اشترك في نشرتنا البريدية ليصلك كل جديد

vipaltear · 30-03-2009, 01:42 AM

بسم الله الرحمن الرحيم
السلام عليكم ورحمة الله وبركاته
الله يعطيكم العافيه احبتي

قبل ثلاة ايام تقريبا شرينا كاسيكو افريقي
صاحب المحل يقول انه جامبو بس شنو يعني جامبو؟
حسب ماقريت في المنتدى ان نوعية الجامبو هي افضل نوعيه والكل ينصح بها
هل هذا صحيح؟

بعد شراء الكاسيكو وضعناه في المطبخ ولما نقرب منه يجعر ولما نفتح له فوق القفص مايطلع خارج القفص
وقد لاحظت انه اذا بنام ينام على رجل وحده ولما اكون قاعد وين ما اروح يتلفت ورايي ومن واحد يقرب تحته اطالعه وذا تقرب اكثر منه يجعر

اتمنى انكم تطمنوني هل هو بصحه جيده ام انه يحتاج الى بيطري او بعض الادوية
سأضع لكم بعض الصور لطير واتمنى انكم تحددون لي عمر الطير وشنو جنسه ان امكن
وهل اهوا بصحه ممتازة ام لا
وان كان يحتاج الى ادويه من وين ناخذ له ادويه في البحرين
سبق وكان عندي كاسيكو ومرض ووديناه البيطري الي في البديع وعطوه مضاد وفيتامين بس بعدها بيومين مات اتمنى وكان عمره تقريبا 6 اشهر وعلى الاكثر 8 اشهر
اتمنى انكم تساعدوي من شان اظل هالكاسيكو معاي في اطول وقت ممكن
وللعلم انا مبتدئ في ترية الطيور وقد استفدت من المواضيع السابقه واتمنى اني استفيد اكثر فأكثر

ولكم الصور
صورة الطير

من شان معرفة عمر الطير

من شان معرفة صحة الطير

هذا اهوا وهو اجعر

تحياتي لكم واتمنى انكم تردون عليي في اقرب وقت ممكن

في حفظ الرحمن

سكر · 30-03-2009, 02:01 AM

لف مبروووك على الببغاء.

وعسى ربي يوفقك في تربيته ويحفظه لك يا غالي

اذا تبغى أسهل وأضمن نصيحة هي (اترك الطير في حالة ولا تقرب منه, اعطيه أكل وشرب ونظف القفص بدون ما تحتك فيه)

هذي النصيحة مخصصة لأي شخص يخاف على طيره انه يمرض, وما عنده خبرة كافية في التربية.

أخي الكريم طيرك مو مريض ولا فيه الا العافية

لكنه خايف كثير بحكم طبيعة الكاسيكو كذا.

وكل اللي ذكرته طبيعي لأي كاسيكو غير أليف.

لا تشيل هم, وعمره صغير حوالي 8 إلى 9 أشهر حسب توقعاتي

اذا انت شخص صبور وتبغى نتائج رائعه في الكلام, فأنصحك ما تبدأ تدربه.

خليه في مكانه وهو بيتكلم مع الوقت, وبعد شهرين الى ثلاثة تقدر تدربة على الطلوع على اليد وغيرها من أمور.

لكن في الفترة الحالية حاول تطلعه من المطبخ لأنه فيه أبخره وغازات ضارة شوي ممكن تسبب له مشكلة.

لاحظت ان اكثر ما تمرض الطيور بسبب محاولاتنا الغير صحيحة للتدريب, ولها تفاصيل كثيرة لا يتسع المجال لذكرها أو ذكر أمثلة.

أتمنى تكون الفكرة وصلت

تحياتي

أبو ريـــــــــــــان · 30-03-2009, 02:20 AM

ماشاءالله اخوي طيرك جميل الله يبارك لك فية يعطيك خيرة ويكفيك شرة قول آميييين

وفعلاً طيرك من نوع الكاسيكو الكونجو الجامبو وعمرة مثل ماقال لك اخونا سكر جزاه الله خيربحدود من 7 إلى 9 شهور

ونصيحتي لك اسمع كلام سكر تراه عين العقل

والافضل بعد اسبوعين اشتري له استاند وخله علية يستكشف العالم الجديد وهو بيتكم ولا تقرب حوله ابد حط له اكل ماء وبس ويفضل ان يكون مكان الاستاند في زاوية الغرفة وبعيد عن اي اسلاك كهربائية وصدقني راح تشوف العجب بس الصبر الصبر الصبر

عاشقة الطيور · 30-03-2009, 05:23 AM

وعليكم السلام ورحمة الله وبركاته

ياهلا والله

والف مبرووووك على الطير اليديد ... ماشاءالله عليه مبين ان صحته ممتازه والله يحفظه لك

ومثل ماقال اخونه سكر غير مكانه لان المطبخ مب مكان مناسب للطير

وطبعا كل مربي وله طريقته في التدريب وماشاءالله اخونه سكر خبير في هالامور لكن انا من رايي انك ماتضيع هالفرصه وخصوصا ان الطير عمره تحت السنه وبأمكانك توليفه بسهوله

اول شي عطه من اسبوع لاسبوعين بعدين ابتدي التقرب منه وخلال الفترة الي بتخليه دايما كلمه بصوت خافت وانت حاط عينك بعينه واقعد جدام القفص من 15- 30 دقيقه وخل بينك وبين القفص مسافه بس مب وايد عوده وطبعا اهو بيجعر لكن لتعطيه ويه خلك قاعد لما بيسكت وان شاءالله بعد اسبوعين بيخف الجعير لما يختفي

بعد مايختفي الجعير ابتدي تدريبه وبتحصل طرق التدريب في المواضيع المثبته

ومثل ماقالو الاخو اهم شي الصبر والطير عمره تحت السنه فإن شاءالله فترة الصبر مابتطول واايد

وعن البيطري اعرف بيطري مصري ماشاءالله عليه ماقط مره رحت له وماعالج ببغائي بطرش لك المعلومات على الخاص

وبالتوفيق

لوتيه · 30-03-2009, 05:50 AM

ماشاء الله طيرك حلوووو الله يخليه لك ..
و الحمد الله صحته سليمه و هو جامبو ..
بس صورته و هو يجعر يضحك تقول دكتور يالس يكشف اذا فيه بلاعيم و لا مافيه
و هالله هالله فيه ..
الاخوان ماقصرو معاك قصر عنهم الشر ..
عمره من 8 لين 12 شهر تقريبن قد لي عندي بس بعده ماطاف السنه
و نفس ماقالولك خذله استاند احسن عن القفص ...
ماقلت بكم خذته فضوليه ...

vipaltear · 30-03-2009, 01:58 PM

في الحقيقة كلمة شكر لاتفي بحقكم ولو هناك اكبر من الشكر لأعطيتكم اياه
فاليوفقكم الله سبحانه ويجعلكم كما تتمنون

طعبا الاخ العزيز سكر غني عن التعريف وقد شاهدت اسمه يلمع في هذا المنتدى الحبيب
فشكرا دكتور سكر

ايضا اختي العزيزة عاشقة الطيور اتمنى انج تطرشين لي معلومات عن البيطري المذكور
ممكن نحتاج له في يوم من الايام لاسمح الله او ممكن نزوره زياره استطلاعية وزيادة في الخبرة

وايضا لا اعلم ما المقصود بالجامبو هل هو افضل الانواع وماهي مواصفات الطير الجامبو؟

عارف اني اتعبتكم معاي بس تحملوني كرمان طيري وكرمان آخر صورة لطيري

تحياتي للجميع وشري للجميع والله اوفق الجميع

امزوني وبس · 30-03-2009, 04:34 PM

ماشالله تبارك الله

طيرك حلوو ومافيه الا العافيه ان شالله ولاخوان ماقصرو معك بالردود

بودلال · 30-03-2009, 04:46 PM

السلام عليكم

مبروك وعسى الله يوفقك بالكاسكو

والاخوان ماقصرو كفو ووفو وبالنسبه للعمر لاتخاف مايتعد السنه

1-حاول تحكره شوي بالقفص يعني اسبوع او 10 ايام

2-وكله من ايدك وهو بالقفص لمدة سبوع الى 10 ايام وانت حطله الاكل والماي

3- شيل الاكل منه وخله من ساعتين الى ثلاث ساعات بالقفص بدون اكل

4- بعدين طلعه من القفص وحاول توكله واهو بره القفص بأيدك

5- باذن الله راح تشوف كاسكوك غير غير غير

حبيت اعطيك هل التعليمات وانا دايم اجربها مع الطيور الغير متوالفه والحمدلله النتيجه طيبه

وعسى الله يوفقك ويباركلك واي استفسار انا بالخدمه

نوسة · 30-03-2009, 08:15 PM

الله يعينك على الجعير!!

انا عندي واحد اكبر من حقك له شهرين الحين واكثر وبعده يجعر!!

طبعا نفذت كل الا قالوه حطيه فوق مترين ومادري ايش لكن ما تغير شي!

بالتوفيق

Q8 Sailer · 30-03-2009, 09:41 PM

هلا اخوي الاخوان ماقصروو معاااك

) ...

ماشاءالله قالوا لك كل شيء ..

بس اول اسبوع - اسبوعين .. اعتبره ظيف عندك بالبيت وبس عطه ماي واكل لين يتعود على المكان .. وانصحك تغير مكانه وشيله من المطبخ ..

واهوو طبيعي الكاسكو الافريقي اذا بينام لازم يرفع رجل وحده ...

والجامبو اهو يعني حجم الكاسكو كبير واهو فرخ ...

ونوعيه جيده هذي ان يكون الكاسكو فرغ واهو جامبوو

) ...

والله يهنيك فيه ان شاءالله وانصحك تدخل وتشوف مواضيع عن طريقة تربية الكاسكو والاكل المفيد له علشان تحميه من الامراض والمشاكل ..

)

واسف على الاطاله ..

)