غرفه كلبي

[d a n i]

السلام عليكم ورحمة الله وبركاتة
هذا اول موضوع لي بالمنتدى يا اصحابي معاكم اخوكم داني انا عندي جيرمن شيبرد كلب الراعي الالماني واحبه كثير عمره لسه خمسين يوم سميته ( swat ) ناوي ادربه تدريبات قويه وخطيرة
جبته طلبيه من بولندا ودافع فيه دم قلبي بس للاسف غرفته اللي في البيت عندي قال لي صديقي العزيز اغسلها بديزل لان كانت مخزن وفيها حشرات وبريعصي ( حيوان الوزغ ) بكثره ..
و صراصير فرشيتها بديزل بــس ضلت ريحه الديزل قويه موووت فـ احترت شسووي قالوا لي رش فيها ديتول وغسلها بماي مع ديتول وغسلتها وضلت ريحه الديتول فيها شسوي الحين ناوي اجيبه اليوم احترت جبت المروحه وفتحت المكيف وفتحت النافذه والباب والمروحه تدور عشان تطلع الريحه بس الريحه قويه صار لي اسبوع اغسل الغرفه يوميا بماء انا غرفتي ما اهتميت فيها كثر ما اهتميت بغرفه سوات كلبي

سوال هل ريحه الديتول تضر الكلب ولا عادي واذا ريحه تضر كيف ازيل الريحه واتمنى محد يقول لي بالماء لان غسلتها كثير بالماء

[medo_osama]

اخى ما تقلق ريحة الديتول ما ضره ...

[d a n i]

يسعدني تواجدك اخي وشكرا والله اخاف يموت من الريحه بحكم انه جرو صغير لان الريحه قويه

[الدميه الصغيره]

المفروض ما غسلتها بـ ديزل بل رشيتها بالـ بف بف (مبيد حشرات) والوزغ بالساكتون وبعدين معد تجع ابد لاكن انت الله يهديك حطيت ديزل ؟!!
والله معرف كيف ابعد الريحه لاكن الديزل مره خطير حتى انا يوم كنا نشوي وجا ففيني عيوني بغت تطلع وععلقت الريحه فيني اسبوع وكل يوم انروش وتعبت وايد وجاني ربوو كيف عاد لو جروو صغير!!
حاول تبعدها بالصابون والمي كل يوم

[الهولي]

وعليكم السلام ورحمة الله وبركاته
اول شي حياك الله في أسرة توزوو
بين اخوانك واخواتك
وان شاءالله اي استفسار الكل راح يساعدك
وانا اولهم
وفي مواضيع مثبته في قسم التدريب راح تستفيد الكثير والكثير منها
عن التدريب والاهتمام و و و
وغرفة الكلب اغسلها بصابون الفيري على الليمون لأزالت الدهون بالفرشه
وبعدين لو ضلت الريحه مافي مشكلة ان شاءالله ومدام في مكيف
ومروحة شفط ممتاز جدآ
تعمل تهويه كويسه للغرفة وان شاءالله مافي مشكلة على الكلب حتى لو كان جرو
بعض الشباب الله يهدي يعطيك حل من دون خبره او يعرف سلبيات الحل
رش ديزل وبس .
هاذا خلصنا منه هاااااااا
لازم نشوف صور القموووور كلبك عشان الفرحه تصير فرحتين

[d a n i]

ههههه الهولي والله ماقصرت بـ ردك أثلج صدري بكل صراحه
الجرو له اول يوم عندي الى الان واكيد ابشر بصورة

[pitbull terrier]

والله كـل الاحتـرام لأعضائـنا المحترفين

و بارك الله فيك يا الهولي اجابة مميزة