أفضل ببغاء ؟

[عضو غير جديد]

السلام عليكم

اعزائي....

انا عنطي احلا سؤال

ما هو افضل ببغاء من حيث انه حيوان اليف للبيت
مثال
-متكلم رائع

-لعوب

-اليف

-يتعلق بصاحبه

-شكله جميل

وممكن احد يقول الببغاء الافريقي و لا الامازون

بس.....ابي بالتحيييييد !!!! يعني غيني او هولندي و هكذا

و طبعا الاراء مرحب فيها و لكن الجواب يكون بصفه عااامة !!!

[no0La]

وعليكم السلام

هلا بك اخوي ..

بالنسبه لسؤالك عن الببغاوات

تختلف الآراء حسب مايفضله المربي والهاوي

سوى الافريقي او التمنه كلها متكلمه ولعوبه غير ان لونها يعتبر موحد
ومعروفه بالرمادي ويجي منها الطفره ..

وهو ببغاء ذكي ويلقط ماشاء الله عليه ..

الامزونيات درجات وكثيره تتكلم شكل لعوبه غير الوانها اللي تشرح الصدر

بالنهايه اخوي انت وش تحب تربي في البيت ..

[الكحلي]

وعليكم السلام ياخوي والله انصحك في الامزوني الصراحه انا تحسفت على الي عندي انا عندي افريقي لون فاتح وحلو بس قبل لا اشتريه ماعندي خلفيه عن الببغاوات بس هالحين ابي امزوني وافحط على امزوني ودي ابيع الي عندي واشتري امزوني بس حسافه الي عندي بعد ماروضته وبدا يتكلم اربع كلمات تراجعت عن قرار البيعه واحاول اخلي الي عندي الافريقي واشتري واحد ثاني امزوني حلو شكله وكلامه يتكلم جمل ولونه يفتح النفس والله الي يكتب الي فيه الخير وهاذا رايي والاعضاء مو مقصرين في الردود

[محب كاسكو]

اخوي عضو غير جديد انت شف الي يرتاحله قلبك انا انصحك انك تشتري كاسكو جامبو مصيود وتروضه وما انصحك ابداً بلهولندي لانه مناعته ضعيفه تتعب عليه وتعلمه الكلمات واخر شي ما تدري الا هو ميت

وعى فكره ميزت الرمادي يلقط الكلمه لقط وذكااه كما قالو العلما بذكاء طفل عمره 5 سنوات وايضاً على حسب ما سمعت وقراءت انا الببغاء الرمادي بمقدوره حفض 800 كلمه

[عبدالعزيز1]

الامزوني معروف عنه يقول جمل طويله ويسردها سرد ورا بعض بدون توقف
لعوب
لكن مزعج .. يعني اللي ساكن في شقه بيكون الازعاج دبل

والوانه حلوه واسعاره عاليه مقارنه بالكاسكو


الكاسكو لون موحد رمادي

يقلد نبرة صوت راعيه او خل نقول نبرة صوت الشخص

حذر لكل ماهو جديد عليه

بالنسبه لي طريقته بالكلام او نبرة صوته تشدني اكثر من الامزوني

هادئ مقارنه بالامزوني

ولو ربي وفقك بكاسو ذكي وذاكرته 32 قيقا عز الله بيبسطك

كان عندي واحد عام 1413هـ يقول اي كلمه يسمعها

لدرجة كنت اقول ابيات شعر ويرددها مع العلم انه اول مره يسمعها لكن عيبه الوحيد مزاااااااااااااااجي
وغدار وهذا اللي خلاني ابيعه

ابتعد عن الهولنديات فحسب ماسمعت وماذُكر لي أنها ضعيفة المناعه وقليل تلقى منها وصل سنه او سنه وزياده وكل شي بأمر الله اولا واخيرا

الكوكاتو شكله روعه وجميل لكن مزعج وقليل الكلام وحتى لو تكلم كأنه لعبه صينيه درجه رابعه


الدرّه حلو لونها خاصة الذكر اذا جاك هندي بطوق وماتتكلم الا بكلمه او ثنتين ومش بجودة الامزوني ولا الكاسكو طبعا



بالنسبه للولافه كلهم يجون اليفات ويحبون اللي يحبهم ويعاملهم بلطف ويهتم فيهم

[عضو غير جديد]

اشكركم على مروركم

اشوف الكل اتفق على الكاسكو و الامازوني

ولكن كمقارنة ....؟

[سماوي الجبه]

انت وحبك لى اي نوع، مافي نوع معين غير الافريقي ولامازون، بس ميولك شنهو،،

[فكتوري]

اعتقد ماقدر ارد لانه الشخص توقف

[qwqw1]

اعتقد ان الامزون افضل من رايي انا لان شكلة والوانة(دبل يلو هد)بس المشكلة غالي

[sary.al-eid]

اذا تبغى تربية وتدريب غاني واذا تبغا اليف وبتعود بسرهة هولندي