كلب هاسكي صغير

[ZyadBS]

السلام عليكم ورحمة الله وبركاته

اخواني من كم يوم شريت كل هاسكي صغير عمره شهرين و 14 يوم وفيه عندي كم اسألة ابيكم تساعدوني فيها و تجاوبوني

1-الكلب واضعه في غرفه بالسطح وفيها مروحه و مفتوح عليها شباك ويوميا امشيه ساعه اقل شيء فهل المكان مناسب ؟ ولا فيه شيء غير احتاجه او زياده!

2-مكان البراز عنده غلط و والريحة الله يكرمكم سيئة و تعبت وانا كل شوي اشيل واحيانا اوديه معي مقهى ويخرج البراز الله يكرمكم وهالشيء تعبني ف ماقدر اعوده على مكان واحد او عالاقل علامات تبان عليه اذا كان بيطلع شيء على اساس اعرف وابعده لو كان بمكان عام

3-عضه كثير!! رغم انه صغير لكن فيه حركه زايده بشكل غير طبيعي بمعنى اطلع معه 5 ساعات ماعنده اي مشكله يركض فيهم ولا يوقف! ابي اخليه اهدى من كذا مافيه طريقة لهالشيء؟ وبالذات اذا كنت امشي معاه بالسلسه يعضها واذا جيت المسه يعض يدي طبعا باب اللعب ولكن ابيه يخف من هالشيء كيف؟

4-هل فيه طريقة لتنظيفه بدون ما احتاج اني اروح لمحل واغسله عندهم؟ يعني اقدر انا من نفسي ولا صعبه؟

5-متى اقدر ادربه يعني من اي عمر؟ وهل حركته الزائده لصغر سنه؟ او كيف؟

6-احيانا وهو ياكل يكح يعني كذا مره سمعته يكح او يعطس مدري والله ولكن شيء مثل الكحه ف مدري هو مرض ولا شي طبيعي؟

[الهولي]

المشاركة الأصلية كتبت بواسطة ZyadBS

السلام عليكم ورحمة الله وبركاته
وعليكم السلام ورحمة الله وبركاته
اخواني من كم يوم شريت كل هاسكي صغير عمره شهرين و 14 يوم وفيه عندي كم اسألة ابيكم تساعدوني فيها و تجاوبوني
مبروك وان شاءالله المل راح يساعدك واي سؤال اتفضل لاتتردد
1-الكلب واضعه في غرفه بالسطح وفيها مروحه و مفتوح عليها شباك ويوميا امشيه ساعه اقل شيء فهل المكان مناسب ؟ ولا فيه شيء غير احتاجه او زياده!
في السطح يعني كل الارضية سرميك وهذا سبب رئيسي لروائح
لو كان بجانب حديقة او مساحة رمل عشان موضوع البريك ومع الايام يعتاد عليها وياخذ فيها بريك
2-مكان البراز عنده غلط و والريحة الله يكرمكم سيئة و تعبت وانا كل شوي اشيل واحيانا اوديه معي مقهى ويخرج البراز الله يكرمكم وهالشيء تعبني ف ماقدر اعوده على مكان واحد او عالاقل علامات تبان عليه اذا كان بيطلع شيء على اساس اعرف وابعده لو كان بمكان عام
لازم يكون في نظام ثابت في مواعيد الاكل والخروج الى وقت البريك
وقبل الاكل وبعد الاكل بدقائق تاخذه الى منطقة البريك الي انت مخصصها له وتقول للكلب بريك بريك شوي شوي راح تلاحض انه يشتم الارض والذيل مرفوع الى الاعلى اسكت عنه قليل واذا عمل البريك شجعه وبعد فترة يحفظ هذي الكلمه والعمل بها
3-عضه كثير!! رغم انه صغير لكن فيه حركه زايده بشكل غير طبيعي بمعنى اطلع معه 5 ساعات ماعنده اي مشكله يركض فيهم ولا يوقف! ابي اخليه اهدى من كذا مافيه طريقة لهالشيء؟ وبالذات اذا كنت امشي معاه بالسلسه يعضها واذا جيت المسه يعض يدي طبعا باب اللعب ولكن ابيه يخف من هالشيء كيف؟
هو الان يمر في مرحلة التسنين وبرضو الاكتشاف ويحاول فرض قوته
وهذا طبيعي لكن عليك توفير اللعب له والعضاضة المخصصة للكلاب
واذا حاول يعظ يدك بصوت خشن نوو وقرصة بسيطة على الانف اذا لزم الامر
شوي شوي يعرف ان هذا غلط ولاتنسا انك تتعامل مع جرو صغير غلطاته كثيره وكل هذا طبيعي
4-هل فيه طريقة لتنظيفه بدون ما احتاج اني اروح لمحل واغسله عندهم؟ يعني اقدر انا من نفسي ولا صعبه؟
نعم كل شهر تقريباً تروش الكلب مره ويكون معك شامبو مخصص للجراء
اول مره وثاني مره راح تلاحظ صعوبه في التعامل معه لكن مع الصبر ووحده وحده يتعمل كلبك
5-متى اقدر ادربه يعني من اي عمر؟ وهل حركته الزائده لصغر سنه؟ او كيف؟
ممكن من الان واحلى شي تسحب كل انتباه الكلب لك هي المكافئة يعني قطع من النقانق او التريت المخصص لتدريب تعطيه مره ومرتين وتبدا معه اوامر خفيفه مثل اجلس تعال اثبت كل هذا سهل جداً
اذا شديت انتباه الكلب لك بالمكافئة
6-احيانا وهو ياكل يكح يعني كذا مره سمعته يكح او يعطس مدري والله ولكن شيء مثل الكحه ف مدري هو مرض ولا شي طبيعي؟

اي مرض او تحس انه مش طبيعي عليك بالعيادة البيطرية خاص اذا امتنع عن الاكل تماماً فواً الى العيادة
لان بعض الامراض لاتعطي فرصة وقد تفقد الجرو

[ZyadBS]

المشاركة الأصلية كتبت بواسطة الهولي

اي مرض او تحس انه مش طبيعي عليك بالعيادة البيطرية خاص اذا امتنع عن الاكل تماماً فواً الى العيادة
لان بعض الامراض لاتعطي فرصة وقد تفقد الجرو

مشكور اخوي وماقصرت بس ماقدر اعوده على قفص صغير يصير يفهم ان هذا بيته ومكان نومه؟ يعني اكون مطلق الكلب بس وقت النوم ووقت الاكل يروح لقفصه
وهل ممكن ياكل دجاج ونقانق بهالعمر؟

[الهولي]

العفو

نعم ممكن وقت النوم توف له قفص يكون متر ونص في متر ونص وعادي بعد فتره يتعلم عليه

والان ممكن ياكل نقانق وهي مكافئة فقط وليس وجبه رئيسية والدجاج مع العظم مضر جداً للكلاب

افضل اكل له هو الدراي فود فقط من شركة معروفة ومتوفر بستمرار عندنا مثل الرويال كنن

لنخو سليم وشعر قوي وبراقة