اشترك في نشرتنا البريدية ليصلك كل جديد

عهد · 22-03-2009, 07:16 AM

السلام عليكم ...

كيف حالكم شباب ان شاء الله بخير ^^

انا من يومين خذيت ببغاء كاسكو و سميتة ميزو ههههههههه الاسم غريب شووي بس لايق علية و هاذي صور ميزو ...

المهم هو الحين لسه فرخ يعني تقدرون تقولون عمرة حوالي 4 او 5 اشهر و شكلة صغير من طريقة صوتة في كم شغلة و ان شاء الله ما راح تكون مشكلة

اولاً الببغاء ياكل واايد ما شاء الله يعني ما يصبر عن الاكل فخفت عليه انة يصير فيه شي فقمت احط له الاكل بكميات بسيطة يعني كل ما قدر يخلص كمية حطيتة له كمية بعد فترة يعني حوالي ساعتي او ثلاث بس سؤال هل كثرة الاكل هاذي مضرة له ان هذا شي طبيعي لانه لسة في طور النمو ..؟؟؟

ثانياً هو يفضل الاكل اللين مثل السريلاك انا حطيت له السريلاك في ابرة سرنجية بلاستيك و ما شاء الله يا كل منه و يحبة بشكل جنوني ...؟؟

ثالثاُ .. انا ساعات اطلعة من القفص عشان يستانس و ياخذ راحتة و يحرك جناحية ... و في الليل ارجعة داخل القفص ...؟؟؟ هل هذا جيد عشانة او اني لازم اخلية على طول برع القفص لان مرة سويتها ما وعيت هو الا يتمشي بالبيت و زين اني انا لحقت علية قبل ما ينحشر بحاجة ؟؟؟

ابو سفر · 22-03-2009, 07:25 AM

عليكم السلام ..

ماشاء الله تبارك الله طير جميل ..الله يباركلك فيه..

وبالنسبه للاكل لو كل 4 ساعات وجبه يكون افضل ...وتمام انك تطلعينه من القفص اصلا لازم تطلعينه ..

عشان يرفه عن نفسه ويتعود عليك اكثر ..ولاتنسى ابعده عن الهواء والمكيفات لانه فرخ ومايتحمل البروده ..

واتمنى لكم الحياه السعيده ,,

عهد · 22-03-2009, 07:29 AM

مشكوور اخووي ^^ يعطيك العافية على الرد

بس مثل ما قلت ان الطير ياكل وااااايد و بعد يحب السريلاك يعني مثل ما تقووول صاير اكووووول بشكل مو طبيعي
هل هذا شي جيد او لا ... ؟؟

الطير بعد دمة خفيف و ما يعض وايد بس ساعات خواف اذا حد قرب منة بس عادي يحب يلعب باصابع يدي

مجنون عويشق · 22-03-2009, 12:33 PM

السلام عليكم

أختي عهد

على البركه ميزو ...شريك حياتك >>لاتفهمين غلط خخخخخ

بالنسبه لكثرة الاكل فهذا شيء عادي ..لانه فرخ ويحتاج الى كميات كبيره للنمو وللريش ..

بالنسبه لاخراجه من القفص افضل له ولصحته يفضل يوميا مايقل عن ساعتين خارج القفص

بالتوفيق

عهد · 22-03-2009, 09:23 PM

مشكور على الرد يا اخ مجنون عويشق ^^

سماوي الجبه · 22-03-2009, 11:12 PM

ماشاء الله طير رووووعه، بس نصيحتى لاتقطع عنه الاكل حط له وخله بكيفه ياكل لانه في هذه الفتره محتاج للاكل لانه مفطوم، وبخصوص انك اتطلعه من القفص مانصحك كثير لانه محتاج الهدوووء في البيت وفي حياته بعد ماتحس ان صحته رجعت بعد 30 يوم تقدر تطلعه وتقدر تلاعبه بس بشرط انه ياكل بنفسه وتحس انه اعتمد على نفسه ، وشكرا،

هدير الأمواج · 23-03-2009, 08:07 AM

الله يخليكم ردو عليه ضروري خايفه على طيري تقريبا في نفس عمر طير عهد(خمسة أشهر) ولاكن يرفض الأكل بلإبره
فهل يستطيع أنا يأكل لوحده.. وما ذا أقدم له غير دوار الشمس هوه يحبو ويرفض أكل شي غيره..
وشكرا ,,,

سكر · 23-03-2009, 08:33 AM

ميزوووو

هذا اسم ببغائي الأمازوني اللي متشقلب في الصورة الرمزية <<<

وعلى بالي انه الوحيد بهذا الاسم هههههه

طبعا اسمه ميزوو لان دلع اسمي ميزوووو

بس ما شاء الله يستاهل كل خير

ببغائك جميل جداً الله يباركلك فيه

تحياتي

بودلال · 23-03-2009, 08:12 PM

السلام عليكم

الله يباركلك بالطير والصراحه جميل وصغير بالعمر

والله يعينك شوي راح تتعب معاه

بخصوص السيريلاك 2 ميلي شوف بالابره هذي وجبه لاتزيد اكثر

وعطه كل 4 ساعات وجبه وخل الحب موجود عنده طبعا الحب مو الكبير حب يكون صغير عشان يقدر ياكله

وبخصوص الاكل نوع حطله حمص ذره اطحنها وحطها بالابره

وبخصوص السؤال الثالث انا افضل تطلعه باليوم ساعه كافي عليه لاتدلعه زياده

ودير بالك من البرد والمكيف ترى يأثر عليه بنسبة 100% مايتحمل البرد

وعسى الله يباركلك مره ثانيه واي خدمه انا حاضر

بالتوفيق لك

بودلال · 23-03-2009, 08:16 PM

اقتباس:

المشاركة الأصلية كتبت بواسطة هدير الأمواج

الله يخليكم ردو عليه ضروري خايفه على طيري تقريبا في نفس عمر طير عهد(خمسة أشهر) ولاكن يرفض الأكل بلإبره
فهل يستطيع أنا يأكل لوحده.. وما ذا أقدم له غير دوار الشمس هوه يحبو ويرفض أكل شي غيره..
وشكرا ,,,

اخت هدير مرحبا

نفس ماذكر بردي على عهد عندك حمص ((نخي)) ذره اطحنيهم وحطيهم له مع شوي ماي عليهم

ولابد من الحب الشمسي وحاولي تنوعين بالاكل