الدره تاكل وتقطع رجلها (قدمها) ..ضروووري ساعدوني

[فشفوش]

السلام عليكم ورحمة الله وبركاته

بدخل من الموضوع من الاخر
عندي الدرة الهنديه
قبل كم اسبوع .. كانت رجلها اللي فيها الحلقه .. او الحجل الحديد
مألمها .. لدرجه ان جناحها يرف بطريقه غير طبيعيه

وديتها لمحل .. بس شافها وقال فيها التهاب مفاصل وعطاها فيتامينات احطه لها في الماي
واوقف عنها الفواكه ..
المهم استمريت عليه اسبوع تقريبا وماراح الالم

.. رحت خذتها لعياده بيطريه
قالوا الحديده مألمتها لازم نشيلها ..
لان سوو لها اشعه والحمدلله مافي كسر او شي
خدروها وشالوا الحديده
ورجعت البيت وكل شي تمام

بعدها فالليل .. بعد 3 ساعات بعد ماوصلت البيت
اشوفها تقرب صوب رجلها .. قدمها <<< تقطع جلدها ولحمها ويطلع دمممممم
خوفتني عليها ..
لين الصبح وديتها للعياده قالوا بنلف رجلها
عطوني كريم كيناكومب لمدة اسبوع ودوا لمدة 10 ايام

المهم نزلت نفسها وشالت الضماد وتمت ترجع لعادتها وتقطع رجلها لين يمكن البيت صار كله دم

ووديتها لهم مره ثانيه
قالوا خلاص بنحط شي على رقبتها
شي دائري علشان ماتقدر توصل لرجلها
المهم الحين صارلها تقريبا 5 ايام وهالشي على رقبتها وانا ادري مضايقها
ماتقدر تنظف نفسها ولا ريشها ولا تاكل عدل
ولا نفس قبل تتكلم وتسولف

شلته منها.. على طوووووووووووووول قربت لرجلها وقامت تعض وتاكل فيها
بسرعه رجعت ركبته على رقبتها
الحين ابي الحل ؟
لين متى اخليه على رقبتها
وهالعاده الشينه شلون اخليها تنساها
هي اجتماعيه وتحبنا وكلن يقعد يبوسها ويسولف معاها
بس مادري شصار مره وحده

عين ماصلت على النبي والله هالشي مضايقيني وايد
ماعرف شنو اسوي لها
كلن يقولي بيعيها ولا طيريها
انا ماقدر اسوي جذي
احبها ولا ابي اخليها

عطوووني حلللل بلييييييييييييييييز




اقرأ المزيد هنا: الدره تاكل وتقطع رجلها (قدمها) ..ضروووري ساعدوني - منتديات تو زوو http://www.2zoo.com/vb/showthread.ph...#ixzz1lA678Mgl

[Tamara]

مساء الخير ..

بصراحه انا اول مره اسمع بهالشي

لكن اعتقد حالتها مشابهه لحالة نتف الريش ,, كثير من الببغاءات تنتف ريشها واتوقع هذا الشي راجع لحاله نفسيه << على حسب خبرتي المتواضعه طبعا ً

بالنسبه للطوق لاتفكه ابدا وخليه شهور مثل حالات نتف الريش يخلو الطوق شهور حتى ينسى هالعاده

فيه ببغاءات استجابتها سريعه وتنسى العاده السيئه بسرعه
وفيه ببغاءات ماتنسى ابداً

الله يعينك اصبر عليها شوي

[الطبيعة الخلابة]

هو يعض رجل واحدة ولا الرجلين ؟

وهل في بقع حمراء على جلده ؟

وشوف تحت جناحاته و في صدره اذا في بقع حمرا و لا لا ؟؟

وخبرنا

وأحسن لا تطلع الطوق

[فشفوش]

المشاركة الأصلية كتبت بواسطة Tamara

مساء الخير ..

بصراحه انا اول مره اسمع بهالشي

لكن اعتقد حالتها مشابهه لحالة نتف الريش ,, كثير من الببغاءات تنتف ريشها واتوقع هذا الشي راجع لحاله نفسيه << على حسب خبرتي المتواضعه طبعا ً

بالنسبه للطوق لاتفكه ابدا وخليه شهور مثل حالات نتف الريش يخلو الطوق شهور حتى ينسى هالعاده

فيه ببغاءات استجابتها سريعه وتنسى العاده السيئه بسرعه
وفيه ببغاءات ماتنسى ابداً

الله يعينك اصبر عليها شوي

ايه ماراح افك الطوق .. بس المشكله مضايقها ولا احسها تاكل عدل
وانا اقعد أأكلها ولا بنفسها ابد ماتفكر بالاكل ولا ودها تاكل .. عادي تموت نفسها من الجوع
قلت مب مشكله أأكلها بس لاتتضايق
وماتسولف ولا تتكلم وكله جالسه بمكانها
بس ماعرف شلون اخليها تنسى هالعاده

اقولها انا بشيل الطوق بس ماتعضين ؟ ههههههههههههههههههههههههههههه
ابد ولا مفتكره ههههههههههههههه
ربي يحفظها

[فشفوش]

المشاركة الأصلية كتبت بواسطة الطبيعة الخلابة

هو يعض رجل واحدة ولا الرجلين ؟

وهل في بقع حمراء على جلده ؟

وشوف تحت جناحاته و في صدره اذا في بقع حمرا و لا لا ؟؟

وخبرنا

وأحسن لا تطلع الطوق

لا الحمدلله مافي مافي بقع حمرا لا جلدها ولا جناحاتها ولا صدرها
بس قاعة قدمها صايره سودا من الدم ..
ايه ماراح اشيل الطوق
بس تغيرت عن قبل .. ضعفت حيل واكلها كلش تغير
ماتاكل ولا تشرب ولا تفكر ..
بس جالسه بمكانها وكله ودها تنام او تحاول تشيل الطوق بس ماتقدر

[الطبيعة الخلابة]

طيب ممكن تحطلنا صورة واضحة لجل يكون أوضح ؟

وإن شاء الله نحاول نفيدك .. وإن شاء الله ببغاءك يتماثل للشفاء العاجل

[صوغة]

وعليكم السلام

طبيعي اتظل خامله ومتضايقه وماتبي تاكل او تلعب او اتسولف

لانه فيه حاجه مضايقتها وهي رجلها ودها اتحكه اتنتفه مثل لسع النامس للانسان ما يرتاح الا لمن يحكه ويتخلص منه

وبعد الطوق صار فيه شيئيين يضايقونها حكة الرجل والطوق الي شل حركتها


اعتقد لو اتشيليين الطوق نصف ساعه عنها باليوم وانتي جالسه معها وكل ماقربت من رجلها شيليها قولي لها لا يعني حاولي تشغليينها عن رجلها خلال هالنص ساعه

وجيبي العاب تشغلها شوي

ووكليها كل ساعتيين وشكلي لها بالاكل قطع تفاح موز فول سوداني بسكويت قطعه خبز رز ابيض مسلوق ذره صفرا وفيتامين بالماي خاصه انه هالايام اجازه يعني لاتقصريين معها

اما بالنسبه للعلاج الطبي اتمنى تلقيين مساعده من الاخوان اكثر مني

والله يعينج

[بلاك بيري]

السلام عليكم ورحمه الله وبركاته

اخي الفاضل واضح جدا من وصفك انه في التهاب بقدم طيرك ويسبب حكه او الم لرجلها بالتالي تطر انها تحكه او تاكله بمنقارها
استمر على علاجاتك والمراهم واستمر في وضع هذا الطوق لمنعها من الوصول لنفس المكان لانه وصولها اليه يعني زياده في الالتهاب بحكم انه راح يكون مكشوف بسبب حكها له

تحياتي

[بلاك بيري]

عاده هذه المشكله تاخذ فتره اسبوعين وتنتهي بمشيئه الله وننصح باستخدام فيوسيدك اسيد كمرهم مضاد بكتيري عام ممتاز جدا لمثل هذه الحالات


بالتوفيق

[آنآستــآزيآ]

.. مــاا قصــرووا معــااكـ الأخــووة ..

.. وإتبــع نصاائــح الأخ بــلاكـ بيــري وانــ شــاءاللهـ تشفــى مــن الإلتهــااب ..

.. آنآستــآزيآ ..