الهولي+ابوفهد+جاسم ادخلوا

[خالد98]

السلام عليكم
معاكم خالد من الامارات
فالبداية حبيت ارحب بكم اخواني انا اخو جديد لكم
و انشالله افيدكم و استفيد منكم
انا من سنة يمكن اتابع اسئلتكم و اجوبتكم و كل شي
بس الحين اشتركت في تو زوو

اخواني انا عندي جيرمن شيبرد ذكر عمره 10 شهور و انا شاريه من عمي ام و ابو الكلب فالشرطه عمي عطاني الكلب يوم عمره شهر بس عندي استفسارات

طبعا الكلب جيرمن شيبرد شو لاين
بس مشكلتي معاه لما افتحله الحضيرة على طول يقفز علي و يعض فيني و صرت ما اطلعه بسبب العض يعضني فايدي و رجلي

الهولي اخي و استاذي و معلمي كيف ابعده عن هذا الاسلوب
هل ينفع استعمل معاه كمام ؟؟

[الهولي]

وعليكم السلام ورحمة الله وبركاته
حياك الله اخوي خالد
ومرحب الساع اقرب
وحاضرين لطيبين وعلى راسي من فوق
كلبك فيه حماس وشوق لك وكل ماحبسته اكثر زاد شوقه وحماسه لك
اذا حاول يقفز عليك بركبتك من تحت صدره ضربه خفيفه مع كلمة
No بصوت خشن عشان يتعلم ان هاذا غلط
واكبر كلب واعند كلب بتريت او المكافئه مثل النقانق
تسحب كل عقله عندك وبعدها تتحكم فيه على كيفك
هاذي وحده خلصنا منه
ثاني شي وهو الاهم انك تدخل على مواضيع التدريب
بتلاقي كل شي يخلي كلبك فنان
وانت مدرب محترف
اهم شي الصبر ثم الصبر ووحده حده كل شي يصير
واي استفسار حاضرين لطيبين

[خالد98]

هلا والله بحبيبي و استاذي الهولي مرفوع على الراس و من فوق العين انا تحت امرك و بلبي كل طلباتك يا بو علي

[Octopus]

افداك الهولي و لا تنسى صور الجرو

[خالد98]

حاظررررررين

[jassim99]

يا هلا و يا مرحبا نورت توزوو

مثلك عارف ان اساليب التدريب كثيره والهدف واحد

ايضا لازم تعرف ان اساليب ضبط السلوكيات كثيره والهدف واحد

انا اجزملك ان طريقه ابو علي 100% تنفع لكن الموضوع يعتمد على كيفيه تطبيك كلام ابو علي

انا بشرحلط طريقه ثانيه عشان اذا ماعرفت للطريقه الاولى يكون عندك باك اب طريقه ثانيه

1_ اهم شي الصمت وعدم الحماس وانت متجهله و لاتكلمه وتزيد حماسه

2_ افتح باب الحضيره شوي و اذا حاول يطلع راسه من الحضيره سكر على رقبته الباب و خله لمدة 5-10 ثنواني

راح تلاقيه يرجع لي ورا

لا تكلمه ابد لين ما يوقف هز ذيله

3_ افتح الباب وضع عليه الطوق ليسهل التحكم فيه قبل ما تطلعه من الحضيره

ملاحضه:- يمكن تكرار النقطه الثانيه عند الحاجه اكثر من مره لين يتعلم ان انت الي تطلعه و ليس هو من يخرج لوحده

بالتوفيق