مشكلتي مع ريش الكاسكو الرمادي

[الماهر]

السلام عليكم

عندي كاسيكو رمادي خوش طير ممتاز مشكلته الوحيدة هي من وقت اخذته ودنبته (الريش الحمرة ) قصيرة شوي ونصحوني اني كل فترة اسحب منه كم ريشه لين يزبط ويطلع له ريش جديد ويكون طويل ومرتب لكن انا ما سويتها لاني كن خايف عالطير هذا الشي الاول الي ابي له حل والشي الثاني الطير صار له كم شهر وريش صدره بدأ ينقص ويصير مو مرتب وانا احيانا اراقبه اشوفه يحوس في الريش طبعا هالحالة بدات من فترة طويله وانا كنت صابر لان كنت اتوقع انه جالس يرتب ريشه لكن الشغلة زايدة خصوصا هالفترة صار عدنا ظروف بالبيت وصرت ما اقدر اطلعه من قفصه بشكل دائم مثل الاول ولا انا قادر اهتم فيه مثل الاول وذلك لاني في ايام الاسبوع لا اتواجد في المنزل مع ان الوالد الله يطول بعمره مهو مقصر كل فترة يسبحه ودائما ينظف قفصه لكن الطير اغلب الوقت بقفصه وما يطلع مثل الاول مثل ما قلت لكم ومسألة الريش محيرتني كثير لانها كل ما يجي لها تزيد لين وصلت الان الى اجنحته الريش صار طويل واجد وانا كنت دائما اسمع عن مضرت سحب (نتف ) ريش الجناح لانه يالم الطير ويزلعه لذلك كنت مخليه ودائما كنت اشوفه يحوس في ريش الجناح فكنت اظنه يعدله فكنت تاركه وساكت عنه لين هالسبوع رجعت البيت وطلعت الطير من قفصه ولما فرد جناحه انتبهت ان كل ريش الجناح اليي يصير غامق مخرب وصاير كانه غصن بدون اوراق ومن شفتها وانا مو عارف شنهو اسوي الى الطير فارجو ان انتو تفيدوني.
للمعلومية ان الطير يرجف من اول ما اخذته قبل سنتين تقريبا لكن اكله طبيعي وخصوصا اكله لتفاح والخيار والفول السوداني يحبهم كثير ومن يشوف اي اكل يبغي منه خصوصا الفواكه وبعض انواع المكسرات وحتى البسكوت يحبه وصحته حلو ولا هو مبين عليه اي ضعف لكن مشكلة الضعف تعبتني كثير معاه حتى البيطري لما وديته قال لي هذا لان معاه سهال وعطاه ادوية وطبعا ما فادت الطير بشي وهذا هو على حاله.

أرجو منكم انكم تفيديوني لان هالطير عزيز عليي وبديت أخاف عليه.

وهذي صور لطير اتمنى يبن لكم الريش




وهذي صورة يبن فيها كيف الجناح من فوق معفس ريشه


وهذي الصورة وهو يحوس في ريشه من جهت الريش المعفس


هضي صوره اتمنى تفيديوني وطبعا الطير حاليا مهو عارف يطير كان جنحانه مقصصه ومن يحاول يطير يطح.

بانتظار افادتكم

[الج ـارح]

اخووي لا تقلق يمكن يكون تبديل ريش

[KoKo10]

فيه اكتئاب او حالة نفسية ..
وديه البيطري عشان يعطيك فيتامينات و شوية ادوية تقوي الريش و يطلع بشكل مرتب ..
+
لا تنتف ريشه , هو لما يكون بصحة كويسة هو يرتب حالة ..
موفق و اهتم بيه كثييييير كثير هالفترة وكله من ايدك العب معاه و هكذا ..

[تشآرلي]

قد يعاني طيرك من نقص من الفيتامينات حاول توفر له اكل صحي ومنوع

وان كانت المشكله نفسيه فالخوف بالمشكله الكبرى ان الطير اعتاد على النتف

ولكن ان شاء الله يتوقف

يوجد بعض الطرق تساعد لهذي المشكله ولكن تحتاج صبر وكفاح


1- إستخدام زيت الزيتون لدهن الطائر .... وهي طريقة فعالة جدا بسبب المزايا العلاجية في زيت الزيتون والميزة الأساسية فيه أنه ذو طعم مر ورائحة مميزة لا تحبها الببغاوات بصورة عامة فعند معرفته بوجود زيت الزيتون على ريشه وجسمه فأغلبها سيحاول أبعاد منقاره عن الريش (وهذا هو المطلوب)



2- أستخدام زيت الصبار وعصارته Aloe Vera oil and Jill (نفس الصبار اللذي يستخدم في بعض العلاجات البشرية ) وهو متوفر عند العطارين وهو مفيد جدا بسبب تقليل الحساسية الناتجة من تقليع الريش وحك الجلد بالمنقار... ويمكن أخي المربي صنعه بنفسك ( خلاصة صبار ) ونستخدم طريقة الرش للطيور غير الأليفة... تكمن فائدة الصبار الأساسية في تسكين اللأم وتخفيض الحساسية بشكل كبير جدا ... وهو مفيد في سرعة أنبات الريش الجديد ونعومته وجماله في نفس الوقت ... ولكن لا تنسى أخي المربي أن العلاج بالصبار قد يأخذ فترة طويلة تمتد لعدة أسابيع ... فالصبر هو مفتاحك للوصول ألى النتيجة.