً ... حتى صحته ماشاء الله تبارك الله ممتازه

لكن فيه عيب واحد كبيييييييييييييييير .... وهو أنه مايتكلم

تعبت وانا أعلمه لكن مافيه فايده .. شاطر لي في التصفير وبس

شوفوا لي طريقة يتكلم فيها ... ولا ترى ببيعه باللي هو به ... مع أنه مشتراه علي غالي نوعاً ما ..


شاكر لكم تجاوبكم مسبقاً ..

[الشامخ0]

وعليكم السلام

طيب اخوي امكن الطير مايسمع اتاكد شوف يسمع ولا ورد علي اذى يسمع كرر الكلمات السهله والتكرر يعلم الشطار

كل يوم ابدى بالكلمات السهله مثل ماما ياواد

اعرف واحد من العيال اشترى الافريقي وليف ويطلع على اليد بس مايتكلم جلس خمسه سنوات ومانطق

بكلمه طلع الطير مايسمع

[افريكانو]

هلا اخوي عمر

كم له الطير عندك بعدين ما انصحك تبيعه اصبر عليه هو ما بدا و اذا بدا ما يسكت

انت حاول انك تكثر الكلام معا في وجه حاول انك تربط الكلام بالحركات زي اذا جيبت تروح و قوله باي مع تلويح اليد و اذا جيت قول مرحبا او سلام عليكم مع رفع اليد و هكذا و لا تصفره له الوقت هذا خل كل كلامك معه كلمات بسيطه تتكون من ثلاث او اربع حروف مثل الو-بابا - حتى يجيدها و بعدها غير

حط له مقطع من الجوال او المسجله تكرر عليه الكلام في فتره الصباح الباكر و المغرب
والصبر مفتاح الفرج

[بودلال]

السلام عليكم

اخوي عمر الاخوان ماقصرو وعليك بالكلمات السهله

وبعدين طيرك عمره يعتبر صغير على الكلام من بعد ال سنه اشره على الطير

وبالتوفيق اخوي

[كاسكـــو]

كم صار للطير عندك

المهم هو ان شاء الله راح يتكلم

بس ردد عليه كلمه ولاتغيرها وبصوووت عالي هذا اهم شي

ردد الكلام بصوت عالي كأنك تنادي أحد من بعيد واصبر

[سماوي الجبه]

يمكن طيرك اصمخ اتغشمر،، شوف اذا دخلت عليه الصباح حاول انك تشوفه ومن ثم تختبى عنه يعني انخش وكلمه من وراى باب او طوفه وكرر كلمه وبتشوف معا الايام راح يكرر الكلمه، وحاول تطلع وتنخش وانت تكرر الكلمه، وشكرا،

[عـــمـــر]

المشاركة الأصلية كتبت بواسطة الشامخ0

وعليكم السلام

طيب اخوي امكن الطير مايسمع اتاكد شوف يسمع ولا ورد علي اذى يسمع كرر الكلمات السهله والتكرر يعلم الشطار

كل يوم ابدى بالكلمات السهله مثل ماما ياواد

اعرف واحد من العيال اشترى الافريقي وليف ويطلع على اليد بس مايتكلم جلس خمسه سنوات ومانطق

بكلمه طلع الطير مايسمع

هلا بك والله .. الطير يسمع .. لأني لما أصفر له يرد التصفير ... ولما يجون عيال خواتي ويبدون يسولفون أو يلعبون وهو مايشوفهم يصير زي المجنون لأنه يبي يشوفهم ويلعب وياهم ... أنا متأكد إن شاء الله أن الطير سمعه مضبوط ... طيري وأعرفه


وأنا ما أقول له غير السلام عليكم ... ولا اسم أخوي اللي هو علي ... فقط السلام عليكم وعلي

[عـــمـــر]

المشاركة الأصلية كتبت بواسطة افريكانو

هلا اخوي عمر

كم له الطير عندك بعدين ما انصحك تبيعه اصبر عليه هو ما بدا و اذا بدا ما يسكت

انت حاول انك تكثر الكلام معا في وجه حاول انك تربط الكلام بالحركات زي اذا جيبت تروح و قوله باي مع تلويح اليد و اذا جيت قول مرحبا او سلام عليكم مع رفع اليد و هكذا و لا تصفره له الوقت هذا خل كل كلامك معه كلمات بسيطه تتكون من ثلاث او اربع حروف مثل الو-بابا - حتى يجيدها و بعدها غير

حط له مقطع من الجوال او المسجله تكرر عليه الكلام في فتره الصباح الباكر و المغرب
والصبر مفتاح الفرج

الطير له عندي 4 شهور تقريباً ... وأنا صبرت لين زهقت والله ... لكن دامك تنصحني بالصبر باصبر ... والله يعين

وجميع الخطط جربتها معه ... ولا فادت

خطة الجوال جربتها اليوم وبنشوف النتايج ... والله يكتب اللي فيه الخير

[عـــمـــر]

المشاركة الأصلية كتبت بواسطة بودلال

السلام عليكم

اخوي عمر الاخوان ماقصرو وعليك بالكلمات السهله

وبعدين طيرك عمره يعتبر صغير على الكلام من بعد ال سنه اشره على الطير

وبالتوفيق اخوي

وعليكم السلام ... والله أنتم جميعاً ماقصرتوا والله يعطيكم العافية ..

وبالنسبة لما بعد السنة .. اللي أعرفه أن غالب الببغاوات ينطقون قبل السنة ..

[عـــمـــر]

المشاركة الأصلية كتبت بواسطة كاسكـــو

كم صار للطير عندك

المهم هو ان شاء الله راح يتكلم

بس ردد عليه كلمه ولاتغيرها وبصوووت عالي هذا اهم شي

ردد الكلام بصوت عالي كأنك تنادي أحد من بعيد واصبر

صار له 4 شهور تقريباً .. تزيد ما تنقص

وانا ما أزيد على كلمتين ... وبصوت عالي والله

حتى أهل البيت قلت لهم لا تقولون غير هالكلمتين