صور مكبرة

[الجرح الوثيج]

السلام عليكم ورحمه الله وبركاته...
اولا: ارجو من المشرفين نقل الموضوع للقسم الصحيح ف حال كان الموضوع ف القسم الخطأ
قبل يومين وصلوني فرخين قالو ان الشجرة اللي عليها العش طاحت . اعتقد نوعهم (الصرد) عيونهم مفتوحه والريش لسه ماطلع من الغلاف الشمعي .. وانا أأكلهم لاحظت عليهم نقط حمرا صغيرة جدا جدا وتمشي عليهم طبعا هالنقط عبارة عن حشرات او طفيليات بمعنى أدق اخذت وحده من هالطفيليات وحطيتها ف كحول وصورتها تحت الميكروسكوب في البداية كانت الحشرة تتحرك وبعدين بيدي جسمها يفرز فقاعات لين تموت الحشرة ...(عجبتني السالفة وكررتها ع اكثر من حشرة) ولما رجعت البيت غسلت الفروخ بصابون ديتول السائل وماي دافي وطلع منهن نوعين من الحشرات:الحشرات الحمرا وحشرات لونهم بني في حجم ولون خنافس الطحين
اترككم مع الصور:

[الجرح الوثيج]

السلام عليكم ورحمه الله وبركاته...

هذي صوره الفروخ بعدما وصلوني بيومين:





وهذي صورهم امس . تقريبا بعد 9 ايام من وصولهم







اللي يعرف نوعهم ياريت يخبرني انا اتوقعهم اناث الصرد

[الكادي هواها]

وعليكم السلام
ماشاء الله عليهم حلوين
واضح العنايه والهتمام فيه
هم من الطيور البريه ولاكن يعيش في
الاماكن السكنيه بشكل عادي
واسمها عصفير الدوري
موفق

[bird96]

نعم هو يعرف ب الدوري او الدويري احيانا .

وهو بري ولا يعيش ب اقفاص للأسف .. انصحك ان تهتم بهم كمان فترة معينه .. وأخذهم ل مكان يوجد به طيور دويري وتطلقهم معهم .. لأنه يكره الأقفاص وممكن ما يأكل .

بالتوفيق .

[الجرح الوثيج]

المشاركة الأصلية كتبت بواسطة الكادي هواها

وعليكم السلام
ماشاء الله عليهم حلوين
واضح العنايه والهتمام فيه
هم من الطيور البريه ولاكن يعيش في
الاماكن السكنيه بشكل عادي
واسمها عصفير الدوري
موفق

تسلم اخوي ع المرور والتعقيب وشكرا ع التصحيح وانا ع بالي انهم صرد موجودات بكثره ف البيت

[الجرح الوثيج]

المشاركة الأصلية كتبت بواسطة bird96

نعم هو يعرف ب الدوري او الدويري احيانا .

وهو بري ولا يعيش ب اقفاص للأسف .. انصحك ان تهتم بهم كمان فترة معينه .. وأخذهم ل مكان يوجد به طيور دويري وتطلقهم معهم .. لأنه يكره الأقفاص وممكن ما يأكل .

بالتوفيق .

شكرا اخوي ع المرور والتعقيب والتصحيح
ماربيتهم في قفص حطيتهم ف عش وقبل امس بدو يطيرو ودوخوني حتى مسكتهم فطيرتهم امس . اول شي اكلتهم بالملقط ع اساس انها اخر وجبه (لكن لما بدوا يطيرو ما اكلتهم بالملقط حطيت الاكل عندهم عشان يتعودو ياكلوا بروحهم) وحطيتهم ف قفص وحطيته برا وانتظرت بعيد حتى بدت الطيور الكبيرة من نوعهم تجيهم القفص وبعدين فتحت القفص ونفس الشي انتظرت بعيد ف طاروا عند ربعهم ف الشجرة

بس كانوا واجد خوافين يرفعوا الضغط اذا بأكلهم مرات وماتعودوا ع الملقط ربيت فروخ من قبل وكانو لما يشوفو الملقط يتجننو بس هذولا خوفهم اكبر من جوعهم بكثير ... ف النهايه خوفهم ف مصلحتهم لان تقريبا كل الفروخ الثانية ترجع لما اطيرها واخر فرخ ربيته حتى الحين موجود فالبيت

[Octopus]

صح كلام الاخت الكادي هواها
هذه الطيور من فصيلة الدوري و اما الصرد فيتختلف حجمها و شكل منقاره ايضا عنهما و على فكرة هذه الطيور تتعبر من الطيور المغردة و على ما اعتقد في الصورة هما اناث طيور الدوري و هي منتشره بكل انحاء دول الخليج و الوطن العربي

[bird96]

المشاركة الأصلية كتبت بواسطة الجرح الوثيج

شكرا اخوي ع المرور والتعقيب والتصحيح
ماربيتهم في قفص حطيتهم ف عش وقبل امس بدو يطيرو ودوخوني حتى مسكتهم فطيرتهم امس . اول شي اكلتهم بالملقط ع اساس انها اخر وجبه (لكن لما بدوا يطيرو ما اكلتهم بالملقط حطيت الاكل عندهم عشان يتعودو ياكلوا بروحهم) وحطيتهم ف قفص وحطيته برا وانتظرت بعيد حتى بدت الطيور الكبيرة من نوعهم تجيهم القفص وبعدين فتحت القفص ونفس الشي انتظرت بعيد ف طاروا عند ربعهم ف الشجرة

بس كانوا واجد خوافين يرفعوا الضغط اذا بأكلهم مرات وماتعودوا ع الملقط ربيت فروخ من قبل وكانو لما يشوفو الملقط يتجننو بس هذولا خوفهم اكبر من جوعهم بكثير ... ف النهايه خوفهم ف مصلحتهم لان تقريبا كل الفروخ الثانية ترجع لما اطيرها واخر فرخ ربيته حتى الحين موجود فالبيت

اهنئك على هذا التصرف والحظ الرائع الي تصرفت فيه .

ممتاز تصرفك وخصوصا انهم طاروة مع فصيلتهم .

بارك الله فيك وكثر الله من امثالك .

[الجرح الوثيج]

المشاركة الأصلية كتبت بواسطة Octopus

صح كلام الاخت الكادي هواها
هذه الطيور من فصيلة الدوري و اما الصرد فيتختلف حجمها و شكل منقاره ايضا عنهما و على فكرة هذه الطيور تتعبر من الطيور المغردة و على ما اعتقد في الصورة هما اناث طيور الدوري و هي منتشره بكل انحاء دول الخليج و الوطن العربي

تسلم اخوي ع المرور والتعقيب.. عرفوني الاخوان فيهن نعم اناث لان الذكر فيه لون اسود ع راسه

[الجرح الوثيج]

شكرا اخوي bird96
امين يارب