الفرخ يربض على البيض معهم؟؟!!

[راكانه]

السلام عليكم ورحمة الله وبركاته
كيفكم يا اخواني وكيف كرواناتكم؟

عندي بس كم استفسار بخصوص كوكتيلاتي..


عندي فرخ عمره الان شهر واسبوع..ولاحظت ان الانثى ما تأكله من قبل اسبوع!!
وصار يعتمد على الذكر فقط...بس مايمديه يلحق على إشباعه..لان الفرخ كل شوي يصيح يبي ياكل ويلحق الذكر ..
و الانثى سبق ان باضت 3 بيضات يوم عمر الفرخ اسبوعين...!!
ومن باضت وهي لاهيه عن الفرخ..فرميت البيض..بس بعدها بأسبوع باضت اربع بيضات؟؟ وكمان اخذت البيض منها ..لاني لاحظت انها تربض عليه بالتناوب مع الذكر ....وكمان الفرخ يربض معاهم!!!!
فكيف الانثى تبيض وعندها فرخ؟؟
المهم الان الانثى خامله ماتتحرك كثير وبعدين دايما مغمضه عيونها... ليه؟؟

يكون مريضه يعني؟؟ وهل اعطيها قشور بيض لتقويه عظامها؟؟

وبعدين كيف اخليها توقف عن التبييض؟؟

وبالنسبه للفرخ..هل اطعمه بنفسي؟؟ والا اتركه للذكر... ومتى يبدا ياكل لوحده؟؟..لاني احط لهم رز والاحظ انه يحاول ياكل..
وهل شرب الماء ضروري له..لانه مايشرب ماء للان..

وكيف يتعلم على الطيران؟؟



ادري طولتها بس شسوي انا جديده على تربية الطيور ومالي الا الله ثم انتم...

[الطائر*الغامض]

اللي سويته الانثى خطيييير عليها وعلى صحتها
دحين اللي عليك تطلع الفرخ وتحطه تحت في القفص وتشيل البياضة وبعد اقل شي شهر
ترجعها
وهي دحين المسكينة ممكن تتخلى احيانا عن الفراخ اذا عندها او تنتف ريشهم عشان يطلعون برا العش
او تطردهم برا العش عشان تبيض مرا ثاانية
بس انت امنعها من التبيض بأنك تشيل البياضة وممكن تحطلهم قشور البيض
او توديها البيطري يعطيها فيتامينات او اي شي يشفيها بأذن الله...
والافضل توديها البيطري... يشوفلها حل...

[الأسد الملك]

ربما يكون اختلال بالهرمونات .’

وربما الطيور نشيطه جنسياً

قم بعزل الذكر عن الانثى ودع الانثى ترتاح لفتره معينه ومو اقل من شهر ,’

اتمنى لك التوفيق ’

[عاشق الكوكتيييل]

اعزلي الفرخ عنهم وايضا شيلي الذكر عن الانثى او الانثى عن الذكر بس ليش ترمين البيض؟

ويمكن الفرخ في شية او رجولة تعورة وما يقدر يمشي لهذا السبب ماطلع من العش

[راكانه]

اخواني الله يعطيكم العافيه على الردود..
انا شلت البياضه بناء على نصايحكم...
بس ماعزلت الذكر..
لانو قبل 4 ساعات باضت الانثى...!!!
فرجعت البياضه مره ثانيه وحطيت البيضه داخلها...
والفرخ نزلته في القفص تحت...
واشوف انو الذكر يتناوب مع الانثى على الرقود على البيضه وفيه انسجام واضح عليهم والذكر يغرد كل شوي..
بس من ساعه لاحظت ان الانثى طلعت برا الحضانه ومنتفش ريشها وراكده وعيونها مغمضه..!
فهل تستعد لان تبيض مره ثانيه؟ والا وش السالفه؟؟
والحين عقب البيضه الجديده ذي...عادي احط لها قشور بيض تاكله والا مايصلح؟؟


انتظر ردودكم القيمه..
وشكرا..

[iCare]

يا عزيزي لا تعزل الزوج ...

بس شيل البياضة و خلي الفرخ بقاع القفص ... و بتوقف الطيور انتاج بدون بياضة

لكن اللي قالوا لك اعزل الذكر عن الانثى مدري ايش قصدهم من هالحركة ؟ عزل الذكر لا يمنع الانثى عن وضع البيض , لكن عدم توفر مكان لوضع البيض يخليها توقف ...

و بها الفترة تحتاج تغذية جيدة للانثى من بيض و كالسيوم سائل ان امكن و فيتامينات

[راكانه]

اخوي icare
الانثى مايعوق معها...
اصلا اول بيضه باضتها كانت بدون بياضه...
فلما شلت اليوم البياضه.. باضت على القفص..ماعاق معها..!!
بس الحين سؤالي..

هي متفوش ريشها ومغمضه عيونها وراكده..هل هذه الحاله طبيعيه والا مريضه؟؟
لاني اخاف كثرة التبييض أثرت على صحتها..

[kaserii]

أكيد كثر البيض أثر عليها، أنصحك أن تعرضها على البيطري إذا كانت فعلاً تعبانة، ولا تأخذ بالاحتمالات لأن الأنثى البياضة كنز لا يعوض، حافظ عليه!!

وشكراً

[راكانه]

اخ كاسر الله يعطيك العافيه..
مرورك اسعدني..


بارسلها مع اخوي للبيطري.. شورك وهداية الله..

[iCare]

المشاركة الأصلية كتبت بواسطة راكانه

اخوي icare
الانثى مايعوق معها...
اصلا اول بيضه باضتها كانت بدون بياضه...
فلما شلت اليوم البياضه.. باضت على القفص..ماعاق معها..!!
بس الحين سؤالي..

هي متفوش ريشها ومغمضه عيونها وراكده..هل هذه الحاله طبيعيه والا مريضه؟؟
لاني اخاف كثرة التبييض أثرت على صحتها..

يا عزيزتي إذا الانثى فيها بيضة راح تبيضها , يعني بما انها بدأت في دورة تبييض فانها راح تكملها مهما عملتي و مهما سويتي حتى لو طلعتيها من القفص بعد مو بس شلتي عنها البياضة
لكن اذا شلتي البياضة ما راح تدخل بدورة تبييض جديدة

.....

اما عن الحالة فهل يوجد اثار زكام او اسهال ؟
ادا ما يوجد تحتاج رعاية غذائية و ذكرت هالشي بردي السابق

..