ساعدوني بليز مني عارف ايش نوع القطه

[ahmed b]

السلام عليكم
اخواني زي مانتو شايفين الصور
انا اعرف انه شيرازي مهجن مع حاجة
اتوقع مون فيس بس مادري
ياليت تساعدوني

[فاتـــو]

اهلين اخي
شيرازي مون فيس
ودامك تدري انها شهر وشوية شلون مطاوعك قلبك انك تاخذها من امها
لسه بدري عليها انتظر لين تنفطم وتستقل على شهرين ونص كذا
اذا متمسك فيها جرب تحجزها بجزء من المبلغ
انا ما اشجع ابد شراء القطط الصغيره لانه حرمان للام من صغارها
اتركه يعيش مع اخوانه هو محتاج لهم الحين علشان يتعلم اشياء كثير
واذا عندك المقدره تشتري الام بالأبناء فأنا اشجعك لانهم فعلا في سجن طول ماهم في هذي المحلات
اتمنى تتفهم رأيي واي استفسار لاتتردد

[ahmed b]

اختي انا صورت هاذي فقط ولا هما 5 قطط الوان مختلفة مع الام
قلي شيلهم ب 3000 ريال
انا ماكنت ناوي اخذها لحالها كنت باخذها مع الام
بس مادري ليش سعرهم مبالغ ولا انتي ايش رايك..؟

[ahmed b]

5 قطط والام 6

[ahmed b]

3 ذكور و 2 انثى

[ahmed b]

اختي قلي خذ معاهم الام اذا متاخذهم الخمسة ي 3000 غالي ولا كويس..؟

[فاتـــو]

شوف بالنسبة للأسعار الحالية بالسوق انا اشوف السعر مناسب بالنسبة لعائلة كاملة
والنوع بعد حلو وعليه اقبال
بس لازم تكون متأكد من قدرتك على تحمل المسؤولية
وبخصوص سؤالك عن تزاوج الاخوة لاطبعا مايصلح لان الكيتين الناتجين ممكن يولدون ميتين
او يعانون من عيوب واعاقات خلقية
لازم ماتكون في قرابة مابين القطين اللي راح يتزوجون
شوف انت ظروفك كيف وخذ قرارك ..

[ahmed b]

اختي عندي الف سؤال وجواب لاكن مني عارف ارسل رسايل لازم مشاركات كثيرة
وانا شايف فرصة لاتعوض
يقولي راعي المحل راح واحد كيتن ب 1000 اشتروه الناس
قلتله لساعها مافطمت ليش بعتها ..؟
يقولي تقدر تاكل وتشرب لحالها
انا مني عارف
اخذ الاربعه بالام 2400
ولا اخذ الانثى وامها ب 1000 ريال

[فاتـــو]

لا مايصلح تاخذ الام وانثى وباقي الكيتين يبقون لحالهم
حتى لو ياكلون ويشربون مايصير القطط لسه صغيره ومحتاجة لأمهم
لو بتشتري الام لازم كل الكيتين وانا شايفة السعر مناسب
لو حاس انك مستعد للمسؤولية توكل على الله وجيبهم

[ahmed b]

طيب اختي لو اشتريتهم وماقدرت اتحمل مسؤوليتهم كلهم وحبيت ابيع بعض منهم لما يصير اعمارهم 4 شهور
كم يجيبو ممكن..؟