ببغائي مات

[O.habeeb]

السلام عليكم ورحمة الله وبركاته
انا الخميس اشتريت كاسكو ما يتعدى السنة والشهرين الببغاء نشيط ويصفر وصحتة ممتازة بس فيلو جعير خفيف وما يخليني امسد على راسو
فجاة يوم الربوع يعني كمل 6 ايام بعد ما رجعت من المدرسة انا والاهل لاحظنا الببغاء عندو اسهال اكرمكم الله ما سار يصفر ولا يتحرك ويطلع صوت زي الكحة او العطس وكل وقته على ارضية القفص ومن ضعفو سار يخليني امسد عليه وما يقدر يقاوم ووديته عيادة بيطرية في جدة في شارع التحلية مرة ممتازة
المهم لما وصلت لقيتو على ارض القفص بيحتضر والسواد او بؤبؤ العينين بيختفي وتحس ربنا بياخد الروح شوية شوية لما شافة الدكتور الامريكي قال : oh I cant do any thing no way يعني
ما اقدر اسوي شي مستحيل وفعلا في اقل من نص دقيقة مات والدكتور قال الظاهر اشتريتو وهو مريض

سؤالي هو: ايش تعتقدو سبب مرضو الي يخليه يحتضر ويموت في يوم ؟
وكيف بعد النشاط دا في يوم يمرض ؟

انا بعد كدا ما حشتري حيوانات وكرهت الحيوانات وبالذات وانا ما كملت 15 سنة اشوف ببغائي بكامل قوته ونشاطه وصحته وما كمل اسبوع القاه في يوم يسير مريض وضعيف ويحتضر ويموت قدام عيني

العبرة انو اي واحد يشتري حيوان يكشف عليه على طول لاعشان يتاكد انو مافيه امراض واما انا كنت ابغا اكشف عليه الاحد بس اجلتها ليوم موتو يوم الربوع ووصلت العيادة في دقيقة موتو لو بس ما اجلتها كان عايش بس استغفر ايش اسوي وقدر الله ما شاء فعل

[محب الكاسكو]

ربنا يعوض عليكم في افضل منه تعدت اسباب وموت واحد احتمالات كثيره ممكن اخد برد او من اكل معين عمل له اسهال او يكون مصاب في فايرس عند شراء الطائر طبعا لا اعضراض على حكم الله عز وجل سبحان الله اراد ذلك انا نفسي لا احب اشتري طيور من محلات السوق بسبب اهمال ويجمعون الطيور مع بعضها البعض افضل شراء من خارج السوق الله يعوضكم بافضل منه يارب العالمين

[تشآرلي]

ربي يعوضك خير اخوي

ماقد مر علي ومرض ومات بنفس اليوم

لكن المفروض الدكتور كان وضح لك اكثر عن الاسباب للمرض

[sultan.]

الله يعوضك
اني حيل ضجت

الله يصبرك

[Ali.]

الله يعوضك ببغاء اجمل يا رب

[O.habeeb]

كنت ببكي عشان كدا ما شرح كتير بس قال شكلو التهاب بسبب الطيور الي كانو معاه في المحل

[مـحـمـاس الـمـنـحـاس]

الله يعوض عليك اخي الغالي

ومن الصعب الحكم بنوع المرض

ولكن الغالب انه كان حامل للفيروس وماظهر عليه الا في مرحله متأخره جداا


يغلق الموضوع لكي لاينقلب الى موضوع تعازي ومواساه