احتاج بدايه جديده مع الببغاء

[Blackchain]

السلام عليكم ورحمةة الله وبركاته ..



المهم بدخل بالموضوع .

جاني ببغاء هديه وخليته عندي لمدة شهر تقريبا على راحته
اعطيه اكل و اهتم فيه وكذا المهم جاء يوم من الايام وجاني فضوول
اني احاول ادربه وكذا وجلست اشوف فديوات سكر ومن الفديوات الكثيره التعليميه
حاولت فيه اني اشيله بيدي او اخليه يتعود علي كل فتره احاول فيه
وصار بعد كل مره يزود وحشيه , صار مايتقبل ياخذ من يدي الاكل وصار يرمي الاكل
الي احطه له بس المشكله انه يتقبل اني امسح على راسه بعض الاوقات ويرتاح لي

وبس على هالحال ليومك ذا ما طلعت بنتيجه في تدريبي ولا صار يتقبلني مثل اول الا بحالات معينه اني امسح على راسه واما الاكل مايتقبل من اي احد ولا مني بذات ..

انا ابي احاول اكسبه واكسب صداقه من جديد او بالمعنى هل يمكن ابدا بدايه جديده معه ؟
واحاول من جديد لين يتقبلني او انه بيزود وحشيه ؟
وهل هاذي الوحشيه عادة تكون طبيعيه او الببغاء حقي مبالغ نوعا ما؟

ملاحظه : نوع الببغاء الافريقي رصاصي , عمره مابين 6 و 7 شهور .


واتنمى تجاوبوني وشكرا لكم مقدما .

[ذكريات الطيور]

اكله واصبر عليه لان مايتالف بسرعه حاول ما تخوفه ويحس بالامان في المكان اللي حاطه فيه لان كان عندي ببغاء نفس قصتك بالضبط

[Blackchain]

المشاركة الأصلية كتبت بواسطة ذكريات الطيور

اكله واصبر عليه لان مايتالف بسرعه حاول ما تخوفه ويحس بالامان في المكان اللي حاطه فيه لان كان عندي ببغاء نفس قصتك بالضبط

وكيف حال الببغاء معك حاليا تربى وصار معك كويس وصار يرقى على يدك ومن هالشغلات ؟


يعني من كلامك ومقصدك اني اتركه فتره يتكيف من جديد ويحس بالامان و اخليه على جوه واعطيه اككل وعلى هالحال لين يرتاح ؟

[النسر عمر محمد]

أجل هو يقصد كل إلي قلته

[Blackchain]

مشكورين ويعطيكم العافيه ..

[Cockatoo]

بختصار انت جالس تدربه على الوحشيه ,, و اكبر غلط انك جالس تحاول تطلعه و تشيله ,, و كل طير له شخصيته و ضروفه في التوليف لا تحسب ان الفديوهات الي شفتها في التوليف ممكن تنطبق على طيرك ,, حاول اول شي تحسس الطير بالامان و خله على راحته و حاول تبني الثقه بينك و بينه في الخطوات التاليه ,,

1- انسى شي انك تطلعه من القفص او تلمسه

2- علق القفص في مكان عالي

3- حاول انك تأكل الطير من ايديك كل مره مع ملاحظة انك راح تفشل كثير لين يتقبل منك و ياكل من ايدك و ممكن راح ياخذ فتره طويله لين يتقبل الاكل من ايدك

4- تكلم مع الطير و انت تاكله و قوله كلمة شاطر

5- لا تخلي الاطفال يقربون منه

6- اهتم في اكله و نظافته و نوع له غذائه

7- لا تسوي اي حركه مفاجئة للطير دائما خل حركة ايديك بطيئه حتى في محاوله اعطائه الاكل

8- خل عندك صبر و يكون بالك طوييييل ,, لا تمل بسرعه

9- لا تغصب الطير على شي

و ان شاء الله تشوف طير يطيب خاطرك و يعجبك